Dagblaðið Vísir - DV - 14.08.2007, Qupperneq 12

Menning
þriðjudagur 14. ágúst 200712 Menning DV
Guð á hvíta
tjaldinu
Málþing með yfirskriftinni
Guð á hvíta tjaldinu fer fram
á Kirkjulistahátíð í Hallgríms-
kirkju í kvöld. Þingið er tileink-
að sænska kvikmyndaleikstjór-
anum Ingmar Bergman sem
lést í júlí. Sýnd verða nokkur
myndbrot úr kvikmyndum sem
sýna Guð og guðlega nær-
veru og fjallað um það hvernig
kvikmyndagerðarmenn hafa
í gegnum söguna sýnt Guð á
hvíta tjaldinu sem persónu
eða á annan hátt. Einnig verða
kvikmyndir danska leikstjórans
Carl Theodor Dreyer teknar
sérstaklega til skoðunar. Mál-
þingið hefst kl. 20.
Elvis-tónleikar í Salnum
Þrjátíu ár verða liðin nú á fimmtudaginn frá því Elvis Presley féll frá. Af
því tilefni verða stórtónleikar í Salnum þar sem margir valinkunnir
tónlistarmenn votta kónginum virðingu sína með flutningi á hans bestu
lögum. Á meðal söngvara verða Friðrik Ómar, Margrét Eir og Regína
Ósk. Hægt er að nálgast miða í síma 5 700 400 og á salurinn.is.
Velgengni Arnaldar Indriðasonar heldur áfram:
Kleifarvatn fær lofsamlega dóma
Bresku blöðin Guardian og Mirr-
or fjölluðu á dögunum stuttlega um
bókina
Kleifar-
vatn, eða
The Draining Lake eins og hún kall-
ast á ensku, eftir Arnald Indriðason.
Báðar umfjallanirnar voru á afar já-
kvæðum nótum.
Í grein Mirror, sem birtist síðast-
liðinn föstudag, segir að það sé eng-
in furða að bækur Arnaldar hafi náð
þeim árangri sem raunin er víða um
heim. Plott sögunnar sé sannfær-
andi um leið og rannsökuð sé pól-
itísk hugmyndafræði og brostnar
vonir. Gagnrýnandi Guardian, Pet-
er Guttridge, segir að allt of margar
alþjóðlegar glæpasögur séu hreint
ekki góðar. The Draining Lake sé
undantekning á því.
Að sögn Hólmfríðar Matthías-
dóttur, réttindastjóra Eddu, kom
Kleifarvatn út í Þýskalandi, Svíþjóð
og Hollandi fyrir rúmlega tveimur
mánuðum og hefur hlotið einróma
lof. „Í Þýskalandi stökk hún strax inn
í 13. sæti á þýska metsölulistanum.
Fyrsta upplagið seldist strax upp og
er annað upplag komið í dreifingu. Í
Hollandi er bókin ein fjögurra glæpa-
sagna sem hlotið hafa fimm stjörnur
hjá hinu virta dagblaði Vrij Neder-
land síðustu tólf mánuðina,“ seg-
ir Hólmfríður. Í dómi í NRC Hand-
elsblad, sem er eitt stærsta dagblað
Hollands, segir svo meðal annars að
Arnaldur sé keisari glæpasögunnar.
kristjanh@dv.is
„Tónleikarnir næsta vetur eiga
að bera svolítinn keim af tónlist sem
kemur frá Vínarborg. Þá erum við
að tala um tónskáld eins og Beet-
hoven, Mozart, Mahler og marga
fleiri,“ segir Helga Hauksdóttir, tón-
leikastjóri Sinfóníuhljómsveitar Ís-
lands, en dagskrá næsta vetrar ligg-
ur nú fyrir. Fjöldi tónleikanna er á
bilinu 50 til 60, þar af eru 26 áskrift-
artónleikar, og segir Helga það svip-
aðan fjölda og undanfarin ár.
Tvö stór nöfn væntanleg
Að sögn Helgu er mikill fengur
í tónleikum bandaríska píanóleik-
arans Roberts Levin. „Hann er að-
allega þekktur fyrir að vera mesti
tónlistarhugsuðurinn í dag, ef svo
má segja. Ég hugsa að Levin þekki
tónlist Mozarts og Beethovens bet-
ur en þeir sjálfir. Hann er líka einn
af fáum sem impróvíserar á tónleik-
um inn í verkin eins og menn gerðu
í gamla daga. Hann er jafnvel sá eini
í heiminum í dag sem gerir þetta.“
Helga nefnir líka breska tónskáld-
ið og hljómsveitarstjórann Thom-
as Adés. „Það má segja að hann sé
stærsta nafn Englendinga í tónlist-
arheiminum í dag. Til dæmis voru
sjö listahátíðir í Evrópu í sumar sem
voru helgaðar honum og hans tón-
list,“ segir Helga.
Frumflutningur á sinfóníu
eftir Atla Heimi
Sinfónían mun frumflytja nýtt
verk eftir Atla Heimi Sveinsson,
Sinfóníu nr. 3, á Myrkum músík-
dögum í febrúar. Þá verður einnig
frumfluttur sellókonsert eftir John
Speight. Vladimir Ashkenazy, heið-
ursstjórnandi Sinfóníunnar, mun
svo venju samkvæmt stjórna verki
að eigin vali sem að þessu sinni er
Missa solemnis eftir Beethoven.
Helga segir núna mikla áherslu
lagða á bláu tónleikaröðina sem
kallast öðru nafni Tónsprotinn.
„Þetta er svona fjölskyldutónleika-
röð og er mjög fjölbreytt í ár. Um
er að ræða ferna tónleika en þeir
fyrstu eru eins konar náttfatagleði
um miðjan dag þar sem spiluð
verður tónlist sem tengist því. Það
er mælst til þess að hljómsveitin og
hljómsveitarstjórinn verði í nátt-
fötum og áheyrendur mega mjög
gjarnan gera það líka,“ segir Helga
og bætir við að trúðurinn Barbara
verði á öllum tónleikum Tónsprot-
ans.
Hættir í haust
Helga lætur af störfum sem tón-
leikastjóri Sinfóníunnar í haust eftir
að hafa gegnt því starfi í sextán ár.
Fjörutíu og sex ár eru hins vegar
liðin síðan hún lék fyrst með hljóm-
sveitinni og segist hún hafa sinnt
alls kyns störfum innan Sinfóní-
unnar síðan þá, til dæmis verið rót-
ari og starfsmannastjóri. „Þegar ég
ákvað á sínum tíma að hætta fannst
mér það fínt en nú þegar þetta fer
að nálgast finnst mér það svolít-
ið skrítið. En koma tímar, koma
ráð,“ segir Helga en hún hefur ekki
ákveðið hvað hún tekur sér næst
fyrir hendur.
kristjanh@dv.is
Dagskrá Sinfóníuhljómsveitar Íslands næsta vetur liggur nú fyrir. Að sögn Helgu Hauks-
dóttur, tónleikastjóra Sinfóníunnar, er fjöldi tónleika á bilinu 50 til 60 og er
fjölbreytnin mikil. Helga lætur af störfum í haust eftir að hafa starfað með
Sinfóníunni í tæpa hálfa öld.
Kúmen í Viðey
Hin árlega Kúmenganga
fer fram í Viðey í kvöld. Upp úr
miðri átjándu öld gerði Skúli
Magnússon landfógeti ýmsar
ræktunartilraunir í Viðey sem
gengu misvel en sú sem best
heppnaðist var kúmenrækt.
Í dag er mikið kúmen í Viðey
sem dreifir sér vítt og breitt um
eyjuna. Gestir eru eindregið
hvattir til að taka með sér skæri
og poka til kúmentínslu. Eftir
göngu verður gestum boðið
að bragða kúmenkaffi að hætti
Viðeyinga. Gangan tekur um
tvær klukkustundir, hefst með
siglingu úr Sundahöfn kl.19.15
og kostar 800 kr. fyrir fullorðna
en 400 kr. fyrir börn.
Ísafold í Lang-
holtskirkju
Kammerhljómsveitin Ísa-
fold heldur tvenna tónleika í
Langholtskirkju á morgun og
fimmtudag. Á efnisskránni
verða tónlistarperlur bæði úr
fortíð og nútíð og meðal ann-
ars verður flutt nýtt verk eftir
hljómsveitarstjórann, Dan-
íel Bjarnason. Verkið heitir
Öll hljóð bíða þagnar og var
samið sérstaklega fyrir Ísafold.
Einleikarar verða þau Elfa
Rún Kristinsdóttir fiðluleikari
og Víkingur Heiðar Ólafsson
píanóleikari ásamt tenórsöngv-
aranum Braga Bergþórssyni.
Tónleikarnir hefjast kl. 20.30.
Sinfónían á náttfötum
Helga Hauksdóttir,
tónleikastjóri Sinfóníu-
hljómsveitar Íslands
Helga lætur af störfum
sem tónleikastjóri
sinfóníunnar í haust eftir
að hafa gegnt því starfi í
sextán ár.
Sinfóníuhljómsveitin á tónleikum
Fjöldi tónleika hljómsveitarinnar næsta
vetur er á bilinu 50 til 60.
BÓKMENNTIR
Arnaldur Indriðason Eitt stærsta
dagblað Hollands kallar arnald keisara
glæpasögunnar.
TÓNLIST
DV mynd Gúndi