Dagblaðið Vísir - DV - 14.08.2007, Qupperneq 25

DV Sviðsljós þriðjudagur 14. ágúst 2007 25
Söngkonan Amy Winhouse
hneig niður í samkvæmi á dög-
unum og var henni ekið beint
á sjúkrahús. Þar var dælt upp
úr henni og henni gefin adren-
alín-sprauta. Í blóði hennar
fundust ýmis fíkniefni, meðal
annars alsæla, heróin, kókaín
og ketamín. Amy segist þó
ekki ætla í meðferð, heldur
frekar að eyða tíma með föður
sínum.
Fer heldur
til pabba
en í meðFerð
Söngkonan Amy Winhouse var í síð-ustu viku lögð inn á sjúkrahús eft-ir að hafa misst meðvitund í sam-kvæmi í húsi sínu. Amy hafði þá neytt of mikilla fíkniefna og var líkami hennar að gefa sig. Læknar
þurftu bæði að gefa henni adrenalín-sprautu
og dæla upp úr henni, en hún var í lífshættu.
Í blóði hennar fannst mikið magn af alsælu,
kókaíni, heróíni, áfengi og hrossadeyfilyf-
inu ketamín, en það er virkilega öflugt fíkni-
efni. „Þetta var brjálæði, eitt af því svakaleg-
asta sem ég hef lent í. Ég veit ekki hvernig ég
get útskýrt það sem
gerðist. Ég þekki mig greinilega ekki nógu
vel. Ég man ekki hvað gerðist, hvernig ég leit
út eða neitt, þetta var hræðilegt,“ segir Amy í
viðtali við götublaðið The Sun. „Ég var gjör-
samlega stjórnlaus, ég veit ekki hvað kom
yfir mig. Ég veit þó að mig langar aldrei til
að líða svona aftur. Ég veit að nú þarf ég að
breyta hlutunum og bæta sjálfa mig,“ segir
söngkonan ennfremur. Vegna málsins þurfti
Amy að hætta við fyrirhugaða tónleika með
Rolling Stones í Þýskalandi í gærkvöldi. Amy
sló eftirminnilega í gegn með laginu Rehab,
eða meðferð, en hún segist ekki þurfa á slíkri
að halda vegna málsins, frekar leiti hún til
föður síns. „Hann hjálpar mér. Þegar ég læt
svona veit ég að ég verð að hitta pabba minn.
Meðferð er ekki úrræði fyrir mig,“ segir Amy.
Aðrar óstaðfestar fregnir segja að Amy hafi
verið gert skylt að halda neyðarfund ásamt
fjölskyldu sinni eftir að hún vaknaði á spítal-
anum. Þar mættu foreldrar hennar, Mitch og
Janis, ásamt eiginmanni hennar Blake Field-
er-Civil og hans foreldrum. Allt sauð upp úr
á fundinum og endaði það með því að faðir
Amy tók föður Blake hálstaki þegar þeir voru
ekki sammála um hvar sökin lægi. Amy er
aðeins 23 ára gömul og hefur notið mikilla
vinsælda undanfarið. dori@dv.is
Amy Winehouse Fer ekki í
meðferð þrátt fyrir að hafa hnigið
niður í samkvæmi á dögunum.
Amy á tónleikum ásamt Mick
Jagger amy, sem er aðeins 23
ára gömul, er sögð gefa rolling
stones-mönnum ekkert eftir,
þegar kemur að óreglu.
Fyrrverandi eiginmaður Britney Spears
hélt að hann væri að fara að leika í kvikmynd
Federline haFður aF FíFli
Rappandi dansarinn Kevin Fed-
erline þurfti að líða mikla niður-
lægingu þegar hann mætti á töku-
stað kvikmyndarinnar The Night
Watchman, en Kevin átti að fara með
lítið hlutverk í myndinni. Þegar hann
loks mætti á tökustaðinn komst hann
að því að búið væri að reka hann úr
myndinni og að umboðsmaður hans
hefði ekki látið hann vita. „Hann var
með lítið hlutverk í myndinni, en
hann var rekinn og umboðsmað-
urinn sagði honum það ekki. Kevin
komst að þessu þegar hann mætti
í búningamátun,“ segir heimildar-
maður um málið. Mikið var gert úr
hlutverkinu fyrst, en í mörgum fjöl-
miðlum kom fram að Kevin myndi
leika eitt af aðalhlutverkum kvik-
myndarinnar samhliða stórstjörn-
unni Keanu Reeves. Kvikmyndafyrir-
tækið Fox Searchlight vill hins vegar
ekki kannast við að hafa ráðið leik-
arann nokkurn tíma í hlutverk. Um-
boðsmaður Federline hefur ekki enn
viljað tjá sig um málið. Leikreynsla
Kevins er ákaflega takmörkuð, en
hann lék lítið hlutverk í einum þætti
af CSI: Crime Scene Investigation
og í dansmyndinni You Got Served.
Ljóst er að Kevin getur nú varið meiri
tíma í dómsmál sitt gegn fyrrver-
andi eiginkonu sinni Britney Spears,
en Kevin hefur sótt um fullt forræði
sona þeirra tveggja, Sean Preston og
Jayden James.
Kevin Federline Mætti á
tökustað og komst að því að
hann væri ekki með hlutverk.
Britney Spears Kevin
reynir nú að fá fullt forræði
yfir sonum hans og spears.
Þrítyngd börn
Longoria
Leikkonan Eva Longoria vill kenna
börnum sínum þrjú tungumál frá
því þau fæðast. Eva sem talar sjálf
ensku og spænsku reiprennandi
segist spennt yfir því að láta reyna
á tungumálakennslu barna hennar
og Tonys Parker, sem er franskur.
Þegar Eva var spurð að því í viðtali á
dögunum hvort hún hygðist kenna
börnum sínum þrjú tungumál, sagði
hún: „Ekki spurning, auðvitað. Okk-
ur Tony langar svo í börn.“
Paris forðast
Britney
Söngkonan Britney Spears er sögð
vera á höttunum eftir vináttu Par-
is Hilton, enn á ný. Hins vegar vill
Paris ekkert með hana hafa og segist
ekki hafa áhuga á því að endurvekja
gömul vinabönd. „Britney þráir
að hanga með Paris. Hún er alltaf
að reyna að redda gsm-númerinu
hennar og reyna að hafa samband
við hana. Paris hins vegar vorkennir
bara Britney og vill ekkert með hana
hafa,“ segir heimildarmaður blaðs-
ins Life and Style Weekly.
Misskildi Bretland
Leikkonan Megan Fox er um þessar
mundir að leika í kvikmyndinni How
To Lose Friends And Alienate Peop-
le, ásamt þeim Simon Pegg og Kirst-
en Dunst. Tökur kvikmyndarinnar
fara fram í London og segir Megan
að borgin hafi komið sér töluvert á
óvart, þar sem hún hafði fyrirfram
ákveðnar hugmyndir um hana. „Ég
hélt að hér væri ekkert nema risa-
vaxnar dómkirkjur og steinlagð-
ar götur. Svo hélt ég að fólkið væri
allt saman dularfullt,“ segir Megan.
Leikkonan er þó mjög spennt yfir því
að vinna með Simon Pegg og segist
vera forfallinn Shaun of the Dead-
aðdáandi.