Læknablaðið - 15.11.1986, Blaðsíða 10

292
LÆKNABLAÐIÐ
Flestar stofur á sjúkrahúsinu eru þriggja manna,
þó er ein einsmanns stofa á handlækningadeild
og þrjú einbýli á lyflækningadeild, en þar er
jafnframt afdrep fyrir lækna. Á
kvenlækningadeild er fjögurra manna stofa á
fæðingagangi.
Heilsugæslustöð
Árið 1981 var samþykkt að byggð yrði
heilsugæslustöð við sjúkrahúsið. Nokkru áður
hafði heilsugæslustöð í raun verið pínd inn í
sjúkrahúsið og er hún þar enn í dag, á tvist og
bast um húsið. Var okkur tjáð að þetta væri
ódýrasta heilsugæslustöð á landinu en jafnframt
einhver sú óþægilegasta, stráð á þennan hátt um
alla stofnun.
Áætluð setustofa hvarf undir heilsugæslu,
skjalageymsla fór sömu leið og ýmsar aðrar
vistarverur.
Framkvæmdum við nýbyggingu
heilsugæslustöðvarinnar miðar þannig, að búið er
að steypa undirstöðuplötu og mun áframhaldið
tilbúið undir útboð. Meðan beðið er útboðs er
undirstaða heilsugæslustöðvarinnar hreinasta
slysagildra eins og okkur var bent á.
Verst er þó að ýmsar framkvæmdir á
sjúkrahúsinu eru í biðstöðu á meðan beðið er
byggingar heilsugæslustöðvarinnar. Aðstaða til
sjúkraþjálfunar á t.d að flytjast yfir í
heilsugæslustöðina en er nú í alls ófullnægjandi
húsnæði á sjúkrahúsinu og þar verður ekki lagt í
neinar endurbætur vegna fyrirhugaðs flutnings.
Til dæmirer ekki hægt að koma hjólastólum inn
i húsakynni sjúkraþjálfara og veldur það ásamt
öðru því, að sjúkraþjálfun fer að mestu fram uppi
á stofum sjúkrahússins.
Af sjálfu leiðir að margháttuð starfsemi er
samtvinnuð á sjúkrahúsinu og
heilsugæslustöðinni og tækjakostur og starfsfólk
að hluta nýtt sameiginlega.
Ekki er fast form á upplýsingum um sjúklinga á
milli heilsugæslulækna og sjúkrahúslækna, en
samskiptin eru góð og engin hindrun í vegi
gagnkvæmra upplýsinga.
Þáttur íbúanna
Sérstaða Sjúkrahúss Akraness felst ekki síst í því,
að það er byggt af Akurnesingum. Sjúkrahúsið
komst upp fyrst og fremst vegna einskærs áhuga
og velvildar íbúanna.
Fjárhagslega hafði tvímælalaust mest að segja að
allur ágóði af rekstri Bíóhallarinnar rann til
Sœngurkonur á Sjúkrahúsi Akraness fara yfirleitt
heim á sjötta degi. Sœngurkonur geta stundað leikfimi á
sjúkrahúsinu og fyrir fœðingu er boðið upp á
foreldrafrœðslu. Á myndinni er Drífa Björnsdóttir, ein
af Ijósmœðrunum á staðnum.
sjúkrahúsbyggingarinnar. Bíóhöllin var reist á
stríðsárunum af hjónunum Ingunni Sveinsdóttur
og Haraldi Böðvarssyni og gáfu þau hana
væntanlegu sjúkrahúsi.
Kvenfélag Akraness átti einnig drjúgan þátt í
byggingu sjúkrahússins að öðrum
félagasamtökum og einstaklingum ólöstuðum.
Tækjakostur og rannsóknaaðstaða
Áhugi íbúanna á að gera eitthvað fyrir
sjúkrahúsið hefur einnig birst í stórum gjöfum til
stofnunarinnar. Þar hafa Kvenfélagið og
Lionsklúbbur Akraness átt drýgstan hlut.
Ráðuneytið hefur ekki útvegað mikið af
nauðsynlegum tækjum til sjúkrahússins, samt er
það þokkalega búið og má þakka það fyrst og
fremst félagasamtökum og einstaklingum.
Rannsóknastofa er vel búin og í blóðrannsóknum
væri hægt að anna meiru en gert er. En þá koma
samgönguerfiðleikar innan fjórðungsins á móti
og setja strik í reikninginn. Gæðamat á
rannsóknastofu er gott. Þorvaldur Veigar
Guðmundsson yfirlæknir á Landspítala kemur
mánaðarlega, fer yfir staðla og fylgist með því að
mælingar haldi.
Skurðstofur eru þokkalega búnar tækjum og
lyflækningadeild sæmilega. Það sem vantar eru
fyrst og fremst stóru tækin. Ómskoðunartæki og
röntgentæki þyrfti tilfinnanlega að endurnýja.
Röntgenlæknir kemur einu sinni í viku og annast
úrlestur og skoðanir sem aðrir framkvæma ekki.