Brennidepill - 01.03.1998, Blaðsíða 6

Brennidepill - 01.03.1998, Blaðsíða 6
Hvernig metur þú frammi- stöðu sjálfstæöismanna í borgarstjórn á kjörtímabilinu og þau mál sem þeir ætla aö leggja áherslu á í kosn- ingabaráttunni? í fyrsta lagi vil ég segja að mér finnst þeim hafa gengið heldur illa að fóta sig í minnihluta, enda vanir að ráða lögum og lofum. Tillöguflutningur þeirra hef- ur verið mjög rýr sem sést best á því að aðeins tvisvar sinnum hafa þeir átt til- lögu á útsendri dagskrá borgarstjómar- funda. Þær skiptu tugum hjá fyrrver- andi minnihluta. Þeir hafa því fyrst og fremst verið í andófi, eins uppbyggilegt og það nú er. í ljósi þessa á ég erfitt með að meta þau mál sem þeir ætla að leggja áherslu á í kosningabaráttunni. Ég hef ekki hugmynd um hver þau verða. En ef marka má orð þeirra þá munu þeir lofa að lækka skatta, lækka þjónustugjöld, lækka arðgreiðslur veitufyrirtækjanna í borgarsjóð, bæta þjónustuna og greiða skuldir. Þetta eru kraftaverkamenn sem ættu að komast í heimilisbókhald landsmanna! Hvaö hefur Reykjavíkurlistinn gert á kjörtímabiHnu sem Sjálfstæöisflokkurinn hafði ekkigert? Reykjavfkurlistanum hefur tekist að ná stjórn á fjármálum borgarinnar sem kemur m.a. fram í því að skuldasöfnun borgarsjóðs hefur verið stöðvuð. A síð- asta kjörtímabili hækkuðu skuldir borgarsjóðs um 8 milljarða. R-listinn hefur nútímavætt stjórnsýslu borgar- innar, komið á skýrum leikreglum og afnumið kerfi hentistefnu og fyrir- greiðslu. Hann hefur unnið að stefnu- mótun í öllum málaflokkum, allt frá starfsmannamálum til orkumála, sett fram skýr markmið og fylgt þeim eftir. Hann hefur fjárfest í framtíðinni með því að setja skóla- og leikskólamál í for- gang, með átaki í fráveitumálum og Nesjavallavirkjun svo nokkuð sé nefnt. Hvaö greinir R-listann frá D-listanum sem valkostur fyrir kjósendur nú? Ég gæti nefnt ótal margt en læt þrennt nægja. í fyrsta lagi annar forgangur í borgarmálum eins og ég hef gert grein fyrir hér áður. í öðru lagi hefur Reykja- víkurlistinn almannahagsmuni en ekki sérhagsmuni að leiðarljósi. í þriðja lagi geta kjósendur treyst því að örlög ein- staklinganna, sem leita til borgarinnar eftir fyrirgreiðslu eða störfum, ráðast ekki af flokksskírteini eins og var með- an Sjálfstæðisflokkurinn réð ríkjum. Reykjavík verði aftur skattaparadís Árni Sigfússon, oddviti Sjálfstæðismanna í borgarstjórn „Sveitarfélög úti á landi geta gert betur í aö kynna þá kosti sem fylgja smá- um samfclög- um, ogyfirvinna ókostina meö upplýsinga- og tæknibylting- „ Viö ætlum aö gera Reykjavík aö nýju ab skattaparadís." „Reynslan og tæknin eru nú aö kenna okkur ad þótt við ber- um ábyrgð á að þjónusta sé til staðar, þurfum við ekki að reka hana. Við kaup- um hana á markaði þar sem verðið er skýrt." Hversu langt telur þú að eigi að ganga í sameiningu sveit- aríélaga, annars vegar al- mennt séð og hins vegar hér á höfuðborgarsvæðinu? Þegar ég var formaður Sambands ungra sjálfstæðismanna var megin áhersla mín á uppbyggingu sterkari byggðarkjarna um allt land. Sameining sveitarfélaga er ekki séríslenskt fyrirbrigði. Flest samfé- lög hafa glímt við það verkefni að gera þjónustu betri og hagkvæmari. Mikilvæg- ur þáttur í því er að rekstrareiningarnar séu hæfilega stórar. Ég minni á að Frakk- ar líta á Reykjavík sem „þorp". Þeirra fjöldamælikvarði er slíkur að við teljumst ekki til bæjar. I þeirra hugarheimi næst hagræðingin með mun stærri einingum. Ég er ekki sammála því og sé allt eins vandamál rísa með ofurstærð sveitarfé- laga, þótt við eigum langt í land með það hér á landi. Ég tel þó augljóst að viss lág- marksstærð tryggir meiri hagkvæmni. Gott þjónustusvæði byggir á hentugum akstursvegalengdum til þjónustu og kost- um þess að nýta sameiginlega sjóði í margvíslega innri byggingu samfélags- ins. Sveitarfélögin úti á landi eru á réttri leið. Til lengri tíma litið gæti hófuðborg- arsvæðið skipst í tvö sveitarfélög. Ég tel þó brýnasta hagsmunamál höfuðborgar- svæðisins íþessu tilliti að hugaaðjöfnun atkvæðisréttar í landinu. Eru sveitarfélögin að þínu mati í stakk búin til að takast á hendur þau verkefni sem felast í aukinni ábyrgð? Já, því hugsunin er að breytast. Fyrir nokkrum árum var mun ríkara í huga manna að ábyrgðin þýddi að sveitarfélag- ið þyrfti sjálft að sinna rekstrinum ef þjónusta skyldi veitt. Verðmiðinn var óljós og kostnaður fljótur að fara úr bönd- um. Reynslan og tæknin eru nú að kenna okkur að þótt við berum ábyrgð á að þjón- usta sé til staðar, þurfum við ekki að reka hana. Við kaupum hana á markaði þar semverðiðerskýrt. Hvað með straum fólks utan af landsbyggðinni, ætti borgin að ýta undir þann straum eða ekki? Fólk á að sjálfsögðu að vera frjálst að því að flytjast á milli landshluta og velja sér búsetu við hæfi. Viss samkeppni um fólk er holl öllum samfélögum. Við þurfum öflugt viðskipta- og þjónustusvæði á ís- landi til að halda í unga fólkið okkar. Ég er sjálfur af þeirri kynslóð sem getur val- ið um samastað og starfsgrundvöll hér eða erlendis. Yngri kynslóðin hefur enn meira val. Til að vera samkeppnishæf þurfum við sterka Reykjavík. En þegar fram í sækir og tæknin verður almennari tel ég þó að minni sveitarfélög úti á landi séu einnig áhugaverður kostur. Sveitar- félög úti á landi geta gert betur í að kynna þá kosti sem fylgja smáum samfé- lögum, og yfirvinna ókostina með upplýs- inga- og tæknibyltingunni. Hvaða mál verða stærstu bar- áttumál D-listans í komandi borgarstjórnarkosningum? Við sjálfstæðismenn leggjum áherslu á að leiða Reykjavík inn í næstu öld með einstaklingum í forsvari sem hafa áhuga- verða framtíðarsýn, sem kunna að setja markmið og ekki síst standa við gefin lof- orð. Við ætlum að einfalda borgarkerfið, draga úr embættismannakerfinu, ein- falda afgreiðslur nefnda gagnvart al- menningi og fyrirtækjum. Við ætlum að gera Reykjavík að nýju að skattaparadís. Við munum afnema holræsaskattinn og auka þannig ráðstöf- unartekjur fjölskyldna um 40-120 þúsund krónur á næsta kjörtímabili. Við munum tryggja að félagsleg að- stoð skili árangri og styðji einstaklinga til sjálfstæðis. Við ætlum að bæta samgöngukerfið í borginni - ekki bíða eftir að aðrir geri það. Við leggjum fram raunhæfar aðferð- ir til fækkunar slysa - og munum draga úr mengun umferðar með nýjum leiðum. l.tbl. 1998

x

Brennidepill

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Brennidepill
https://timarit.is/publication/1061

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.