Fréttatíminn - 03.12.2010, Blaðsíða 74

74 tíska Helgin 3.-5. desember 2010
Mánudagur
Skór: No land
Buxur: Weekday
Peysa: Zara í Malmö
Þriðjudagur
Skyrta: Deres
Buxur: Levi’s
Skór: Adidas í útlöndum
Miðvikudagur
Peysa: 17
Buxur: Diesel-búðin í Kaupmannahöfn
Skór: No land
Tískan er allt um kring
Gísli Björnsson er nítján ára nemi sem stundar námið af kappi og steikir hamborgara á
Hamborgarabúllu Tómasar. Hann hefur mikinn áhuga á tónlist, ræktinni, útivist og eyðir
líka frítímanum í góðra vina hópi.
„Stíllinn minn er ekki flókinn og ég veit hvað hentar mér best. Geng nærri alltaf í galla-
buxum og er mjög mikið í þykkum og þægilegum peysum. Svo þegar ég fer eitthvað
fínt og klæði mig upp á, fer ég yfirleitt í skyrtu, frakka og gallabuxur,“ segir Gísli sem
er mjög meðvitaður um þau föt sem hann klæðist og veit alveg hvað á best við. „Ég fer
mikið til útlanda og kaupi þá mest fötin mín þar. Þar er miklu meira og betra úrval. Fer
til dæmis mikið í ódýrar og beisik búðir eins og Zöru og H&M. En svo fer ég alveg út í
dýru merkin eins og Hugo Boss þegar ég ætla að finna mér eitthvað fínt. Mjög flottur
klæðnaður þar.“ Það veldur alltaf pínulítilli umhugsun þegar að því kemur að finna
hvaðan tískuinnblásturinn kemur. „Tískan er náttúrlega alls staðar í kringum mann og ég
held að maður taki hana ómeðvitað inn. Ég reyni auðvitað að klæða mig í þau föt sem
henta mér best, en það fylgir alltaf keimur af tískunni.“
5
dagar
dress
Föstudagur
Frakki: Selected
Buxur. Levi’s (kvenmanns)
Skór: DinSko í Malmö
Skyrta: Hugo Boss
Fimmtudagur
Buxur: Weekday
Bolur: H&M
Jakki: H&M
Skór: Kultur menn
tíska
Kolbrún
Pálsdóttir
skrifar
Hugtakið sem
afsakar útlit
okkar
Nú fer þetta leiðinlega tímabil að detta í gang.
Tímabilið sem við eiginlega óskum að gangi yfir
sem fyrst. Prófatíminn. Við dustum rykið af bók-
unum og áttum okkur á því að fyrst núna tökum
við þær úr plastinu. Best að byrja á því að frum-
lesa efnið. Ekki seinna vænna.
Á þessu tímabili aðskiljum við okkur einnig frá
umheiminum. Höldum okkur innandyra og reyn-
um að komast hjá því að heyra um allt það félagslíf
sem er í gangi. Beygjum kannski aðeins reglurnar
seinna meir og verðlaunum okkur fyrir dugnað
dagsins. Lítum upp úr bókunum og hittum vinina.
Seinna nögum við okkur í handarbökin yfir þeirri
heimsku og fávisku að hafa ekki þann metnað
sem ætlast er til af okkur fyrir þessi próf.
Prófljótan er fyrirbæri sem margir tala um á þess-
um tíma. Hugtak sem afsakar útlit manneskjunn-
ar og lætur henni líða betur með sjálfa sig. Enginn
tími né ástæða til að hafa sig til. Frá morgni til
kvölds er legið yfir efni sem lagt er fyrir til prófs
og joggingbuxur, stóra hettupeysan og ullasokk-
arnir það eina sem nothæft er. Snyrtidótið, sem
ekki er tekið upp heilu dagana, er grafið einhvers
staðar niður.
Það eina sem heldur okkur gangandi í gegnum
þennan tíma er tilhugsunin um að klára prófin.
Getum ekki beðið. Sigurgleðin og tilfinningin
eins og öllu fargi sé af manni létt. Verðlaunum
okkur svo með fata- og skókaupum og fullvissum
okkur um að við höfum náð öllum prófunum.
Enginn tími betri til að fagna og gleðjast með vin-
unum; endurheimta fyrra líf.
2 dálk r = 9,9 *10
Opið: má-fö. 12:30 -18:00, lau 11:00-16:00
Dalvegi 16a, Rauðu múrsteinshúsunum Kóp.201
S: 517 7727 nora.is , facebook.com/noraisland
Fyrir bústaðinn og heimilið
mikið úrval af nýjum vörum
opið laugardaga til jóla 11-16
Fjölvítamín sem
hjálpar hárinu
Bæði kynin eru oft í hreinustu vandræðum
með hárið á sér. Þess vegna er mikilvægt að
hugsa vel um það og taka inn þau vítamín
sem hjálpa hárinu að haldast sem heil-
brigðast. Brennisteinn er mikilvægur fyrir
hárið jafnt sem lestín, inósítól og kólín sem
eru mikilvæg efni fyrir eðlilegan hárvöxt.
Skortur á þessum efnum getur leitt til
hárloss og óeðlilegrar þynningar. Í Heilsu-
húsinu fæst svokallaður Hárkúr sem er
fjölvítamín-blanda, sérstaklega samsett
fyrir hárið og inniheldur öll mikilvægustu
efnin fyrir það. Hann eykur hárvöxt, þykkir
hárið og gefur því líf. 60 hylkja hárkúr er á
850 krónur í Heilsuhúsinu
Sérhönnuð fyrir
viðskiptavininn
Í gær, fimmtudaginn 2. desem-
ber, gaf tískufyrirtækið Prada út
sérhönnuð sólgleraugu sem hvergi
fyrirfinnast annars staðar í heim-
inum. Nýja sólgleraugnalínan heitir
Prada private og fæst í svörtu,
hvítu og gráu. Það einstaka við gler-
augun er að hægt er að taka þau í
sundur á hliðunum og breyta eða
bæta inn stöfum, tölum eða táknum.
Þá er hægt að hafa nafnið sitt, eða
annað sem einkennir eigandann, á
hlið gleraugnanna og gera þau að
sínum eigin.
Náttúrulegur litur
Húðlitur okkar Íslendinga er með fölum blæ og þá
sérstaklega á veturna. Sólin nær ekki til okkar á þeim
tíma og oftar en ekki sættum við okkur ekki við þá
staðreynd að engan lit munum við fá frá henni.
Brúnkukremið frá Clinique hefur skipað stóran sess
meðal íslenskra kvenna síðustu ár. Kremið gefur
húðinni góðan og jafnan lit sem þykir mjög náttúru-
legur, auk þess sem lítil lykt er af kreminu. Það fæst í
helstu snyrtivöruverslunum landsins.