Læknablaðið - 01.02.1978, Page 24

8
LÆKNABLAÐIÐ
LÆKNAFÉLAGIÐ EIR 30 ÁRA.
( F réttatilky nning.)
Læknafélagið er 30 ára um þessar mund-
ir. Upphaf félagsins var það, að hinn 17.
desember 1947 komu 16 læknar til fundar
í veitingastofunni Höll í Austurstræti. A-
kváðu þeir að stofna til félags, sem skyldi
hafa þann tilgang „að stofna til erinda-
flutnings og umræðufunda um læknis-
fræði, ennfremur að efla stéttarþroska og
samheldni í félagsmálum", eins og segir í
lögum félagsins, sem samþykkt voru á
þessum fundi. Auk þess var á þessum
fundi kosin stjórn félagsins, er skipuðu þeir
Sigurður Samúelsson formaður og með-
stjórnendur Valtýr Albertsson og Árni
Pétursson.
Framhaldsstofnfundur var svo haldinn
upp úr áramótum og bættust þá fleiri lækn-
ar í hópinn, þannig að stofnendur félagsins
urðu alls 24.
Fyrsta árið var félagið á hrakhólum
með húsnæði fyrir fundarstarfsemi sína, en
seint á árinu 1948 bauð Helgi Tómasson,
þáverandi yfiriæknir á Kleppsspítala, fé-
laginu að halda fundi sína á spítalanum og
var Kleppsspítali síðan aðsetur félagsins
allt fram til ársins 1973. Síðan hefur félag-
ið yfirleitt haldið fundi sína á Hótel Loft-
leiðum. Á þessum 30 árum hefa verið
haldnir 165 fundir í félaginu og hefur á
hverjum og einum þeirra verið haldið að
minnsta kosti eitt fræðandi erindi, oftast
um læknisfræðileg efni, en þó hefur félag-
ið stundum boðið öðrum en læknum að
halda erindi á fundum sínum, meðal ann-
ars hafa jarðfræðingur, bókasafnsfræðing-
ur og tannlæknar haldið erindi á fundum
félagsins, auk þess sem fundir hafa verið
haldnir með stjórnmálamönnum, svo sem
borgarstjóranum í Reykjavík
Langflestir fyrirlesaranna hafa þó verið
félagsmenn Eirar, sem hafa flutt erindi og
fyrirlestra frá sínu sérsviði. Félagið hefur
líka fengið erlenda lækna til fyrirlestra-
halds, meðal annars má geta þess að árið
1975 kom Dr. Dubost frá París hingað og
flutti 4 fyrirlestra á vegum félagsins.
í upphafi voru fundir haldnir að jafn-
aði mánaðarlega en heldur hafa þeir strjál-
ast með árunum og undanfarin ár hafa
verið haldnir að meðaltali 3 fundir á ári.
Fundarsókn hefur verið mismunandi, en
síðustu árin hafa 12—14 læknar að meðal-
tali sótt fundi félagsins. Undantekning frá
þessu mun þó vera afmælisfundurinn, sem
haldinn var nú í haust, en hann sóttu 52
læknar, sem mun vera bezta fundarsóknin
í sögu félagsins. Núverandi formaður fé-
lagsins er Gunnlaugur Geirsson.
FUNDIR
OG
RÁÐSTEFNUR
XXXVI. NORDISKE INDRE-
MEDISINSKE KONGRESS
OSLO 01 — 03, JUNI 1978
Pámelding og reservasjoner sendes Ben-
netts Kongress Service senest 1. mars, som
ogsá er siste frist for innsending av ab-
strakter/anmelding av foredrag, som forut-
settes holdt pá et skandinavisk sprák eller
engelsk.
Möteprogrammet vil i sin helhet bli av-
viklet pá Hotel Scandinavia.
Frekari upplýsingar veitir skrifstofa
læknafélaganna eða
XXXVI. Nordiske Indremedisinske
Kongress
c/o Bennets Kongress Service
Karl Johans gt. 35
OSLO 1 Norge.