Læknablaðið - 01.10.1972, Blaðsíða 71

LÆKNABLAÐIÐ
137
ætlunin að reisa húsnæði fyrir lækningastofu og lyfjaafgreiðslu á þessu
ári, og mun læknirinn í Ólafsvík koma þar einu sinni í viku, eins og
verið hefur.
Þrátt fyrir þessar framkvæmdir vantar tilfinnanlega nokkur
sjúkrarúm, til þess að unnt sé a. m. k. að hlynna að slösuðu fólki, fylgj-
ast með bráðasjúklingum um stundarsakir og sinna eðlilegum fæðing-
um. Mætti vel koma þeim fyrir í kjallara hússins ásamt herbergi fyrir
ljósmóður eða vökukonu, litlu eldhúsi og öðru, sem fylgja þyrfti, enda
ekki eins brýn nauðsyn að koma þarna fyrir tannlæknastofu. Enn
betra væri þó að reisa til viðbótar sjúkrahús fyrir heimilislækningar
á staðnum.
STYKKISHÓLMSHÉRAÐ
í Stykkishólmi rekur belgísk nunnuregla sjúkrahús; það hefur
nýlega verið stækkað, þannig að þar eru nú 24 rúm, auk deildar fyrir
20 geðsjúklinga. Er það vel tækjum búið, innan stokks er flest nýtt, og
lærður meinatæknir mun tekinn til starfa. Enn fremur er þar hús-
rými, sem nægja mundi a. m. k. 3 læknum til að taka á móti sjúkling-
um og til að sinna heilsugæzlu, ef samningar tækjust um leigu á því.
Undanfarin 7 ár hefur oftast starfað þarna sérstakur sjúkrahúslæknir,
en þess á milli hefur héraðslæknirinn orðið að taka að sér störf á
sjúkrahúsinu ásamt annarri vinnu. íbúar héraðsins eru 2126, og því
full þörf tveggja lækna, jafnvel þótt Miklaholtshreppur með 162 íbúa
yrði látinn fylgja Borgarneshéraði. Þarna er því tilvalið að koma á
fót læknamiðstöð, en fjárhagur sveitarfélaga á þessu svæði mun þó
vera fremur bágborinn og því vart að vænta skjótra framkvæmda,
nema annað komi til, svo sem aukinn stuðningur ríkis eða sameining
fleiri héraða.
Um hið síðarnefnda hafa komið fram ákveðnar hugmyndir frá
Guðmundi H. Þórðarsyni, héraðslækni í Stykkishólmi, og Helga Þ.
Valdimarssyni, cand. med., sem ekki verður gengið framhjá. Gera
þeir ráð fyrir sameiningu Búðardals-, Reykhóla-, Flateyjar- og Stykkis-
hólmshéraðs. íbúatölur hinna þriggja fyrrnefndu eru 1174, 423 og 51,
og hefur læknisþjónusta þar verið fremur stopul undanfarin ár af
ýmsum ástæðum. Vegalengdir eru þó slíkar, að naumast kemur til
greina að þjóna þeim reglulega frá Stykkishólmi, nema með flugvél,
helzt þyrlu, sem borið gæti sjúkrakörfu auk farþega. Hefur þegar
fengizt þarna nokkur jákvæð reynsla af slíku þyrluflugi. Björgunar-
skútusjóður Breiðafjarðar, sem nemur eitthvað á þriðju milljón króna,
mun nú ætlaður til kaupa á þyrlu til þessara nota, en hrekkur þó
skammt, auk þess sem rekstur hennar er alldýr. Benda má á, að Reyk-
hólahéraði hefur verið þjónað flugleiðis alla leið sunnan úr Reykja-
vík og vandséð er, hvernig leysa mætti vandamál þess héraðs á annan
hátt betur en í sambandi við flugþjónustu (sjá þó kaflann um Hvamms-
tanga- og Hólmavíkurhéruð). Þyrftu læknar í Stykkishólmi bó að vera
minnst 3. Fengizt hefur mjög góð reynsla af samstarfi Stykkishólms-
lækna við hjúkrunarkonu í Grundarfirði. Með ráðningu hjúkrunar-
kvenna í fyrrnefnd héruð ásamt aðstöðu til lyfjageymslu og lækninga