Nýtt S.O.S. - 01.09.1960, Blaðsíða 16

„Nú, það lítur út fyrir, að þeir séu bara sofandi!“ svaraði Eglinton.
En svo bætti hann við eins og til að leiðrétta sjálfan sig: „En það er nú
annars ósennilegt með Triton. Höfðuð þér annars nokkurt talsamband
við Triton eftir flugtakið?“
„Jú, jú! Hérumbil mínútu eftir að flugtak var leyft, heimtaði Triton
tímann, sem ég svo tilkynnti þeim oft og mörgum sinnum án þess að fá
nokkurntíma svar.“
„Reynið enn einu sinni. Ef ekki með talsambandi, þá reynið mors.
Kannski hefur sambandið farið af um tíma — —“
Þrisvar, fjórum sinnum, fimm sinnum kallaði loftskeytamaðurinn í
mikrófóninn.
„Athygli! Triton — gjörið svo vel að svara strax! Triton, gjörið svo vel
að svara tafarlaust!“
En Triton þagði og nú hamraði Ellis á lykilinn.
Eglinton stóð upp, gekk hægum skrefum út að glugganum og starði
út í nóttina. Þá snéri hann við og leit enn einu sinni á bókunina um
Triton, svo gekk hann inn í loftskeytaklefann. Þá var Ellis að taka heyrn-
artækið af höfðinu.
„Árangurslaust! “ sagði loftskeytamaðurinn og hristi höfuðið.
„Kallið þá á öllum öðrum bylgjulengdum! Og reynið líka talsamband
öðru hverju! Þetta er nú bókstaflega óskiljanlegt!" hrópaði Eglinton
æstur.
í sama bili kom Birtliley líka inn í loftskeytaklefann.
„Við verðum að gefa hættumerki, Birthley! Það er þegar rofið allt
samband við Triton!“
Birthley varð agndofa.
„En væri það ekki helzt til snemmt?"
„Það er betra að kveðja út hjálparlið of snemma en of seint, Birthley!“
Eglinton fór og Birthley fór einnig í herbergi sitt og greip símann.
Tíu til fimmtán sekúndur hikaði hann — svo bað hann um samband
við bækistöðvar slysavarna á sjó:
„Gjörið svo vel að kalla á Triton á alþjóða SOS-bylgjunni! Flugtak
á Shannon klukkan tvö þrjátíu og þrjár mínútur, síðasta talsamband við
flugvélina klukkan tvö þrjátíu og fjögur! Gjörið svo vel að biðja öll haf-
skip og strandferðaskip að koma tilkynningunni áleiðis . . .“
Ennfremur skipaði hann svo fyrir, að sjóflugvélar strandgæzlunnar og
björgunarbátar skyldu tafarlaust hefja leit. Webster skipstjóri átti að
16
Nýt.t. S O S