Innsýn - 01.01.1984, Blaðsíða 9

Vertu alltaf hress í huga
hvað sem kann að mæta þér.
Lát ei sorg né böl þig buga
baggi margra þungur er.
Treystu því að þér á herðar
þyngri byrði lögð ei er
en þú hefur afl að bera
orku brunnur nægir þér.
Grafðu jafnan sárar sorgir
sálar þinnar djúpi í.
Þótt þér bregðist besta vonin
brátt mun lifna önnur ný
Reyndu þá að henni hlynna
hún þótt svífi djarft og hátt.
Segðu aldrei vonlaus vinna
því von um sigur ljær þér mátt.
Dæmdu vægt þinn veika bróður
veraldar í öldu glaum
þótt hans viljaþrek sé lamað
og þó hann hrekist fyrir straum.
Sálarstríð hans þú ei þekkir
og þig ei veist hvað henda kann,
þótt þú fastar þykist standa
þú ert veikur eins og hann.
Dæmdu vægt þótt vegfarandi
villtur hlaupi gönu skeið
þá réttu hönd sem hollur vinur
og honum beindu á rétta leið.
Því seinna þegar þér við fætur
fléttast mótgangsélið fer
mæti þér þá leiðarljósið
ljós sem einhver réttir þér.
Höfundur óþekktur
Sent inn af Steingrími Kristjónssyni
i
yj