Dagblaðið Vísir - DV - 14.08.2007, Qupperneq 22

Sigyn keyrði um þjóðvegi landsins um helgina og kom það henni skemmtilega á
óvart að það virðist sem umferð-
armenning landans hafi batnað til
muna. Ökumenn
héldu sig yfirleitt
við 90 kílómetra
hámarkshraða
og kom það vart
fyrir að einhver
vitleysingurinn
reyndi að taka
fram úr bíl á þeim
hraða - ólíkt því sem áður var. Hún
varð vör við miklu meiri rólegheit í
umferðinni - og var nú kominn tími
til. Rólegheitin voru þó hófleg því
Sigyn lenti heldur ekki í því að fest-
ast á eftir sleðum á 70 eins og stund-
um vill verða. Á um 100 km kafla
mætti hún löggunni að minnsta
kosti tvisvar, og alltaf sjálf á lögleg-
um hraða, en fylltist við það öryggi
um að hennar væri gætt gagnvart
ökuníðingum þessa lands sem
hlýtur að fara fækkandi við stór-
aukið umferðareftirlit og hækkað-
ar hraðasektir.
Sigyn hef-ur til þessa bölsótast
nóg út í ökuníð-
ingana og hef-
ur þess í stað al-
veg gleymt öðrum
hættuvöldum í umferðinni. Það er
nefnilega örugglega næstum því
jafnhættulegt umferðinni að keyra
á 70 og að keyra á 120. Þeir
sem keyra á 70 kílómetra
hraða neyða þá sem á eft-
ir þeim keyra til að taka
fram úr – og það er ein-
mitt við framúrakstur sem
hætturnar skapast! Sigyn minn-
ist þess að hafa ótal mörgum sinn-
um lent í hægfara lest sem myndast
hefur vegna ökumanns sem ým-
ist kemst ekki yfir 70 eða áttar sig
hreinlega ekki á hættunni við að
hann keyri svona hægt.
Því hefur verið haldið fram að sá sem er ann-ar í lestinni sé sá sem
myndi hana, því erfiðara sé
að taka fram úr tveimur bílum
en einum. Sigyn er þessu alls-
endis ósammála. Sá sem er fremst-
ur í lestinni er og verður lestarstjóri.
Sigyn er sjálf oft skíthrædd við að
taka fram úr á þjóðvegi 1– sérstak-
lega á miklum umferðarhelgum – og
hefur oft pirrast mikið á sleðum á 70.
Hún skilur ekki af hverju þeir keyra
bara ekki út í kant – þegar þeir sjá að
á eftir þeim hefur myndast röð bíla
– til þess að hleypa fram úr sér röð-
inni. Það hlýtur að vera hættuminna
en framúrakstur allra þeirra sem á
eftir eru!
Þeir geta líka beygt út af á þægi-legum gatnamótum og beðið af sér röðina áður en þeir halda
áfram. Þeim getur nú ekki legið lífið
á hvort eð er fyrst þeir eru á annað
borð að drolla þetta á 70.
þriðjudagur 14. ágúst 200722 Umræða DV
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson
framkVæmDaStjóri: Hjálmar Blöndal
ritStjóri og áByrgðarmaður:
Sigurjón m. Egilsson
fulltrÚi ritStjóra: janus Sigurjónsson
fréttaStjóri: Brynjólfur Þór guðmundsson
aðStoðarritjóri: Sigríður Dögg auðunsdóttir
auglýSingaStjóri: auður Húnfjörð
Umbrot: dV. Prentvinnsla: Prentsmiðja Morgunblaðsins.
Dreifing: árvakur. dV áskilur sér rétt til að birta aðsent efni
blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
aðalnúMer 512 7000, ritstjórn 512 7010,
áskriftarsíMi 512 7005, auglýsingar 512 70 40.
Sleðarnir hættulegir
sigyn
Sigurjón M. EgilSSon ritStjóri Skrifar. „Ef miklar sviptingar verða á fjármálamörkuðum hér er ástæða fyrir stærri aðila að halda að sér höndum.“
Íslendingar og góðærið
Leiðari
Hafa íslenskir auðmenn komið málum þannig fyrir að þær hræringar sem eru á fjármagnsmörkuðum um allan heim leiki okkur ekki eins illa og marg-ar aðrar þjóðir? Svo virðist vera, þeir tala þannig
og virðast standa vel gagnvart því sem er að gerast og leikur
mörg fyrirtæki illa. Ekkert hefur komið fram sem bendir til að
stóru íslensku fjármálafyrirtækin hafi freistast til að fjármagna
tæpustu og verstu lánin. Það skiptir okkur verulega miklu máli
að íslensku fyrirtækin geti staðið af sér það sem er að gerast á
hlutabréfamörkuðum og gengisþróun um allan heim. Hvert og
eitt þessara fyrirtækja er það stórt í okkar samfélagi að ef eitt
þeirra fer illa út úr þeim hræringum sem nú eru, kann það að
hafa mikil áhrif á hag mjög margra Íslendinga og á hag margra
íslenskra fyrirtækja.
Á fáum árum hafa íslensk fjármálafyrirtæki orðið stærstu og
um leið helstu fyrirtæki landsins. Hlutur þeirra í heildinni er
mikill og þess vegna er vonandi að þau standi sterk eftir það
sem nú er að gerast. Hitt er annað, hvernig óróinn á alþjóða-
mörkuðum kemur við almenning. Í DV í gær sagði Vilhjálmur
Egilsson, framkvæmdastjóri Samtaka atvinnulífsins, að breyt-
ingar á krónunni snertu okkur öll. Hann segir krónuna hafa
verið allt of háa og nú nálgast hún það jafnvægi sem er viðun-
andi. „Fyrst og fremst held ég að fólk verði vart við sveiflurnar í
gegnum hækkanir á innfluttum vörum, sér í lagi þeim sem eru
viðkvæmar fyrir hækkunum.“ Vilhjálmur segir að einstakling-
ar eigi eftir að taka meira af erlendum lánum á næstunni, þau
verði hagstæðari.
Næstu dagar og vikur verða prófraun á hvort okkar litla hag-
kerfi sé betur undir óróann búið en mörg önnur, hvort þau sem
fremst fara hafi haft varann á og hagað málum með þeim hætti
að þjóðin komi ósærð frá þeim hræringum sem nú leika marga
grátt í okkar heimshluta. Ekkert hefur verið sagt eða gert sem
réttlætir eða styður að fram undan sé kreppa eða það alvarlegt
ástand að það komi til með að hafa langvarandi neikvæð áhrif.
„Það tíðkaðist að kolanámumenn tóku kanarífugl með sér
í námurnar. Ástæðan var sú að ef gasleki kom fram var það
fuglinn sem fyrst fann fyrir honum því hann var minnstur. Ef
fuglinn varð fyrir eitrunaráhrifum drifu námumennirnir sig
í burtu. Sumir hafa haldið því fram að Ísland sé eins og þessi
kanarífugl. Ef miklar sviptingar verða á fjármálamörkuðum
hér er ástæða fyrir stærri aðila að halda að sér höndum,“ sagði
Ásgeir Jónsson, forstöðumaður Greiningardeildar Kaupþings,
í DV í gær. Ef rétt er skýrist á næstu dögum hversu miklar svipt-
ingarnar verða hér á landi.
DómstóLL götunnar
Hvernig má bjarga landsbyggðinni?
„Byggðakvótinn verður að koma til
baka. ráðamenn þurfa að finna leiðir
til þess. þrýstihópar einnig. Við þurfum
líka að lækka íbúðaverð og vexti. það
er allt hægt ef viljinn er fyrir hendi. svo
má efna til samkeppni um nýsköpun.“
Hrafnhildur Einarsdóttir,
56 ára ekki starfandi
„Ætli það sé ekki með því að lækka
íbúðaverð. Verðið á matvælum er líka
of hátt á landsbyggðinni. þarf að finna
jafnvægi þarna á milli. það er líka
kominn tími á nýjar hugmyndir.
landsbyggðin er ekki bara fiskimenn
og bændur. svo má nýta ferðaiðnaðinn
betur.“
Andri Þórhallsson, 17 ára nemi
„það er helst hreinlega að ræna
kvótanum einhvern veginn til baka.
það er ein leið. annars er ég ekki mikið
inni í landsbyggðarmálunum almennt.“
Jóhann Björnsson ,
21 árs opinber starfsmaður
„það þyrfti frekar að spyrja fólk á
landinu hvaða lausnir það hefur og
hvað það vill. Ég hef í rauninni ekki
hugmynd hvernig má gera þetta. það
verður að finna leið til þess að bjarga
landsbyggðinni annars leggjast bara
sjötíu prósent af landinu í eyði.“
Fanney Edda Pétursdóttir,
65 ára lífskúnstner
sanDkorn
n Grétar Mar Jónsson, þing-
maður Frjálslynda flokksins, fór
mikinn í fréttum Ríkisútvarps-
ins á dögunum þegar hann
sagði að líklega þyrfti að tvö-
falda það fé sem ætlað væri til
hafnarfram-
kvæmda í
Bakkafjöru
ef það ætti
að vera
óhætt að
sigla ferju
þangað inn,
fullskipaðri
farþegum.
Sagði hann
að rif út af ströndinni gerði að
verkum að hætt væri við að
ferðir féllu oft niður ef ferjusigl-
ingar milli lands og eyja flyttust
frá Þorlákshöfn. Spurning hvort
ekki sé réttast að hlusta á gamla
skipstjórann í þessum efnum.
n Flugvallarmálið getur tekið á
sig margar myndir. Því komst
Sigurður Kári Kristjánsson,
þingmaður Sjálfstæðisflokksins
í Reykjavík norður, að á dögun-
um þegar hann var í grillveislu.
Þá vatt sér
upp að hon-
um maður
og spurði
Sigurð hvort
hann gerði
sér grein
fyrir að
hann væri
þingmaður
eina kjördæmis landsins sem
státaði ekki af neinum flugvelli.
Hvatti hinn mæti maður Sigurð
Kára að lokum til að berjast
fyrir úrbótum á þessu, þó hefur
Sigurður Kári hingað til barist
fyrir því að færa flugvöllinn úr
Vatnsmýri fremur en að fjölga
flugvöllum í borginni.
n Egill Helgason slær taktinn
fyrir væntanlega bókmennta-
þætti sína í Sjónvarpinu með
skrifum á bloggi sínu. Þar tekur
hann fyrir tvær nýjar skáldsög-
ur, aðra The
Road eftir
Cormac
McCarthy
sem sóp-
aði að sér
verðlaunum
og góðum
umsögn-
um og hins
vegar The Terrorist, nýjustu
bók metsöluhöfundarins Johns
Updike. Egill verður ekki mjög
amerískur í þáttum sínum, alla-
vega gefur hann þeim báðum
falleinkunn.
n Ásláttarvillurnar geta reynst
mönnum dýrkeyptar. Það fengu
aðstandendur Frétta í Vest-
mannaeyjum, og ef til vill ekki
síður Arnór Hermannsson bak-
ari, að reyna á dögunum. Eins og
svo margir fjölmiðlar glugguðu
Fréttir í skattskrá Vestmannaeyja
og gerðu skil í næsta tölublaði
sínu eftir birtingu þeirra. Út frá
því reiknuðu Frétta-menn laun
Arnórs og birtu svo fréttina að
hann hefði haft 24.771 krónu í
mánaðarlaun, sem er ansi lítið.
Þarna gleymdu þeir einni tölu,
þeirri fremstu, því launin voru
224.771 og þurftu Frétta-menn
því að biðjast afsökunar á mis-
tökunum.
Sá sem er fremstur í lestinni
er og verður lestarstjóri.