Læknablaðið - 01.10.1972, Blaðsíða 85

LÆKNABLAÐIÐ
147
lega koma til greina (Breiðdalshreppur), þ. e. íbúar hans sækja flest
sitt norður á bóginn, en um 2 klst. ferð er þaðan um illfæran veg suður
að Djúpavogi, þar sem ekki yrði læknissetur.
íbúar Hafnarhéraðs munu nú vera 1506, og því ætti í rauninni að
verða full þörf á tveimur læknum þar, miðað við yíirferð héraðsins,
þannig að grundvöllur er þegar að verða þar fyrir læknamiðstöð, án
stækkunar héraðsins. Með stækkun þess norður að Breiðdalshreppi
yrðu íbúar hins vegar 2057. Þarf því að gera ráð fyrir bremur lækn-
um, a. m. k. í náinni framtíð, þ. e. Höfn er í öruggum vexti atf ýms-
um ástæðum. Ætti þá að mega veita Djúpavogi allgóða þjónustu. með
föstum viðtalstímum, héraðshjúkrunarkonu og lyfjabúri, en tvennt hið
síðarnefnda þyrfti tvímælalaust, að minnsta kosti meðan Lónsheiði
getur orðið slíkur farartálmi á langri leið.
VÍKURHÉRAÐ
í Víkurhéraði eru nú 957 íbúar, bar af 369 í Vík, þar sem héraðs-
læknir situr í heldur óheppilegu húsnæði með fremur litlum tækja-
kosti héraðs, engri aðstoð, og sjúkraskýli er ekkert. Vestur á bóginn
nær héraðið að Vestur-Eyjafjallahreppi, þannig að Austur-Eyjafjalla-
hreppur með 257 íbúa telst til héraðsins, og þar er allgóður flugvöll-
ur á Skógasandi, u. þ. b. 25 km frá Vík. Stækkun héraðsins í bá átt-
ina kemur tæpast til greina, meðan læknar sitja á Stórólfshvoli og
Hellu, en hins vegar yrði naumast unnt að bæta við nema Vestur-
Eyjafjallahreppi með 282 íbúa, þótt læknir væri á hvorugum staðn-
um, vegna vegalengda og tiltölulega betri samgangna við Selfoss.
Líkur benda aftur á móti til, að innan tíðar kunni að koma til
þess, að gegna verði Kirkjubæjarhéraði frá Vík, þegar núverandi hér-
aðslæknir hættir störfum fyrir aldurssakir. íbúar héraðsins eru aðeins
695, aðstaða til lækninga sízt betri en í Vík, og m. a. af þeim ástæðum
fremur ósennilegt, að ungir læknar, að minnsta kosti, fáist þangað til
starfa að staðaldri. Til Kirkjubæjarklausturs eru um 83 km frá Vík,
um 119 km að fjarsta bæ (Núpi) og samanlagður íbúafjöldi hérað-
anna 1652, þannig að mjög erfitt yrði fyrir einn lækni að þjóna báðum
héruðunum. Yrðu læknar því að vera tveir og auðvitað eðlilegra, að
þeir sitji í Vík en að Kirkjubæjarklaustri, m. a. vegna þéttbýlis (um
650 manns innan 15 km geisla frá Vík) og vegna þeirra kosta, sem
fylgja því, að Vík er nær höfuðborgarsvæðinu.
Auk talsverðrar vegalengdar eru samgöngur ótryggar milli hérað-
anna á vissum árstímum vegna vatnavaxta og sandfoks. Með bættu
vegakerfi og einkum með staðsetningu flugvélar á Skógasandi eða
við Höfðabrekku er þó vart frágangssök að þjóna Kirkjubæjarhéraði
frá læknamiðstöð, sem stofnuð væri í Vík, jafnvel þótt læknisskortur
kæmi ekki til.
Allgóður flugvöllur er á Kirkjubæjarklaustri og sjúkraflugvellir
raunar fleiri í héraðinu. Þó er æskilegra, að flugkosturinn yrði þyrla
en venjuleg flugvél af ýmsum orsökum. Aðstaða læknis og aðstoð yrði
vitanlega að vera svipuð og á Kirkjubæjarklaustri og fyrr er getið á
öðrum héruðum, þar sem eins hagar til.