Fréttatíminn - 03.02.2012, Blaðsíða 54

 Greta Salóme Brjálað að Gera
Líf Gretu Salóme Stefánsdóttur er á yfirsnúningi þessa dagana. Hún er með tvö lög, Aldrei
sleppir mér og Mundu eftir mér, í úrslitum Söngvakeppni Sjónvarpsins auk þess sem hún
leikur með Sinfóníuhljómsveit Íslands. Þá stundar hún crossfit af miklum móð og er í topp-
formi sem kemur sér vel þegar átt er við fiðluna dagana langa.
Nær að hitta kær-
astann í ræktinni
G reta Salóme útskrifaðist með bache-lorgráðu í fiðluleik frá Listaháskóla Íslands fyrir fjórum árum og er
á síðustu önn í meistaranámi í tónlist við
sama skóla. Hún er í fullu starfi sem fiðlu-
leikari hjá Sinfóníuhljómsveitinni og leikur
einnig á fiðlu við ýmis tækifæri þannig
að daglegt líf hennar snýst að mestu um
tónlist.
Greta Salóme segir lögin tvö sem keppa
munu til úrslita í Söngvakeppninni eftir
rúma viku ekki hafa verið samin sérstak-
lega fyrir keppnina. „Ég get nú ekki sagt
að ég sé neinn Eurovision-brjálæðingur en
ég horfi samt alltaf á þetta eins og flestir
Íslendingar,“ segir Greta Salóme og bætir
við að það sé dálítið skrýtin tilfinning að
eiga tvö lög í úrslitum. „Ég sendi þessi tvö
lög, aðallega vegna þess að ég var hvött til
þess og þetta endaði bara svona vel að þau
fóru bæði áfram. Lögin voru tilbúin til út-
varpsspilunar og útgáfu þegar ég sendi þau
inn en hafði bara ætlað mér að koma þeim í
útvarp. En það er mjög skemmtilegt að þau
hafi bæði komist áfram vegna þess að þau
eru mjög ólík og þetta er ótrúleg hvatning
til þess að halda áfram í þessa átt.“
Greta söng í báðum lögunum í for-
keppninni en ætlar að draga sig í hlé frá
Aldrei sleppir mér í úrslitunum en syngja
áfram með Jónsa í Mundu eftir mér. „Þetta
minnkar álagið aðeins,“ segir Greta Salóme
sem vill ekki kannast við að taugar hennar
séu þandar eins og fiðlustrengir. „Nei, við
erum mjög róleg yfir þessu en við æfum
reyndar alveg brjálæðislega mikið. Við
æfðum líka rosalega vel fyrir forkeppnina
þannig að þetta er þaulæft og við búum vel
að því fyrir úrslitakeppnina. Auðvitað er
spenna en ef maður er mjög vel undirbúinn,
eins og við erum, þá held ég að ekkert eigi
að geta klikkað.“
Greta Salóme segist vera með ýmislegt
í bígerð að Eurovision-törninni lokinni en
gætir þess að gefa ekki of mikið upp. „Eftir
keppni hugsa ég að við kýlum bara á meira
efni. Ég er náttúrlega búin að vera að semja
og syngja lengi en ekki mikið opinberlega,
hef verið með eitt og eitt lag í spilun en ekk-
ert jafn áberandi og núna.“
Dagarnir eru að vonum langir hjá Gretu
Salóme en hún sækir andlegan og líkamleg-
an styrk í crossfit sem hún æfir alveg grjót-
hörð og af miklu kappi. „Það er svo gaman
að geta verið í svona fjölbreyttum tónlistar-
verkefnum. Í raun eru forréttindi að geta
gert þetta allt og það hjálpar rosalega til að
vera í fínu formi. Sérstaklega í minni vinnu
vegna þess að fiðlustaðan er frekar óeðlileg
líkamsstaða og það hjálpar mjög að vera
með sterkt bak og sterka miðju. Svo trekkir
þetta svolítið upp í manni keppnisskapið og
maður fær góða útrás,“ segir Greta Salóme
og hlær.
Greta Salóme æfir í Bootcamp við Suður-
landsbraut og unir sér vel þar, enda ekki
furða þar sem kærastinn hennar, Elvar Þór
Karlsson, rekur staðinn. „Ég næ að hitta
hann þar,“ segir Greta Salóme sem er á
endalausum þeytingi þessa dagana. „Hann
kann heldur betur að hvetja mig áfram
hvort sem það er í crossfitinu eða tónlist-
inni þannig að ég er með rosalega góðan
bakhjarl þar. Þetta er mjög fínt fyrirkomu-
lag sem svínvirkar alveg.“
Þórarinn Þórarinsson
toti@frettatiminn.is
Fréttatíminn greip
Gretu Salóme
glóðvolga á æfingu
með Sinfóníunni í
Hörpu. Hún segir
sígildu tónlistina
og poppið vel eiga
samleið. „Ég held
að þetta fari ótrú-
lega vel saman og
styður hvort annað
á jákvæðan hátt. Og
ég nýti náttúrlega
það sem ég hef
lært í námi mínu í
lagasmíðarnar.“Ljós-
mynd/Hari
Fjölmiðlamaðurinn víðförli Þor-
steinn Joð Vilhjálmsson hefur
fundið sér samastað á vinnumarkaði
næstu mánuðina. Þorsteinn, sem
er hokinn af reynslu við stjórn þátta
í útvarpi og sjónvarpi, mun stýra
markaþætti meistaradeildar Evrópu
á Stöð 2 sport. Þátturinn er sýndur
í opinni dagskrá vegna skilyrða í
samningi stöðvarinnar og Knatt-
spyrnusambands Evrópu. Þorsteinn
Joð mun hafa sér til aðstoðar Pétur
Marteinsson sem hefur hingað til staðið vaktina á Ríkisútvarpinu, bæði
á stórmótum og í íslenska boltanum. Þessi ráðning fylgir í kjölfar þess að
fækkað var um einn starfsmann á íþróttadeild 365 en íþróttafréttamaður-
inn Hans Steinar Bjarnason fékk uppsagnarbréf fyrir nokkrum dögum.
Metsölubókin Ég man þig eftir Yrsu
Sigurðardóttir kom nýverið út í Noregi
og hefur slegið í gegn. Bókin, sem heitir
Jeg vet hvem du er á norsku, er í sjötta
sæti bóksölulistans í Bergensavisen þar
sem hún fær hæstu einkunn, eða sex, í
teningagjöf blaðsins.
„Það er ekki eftir margar síður að
þú sem lesandi ert dreginn inní sífellt
miskunnarlausara og meira dáleiðandi
myrkur,“ segir Monika Nordland Yndes-
tad í Bergensavisen og heldur áfram:
„Gleymdu því sem er rökrétt. Hér geta
blandast inn í önnur öfl, jafnvel þótt spor
eftir barnsfætur ilmi af fersku saltvatni.
[...] Höfundinum tekst að gera óhugn-
aðinn í verstöðinni svo lifandi að þér
finnst þú vera staddur í honum miðjum.
[...] Bókin er að minnsta kosti mán-
aðarskammtur af spennu. Sama hversu
háður þú ert glæpasögum.“
Bergensavisen er ekki eina norska
blaðið þar sem gætir hrifningar á
bókinni. Tvö stærstu blöð Noregs, VG
og Dagbladet, gefa henni bæði fimm
á teningaskalanum. Cathrine Krøger
segir einfaldlega við lesendur Dagbla-
dets: „Þú þarft að bíða lengi eftir viðlíka
glæpahryllingi. Ég vil vara þig við. Þú
verður að hafa stáltaugar til að komast í
gegnum skáldsögu Yrsu Sigurðardóttir,
Ég man þig. Ef þú lest hana í rúminu áttu
fyrir höndum erfiða nótt. [...] Bókin er
tilnefnd til Glerlykilsins sem besta nor-
ræna glæpasagan. Það er verðskuldað.
[...] Þetta er glæpahryllingur sem grípur
þig heljartökum. [...] Sigurjón Sighvats-
son hyggst gera kvikmynd byggða á
sögunni. Ég þori ekki að sjá hana.“
Nú þegar er önnur prentun á leið í
verslanir að sögn Péturs Más Ólafsson-
ar, útgefanda Yrsu í Veröld. Áður hefur
hún komið út á þýsku þar sem hún var
kölluð „meistaraverk“ og hefur selst í
hátt í hundrað þúsund eintökum.
 Bækur YrSa SiGurðardóttir
Frábærir dómar og sjötta sæti í Noregi
Yrsa Sigurðardóttir slær í gegn í Noregi um þessar mundir.
Þorsteinn Joð í meistaradeildina
Ég get nú ekki sagt að ég sé neinn Eurovision-brjál-
æðingur en ég horfi samt alltaf á þetta.
Aumingja Brynjar
ef rétt reynist
Brynjar Níelsson, lögmaður
og formaður Lögmannafélags
Íslands, ritaði harðorðan pistil
í vikunni um DV og hvernig
blaðið hefur lagt þá aðila sem
eru því ekki þóknalegir í einelti
yfir langan tíma. Ef Brynjar
hefur rétt fyrir sér getur hann
strax farið að kvíða næstu
útgáfum blaðsins því þá munu
væntanlega birtast fréttir og
jafnvel sandkorn í neikvæðari
kantinum um hann sjálfan. Vaði
Brynjar hins vegar í villu og ekk-
ert einelti er til staðar í
DV þarf hann ekki
að hafa neinar
áhyggjur því þá
birtast engar
fréttir – og
engin sandkorn.
Uppnám í leikhúsinu
Uppnámið hefst á framlagi Pörupilta, þeirra Dóra
Maack, Nonna Bö og Hermanns Gunnarssonar.
Þeir eru harðir í horn að taka en engu að síður
óhræddir við að takast á við stórar spurningar um
ástir og örlög og tilgang lífsins. Viggó og Víóletta
taka við eftir hlé og beina söngleikjasjónum sínum
að útlendingahatri, kynþáttafordómum og hómófó-
bíu og fleiru krúttlegu sem best er að sópa undir
teppið. Svo syngja þau og brosa út í eitt. Það eru þau
Bjarni Snæbjörnsson og Sigríður Eyrún Friðriks-
dóttir sem leika Viggó og Víólettu, en hlutverk
Pörupilta er í höndum Sólveigar Guðmunds-
dóttur, Alexíu Bjargar Jóhannesdóttur
og Maríu Pálsdóttur. Sýningin er í kvöld
á stóra sviði Þjóðleikhússins en hún hefur
vakið mikla lukku í Þjóðleikhúskjallaranum
undanfarnar vikur.
54 dægurmál Helgin 3.-5. febrúar 2012