Nýtt S.O.S. - 01.09.1960, Síða 30

I
Viruly verður hugsað tii Eglintons. Hann veit, að Eglinton er sam-
vizkusamur í starfi. Hann hafði sjálfur verið flugmaður árum saman
og hann mundi allt vilja gera, sem í hans valdi stæði, fyrir nauðstadda
félaga.
Yfirborð fljótsins hækkar með flóðinu. Vatnið sleikir nú sandeyrarnar,
ekkert heftir för þess. Þessi eyja dauðans verður minni og minni. Henn-
inger og Sypkens draga þá upp á flakið aftur, sem hafa gefið frá sér. En
þar er þó ekki rúm fyrir alla.
Viruly sagði nú við þá Sypkens og Henninger:
„Við verðum að reyna að ná í einn gúmmíbát. Tvo er alls ekki hægt
að ná í, en einn bátur getur hjálpað talsvert.“
„Auðvitað,/ svaraði Sypkens, „gúmmíbáturinn. Furðulegt, að okkur
skyldi ekki hugsast þetta fyrr! Þetta getur bjargað okkur!“
„Víst hugsaði ég um þetta, en ég hélt auðvitað, að hjálpin kæmi eftir
nokkrar mínútur, eftir að við hröpuðum — en ég óttaðist uppþot.
Gúmmíbáturinn tekur í hæsta lagi tuttugu manns. Þá verður bardagi
upp á líf og dauða og ég er ekki viss um, að við ráðum við þetta vopn-
lausir.“
Sypkens hugsaði málið. Henninger hugleiðir líka þessar röksemdir
flugstjórans, en svo ákveða þeir félagar í sameiningu, að skírskota til
heilbrigðrar skynsemi farþeganna. Viruly stígur upp á flakið til þess að
tala við fólkið.
Þar sitja hinir örvilnuðu farþegar. Enginn kallar lengur á hjálp. Öðru
hvoru heyrist lágt kvein í barni, grátur kvenna og stunur þeirra, sem
meiðst hafa.
Viruly biður farþegana að reyna að þrauka og missa ekki kjarkinn. Nú
verði reynt að ná í gúmmíbátinn inni í flakinu, en því miður væri úti-
lokað að komast á honum til lands, vegna straumhörku fljótsins, því þá
væri mikil hætta á, að bátinn ræki út á opið haf. Það yrði því að binda
bátin við hliðarstýrið. í hann færu svo konur og börn og þeir,
sem væru verst haldnir. Þar yrði í versta tilfelli að bíða unz dagaði, en
úr því gæti björgun ekki dregizt.
„Því miður rúmar báturinn ekki ykkur öll,“ lauk Viruly máli sínu.
„En verið alveg róleg og forðist að grípa til örþrifaráða! Ef þið missið
stjórn á ykkur, þá kemur báturinn ekki að neinu gagni. Konur og börn
hafa forgangsrétt. Eg legg enn einu sinni áherzlu á hið allra nauðsynleg-
asta: Fylgið öllum fyrirskipunum okkar!“
80
Nýtt S O S