Læknablaðið - 01.10.1972, Blaðsíða 84
146
LÆKNABLAÐIÐ
svo litlum stað, m. a. með tilliti til rannsóknaraðstöðu, sjúkradagbóka,
nýtingar tækja og hjálparliðs lækna og ekki sízt hraða og öryggis í
þjónustu við sjúklingana. Nægir að benda á þá þróun, sem orðið hefur
t. d. í Skagafjarðar- og Álafosshéruðum, þar sem héraðslæknar hafa
beinlínis flutt stofu sína að þeirri aðstöðu, sem fyrr getur og fyrir var
á staðnum.
ESKIFJARÐARHÉRAÐ
Sem stendur er vart knýjandi nauðsyn að koma upp læknamið-
stöð í Eskifjarðar- og Búðahéruðum. Þó má telja, að tæplega sé á eins
manns færi að veita Eskifjarðarhéraði með 1600-1700 manns fullnægj-
andi læknisþjónustu. Verði hins vegar innan tíðar læknislaust í Búða-
héraði (læknirinn að hætta vegna aldurs, gamall læknisbústaður og
dýr í rekstri, tækjaskortur alger), virðist flest mæla með sameiningu
þessara héraða og stofnun læknamiðstöðvar við Reyðarfjörð. Yrði hún
þá að veita þjónustu allt suður í Breiðdalshrepp, sem áður fylgdi
Djúpavogshéraði, ef það hérað yrði sameinað Hafnarhéraði, svo sem
síðar mun að vikið. Að vísu er ekki útilokað, að Breiðdælingar kunni
í framtíðinni að sækja alls kyns þjónustu til Egilsstaða, en núverandi
verzlunarhættir o. fl. benda til þess, að þeir leiti fremur norður til
grannbyggðanna við sjóinn.
íbúar þessara héraða (2761), að viðbættum Breiðdalshreppi (íbúar
331), eru 3092 og því rétt að gera ráð fyrir 3 læknum í þessari lækna-
miðstöð, enda fólksfjölgun stöðug á Eskifirði. Nýr og rúmgóður héraðs-
læknisbústaður er á Eskifirði með allgóðri aðstöðu til lækninga cg
lyfjaafgreiðslu, og mætti þar vel koma fyrir í starfi 2 læknum og
nauðsynlegu aðstoðarfólki. Yrði læknamiðstöðin því væntanlega stað-
sett þar, þótt Búðareyri í Reyðarfirði sé meira miðsvæðis og nær Egils-
stöðum (munar þó aðeins 14 km). Á Búðareyri er þegar lokið við
lækningastofu og aðstöðu til lyfjaafgreiðslu. Sama þyrfti auðvitað á
Fáskrúðsfirði auk héraðshjúkrunarkonu vegna fjarlægðar (61 km) og
torleiðis á vetrum.
HAFN ARHÉRAÐ
Læknislaust var nær eitt og hálft ár í Djúpavogshéraði, þar til
ungur læknir fluttist þangað fyrir skömmu; enn fremur er ólíklegt,
að læknar muni fást þangað að staðaldri úr þessu, (fremur fámennt
og afskekkt). Varð héraðslæknirinn í Hafnarhéraði að gegna héraðinu
ásamt sínu og hafði þar viðtalstíma vikulega. Leiðin er alllöng eða
99 km, en tiltölulega greiðfær, nema Lónsheiði, sem er oft illfær, ýmist
vegna snjóa eða svellalaga. Með nútíma verktækni ætti þó að vera
kleift að gera þar greiðari veg. Virðist liggja beint við að sameina
Hafnar- og Djúpavogshéruð með stofnun læknamiðstöðvar á Höín,
nema því aðeins, að lagður yrði vegur úr Berufirði ncrður yfir Öxi
og upp á Hérað og Djúpavogur tengdur læknamiðstöð á Egilsstöðum
á einhvern hátt, (sjá greinargerð um Egilsstaði). Það virðist þó eiga
langt í land, og sennilega ber að stefna að hinu fyrrnefnda nú um
sinn, hvað sem síðar kann að verða. Þó myndi nyrzti hreppurinn tæp-