Dagblaðið Vísir - DV - 29.08.2007, Síða 12

Menning
miðvikudagur 29. ágúst 200712 Menning DV
Hlutverk
kvenna í
stjórnmálum
Höfðu konur einhverju hlut-
verki að gegna í stjórnmálum
áður en þær fengu kosninga-
rétt og önnur pólitísk réttindi? Í
ritinu Kvinnor och politik i det
tidigmoderna Norden, sem nú
er komin út í ritröð Sagnfræði-
stofnunar, eru birtar rannsóknir
um konur og stjórnmál á Norð-
urlöndum frá 16. öld og fram á
19. öld. Sérstök áhersla er lögð
á konur sem gerendur en þetta
viðfangsefni hefur lítið verið
rannsakað og eru því hér á ferð-
inni brautryðjendarannsóknir.
Ritgerðirnar níu í bókinni eru
eftir norræna sagnfræðinga
sem ræddu þetta viðfangsefni
á norræna sagnfræðingaþing-
inu sem haldið var í Reykjavík
í ágúst.
Róttækur djasspíanisti
Bandaríski djasspíanistinn frábæri, Uri Caine, opnar Jazzhátíð í
Reykjavík í kvöld með tónleikum í Austurbæ. Caine hefur hrist upp í
tónlistarheiminum með því að leggja að jöfnu tónlist eftir Irving Berlin
og Johan Sebastian Bach, Mozart, Mahler og Mingus, Schumann og
söngleikjaskáldin. Tónleikarnir í kvöld hefjast kl. 20.
hátíð
bækur
Ljósanótt í Reykjanesbæ hefst á morgun:
Dúndurmenningarveisla fyrir alla
Hátt í 400 listamenn láta ljós
sitt skína á Ljósanótt í Reykjanes-
bæ sem sett verður í áttunda sinn
á morgun og stendur alla helg-
ina. „Hátíðin hefur lengst í báða
enda og orðið kjarn-
meiri getur maður
sagt,“ segir Valgerð-
ur Guðmundsdóttir, einn forsvars-
manna hátíðarinnar.
„Ljósanótt líkist meira Menning-
arnótt í Reykjavík en öðrum bæjar-
hátíðum vegna mikils framboðs af
menningarviðburðum Við erum
auðvitað með þessa hefðbundnu
útisviðsdagskrá á kvöldin þar sem
kjarninn úr landsliðinu mætir, eins
og Garðar Cortes, Páll Rósinkranz,
Megas og fleiri. En að auki erum við
með alveg ógrynni af heimatilbúnu
menningarefni,“ segir Valgerður.
Aðaláherslan er á laugardegin-
um en þá fer meðal annars fram
Reykjanesmaraþonið, tónleikar
verða haldnir í Duushúsum og svo
aðrir á stóra sviðinu við Hafnar-
götu um kvöldið. Þar flytja Jóhann
Helgason og Rúnar Júlíusson lag
hátíðarinnar að þessu sinni sem
Jóhann samdi en nýtt Ljósalag er
kynnt á hverju ári. „Við höfum verið
með samkeppni undanfarin ár en
ákváðum núna að semja við einn
af okkar tónlistarmönnum og varð
Jóhann fyrir valinu að þessu sinni,“
segir Valgerður. Dagskrá laugar-
dagsins er svo slitið með flugelda-
sýningu sem Valgerður segist geta
lofað að verði ekki síðri en flugelda-
sýningin á Menningarnótt. „Og há-
tíðin í heild verður dúndurmenn-
ingarveisla fyrir alla.“
Nánari upplýsingar um dag-
skrána er að finna á ljosanott.is
„Ég hef haft þessa bók nokkur
ár í smíðum. Ég held að elsta sag-
an sé orðin fimmtán ára gömul,“
segir Böðvar Guðmundsson rit-
höfundur en ný bók eftir hann,
Sögur úr Síðunni, er væntanleg
í haust. Ef frá er talin bók með
kvæðum fyrir börn er þetta fyrsta
skáldverkið sem Böðvar sendir frá
sér síðan hinar rómuðu Vestur-
farasögur hans, Híbýli vindanna
og Lífsins tré, komu út fyrir jól-
in 1995 og 1996. Sú síðarnefnda
hlaut meðal annars Íslensku bók-
menntaverðlaunin.
Gerast um miðbik 20. aldar
„Hvað eigum við að kalla þetta?
Kannski er þetta smásagnasafn,“
segir Böðvar um nýju bókina.
„Þetta eru allavega sögur sem eru
tengdar, segja frá sama fólkinu.
Og það er með mig eins og alla
sem komnir eru til ára sinna, þeim
finnst tímarnir svo ólíkir því sem
var þegar þeir voru ungir. Sögurn-
ar gerast í íslenskri sveit um mið-
bik síðustu aldar, fyrir svona 50 til
60 árum, og fjalla um mannlífið
eins og það var þá,“ segir Böðvar.
Hann segir að þetta sé ekki sögu-
leg skáldsaga eins og Vesturfara-
bækurnar. „Þetta er sett inn í mjög
sögulegan ramma og kannski
munu einhverjir þekkja einhverj-
ar persónur, en þetta er fyrst og
fremst saga um hlutina eins og
þeir hefðu getað gerst í þessu um-
hverfi. Og kannski gerðist eitthvað
af því.“
Enginn uggur
Aðspurður hvort það sé enginn
uggur í honum um að væntingar til
nýju bókarinnar séu meiri en góðu
hófi gegni, í ljósi þeirrar velgengni
sem Híbýli vindanna og Lífsins tré
nutu, hlær Böðvar kumpánlega.
„Það verður bara að koma í ljós. Ég
reikna með að þessar sögur mínar
höfði meira til fólks á mínum aldri
en ungs fólks. En þess ber að geta
að fólk á mínum aldri verður fleira
og fleira þannig að lesendahópur-
inn þar stækkar heilmikið líka. Við
verðum nefnilega svo hundgömul
núna,“ segir Böðvar og hlær.
Það er bókaforlagið Uppheim-
ar á Akranesi sem gefur út bók
Böðvars en hann var áður hjá
Máli og menningu. Hvers vegna
þessi vistaskipti? „Maður er allt-
af að pota sér ofar og ofar,“ segir
Böðvar í gamansömum tón. „Nei,
nei, það er kannski sú ástæða að
ég þekki Kristján (Kristjánsson,
eiganda Uppheima) vel og okkur
semur mjög vel. Mér þykir það líka
gott framtak að ungur maður skuli
leggja út í það að gefa út bækur,“
segir Böðvar.
Böðvar býr í Danmörku og hefur
gert það mörg undanfarin ár. Hann
reiknar hins vegar með að koma
til Íslands í kringum mánaðamót-
in október/nóvember til að fylgja
nýju bókinni eftir. Böðvar segist
ekki vita nákvæmlega hvenær bók-
in komi út í haust en hann sé alla
vega búinn að setja lokapunktinn
af sinni hálfu. kristjanh@dv.is
Brýtur blað
Spænsk-íslensk orðabók
er komin út á vegum Máls og
menningar. Með útgáfunni er
brotið blað í íslenskri útgáfu-
sögu. Orðabókarinnar hefur
lengi verið beðið enda fyllir
hún stórt skarð í röð þeirra
orðabóka sem Íslendingar hafa
haft aðgang að í námi sínu og
störfum. Verkefnið var undir-
búið af kostgæfni og þar tóku
saman höndum Edda útgáfa,
Háskólinn í Reykjavík, mennta-
málaráðuneytið og minningar-
sjóður Margrétar Björgólfsdótt-
ur. Verkið var unnið á aðeins
tveimur árum sem verður að
teljast einsdæmi í útgáfu orða-
bóka á Íslandi, að því er segir í
tilkynningu. Á næsta ári kemur
svo út Íslensk-spænsk orðabók.
Sýningarlok í
Skotinu
Nú eru síðustu forvöð að
sjá sýningu Erlu Stefánsdóttur
ljósmyndara í Skotinu hjá Ljós-
myndasafni Reykjavíkur því
henni lýkur í dag. Myndirnar á
sýningunni, sem ber yfirskrift-
ina Áfangastaður, eru teknar á
ferðalagi um austurhluta Rúm-
eníu í maí síðastliðnum. Mynd-
irnar eru ekki hefðbundnar
ferðalagsmyndir heldur sýna
ferlið að ferðast. Erla lærði ljós-
myndun í Bandaríkjunum og
útskrifaðist árið 1993. Síðan þá
hefur hún haldið fjölda sýninga
hérlendis og erlendis.
Frá Ljósanótt í fyrra valgerður
guðmundsdóttir, forsvarsmaður
Ljósanætur, lofar að flugeldasýningin í
ár verði ekki síðri en flugeldasýningin
á menningarnótt.
Rithöfundurinn Böðvar Guðmundsson sendir frá sér nýja bók í haust sem
hann segir að megi líklega kalla smásagnasafn. Ef frá er talin bók með kvæðum
fyrir börn er þetta fyrsta skáldverkið sem Böðvar sendir frá sér síðan hinar rómuðu Vest-
urfarasögur hans, Híbýli vindanna og Lífsins tré, komu út fyrir rúmum áratug.
Loksins
bók
Böðvar Guðmundsson rithöfundur
„Hvað eigum við að kalla þetta? kannski
er þetta smásagnasafn. Þetta eru alla
vega sögur sem eru tengdar.“
Böðvarifrá