Sveitarstjórnarmál - 28.12.1947, Blaðsíða 16
14
SVEITARSTJÓRNARMÁL
„TIL KONUNGS.
Fyrir Alþingi hefir verið framborin
bænarskrá, undirskrifuð af 203 búandi
mönnum í Skagafjarðarsýslu, sem beiðist
þess, að þingið allraþegnsamlegast sendi
Yðar hátign bænarskrá um, að leyfð verði
uppsigling til verzlunar á sjó við Sauðár-
krók, sem er vík sú af Skagafirði, sem
leingst nær inn, vestan Héraðsvatna.
Mál þetta var feingið 3 manna nefnd til
ihugunar, og síðan rædt á 2 aðalfundum,
og leyfir þingið sér nú allraþegnsamlegast
að láta álit um það í ljós á þessa leið. Þing-
inu fannst það mæla til hlitar fram með
bænarskránni að ef hún feingi Yðar Há-
tignar allramildilegustu áheyrslu, þá yrði
mörgum bændum sparaður mikill ferða-
kostnaður og mikil tímatöf við kaupstaða-
ferðir. og að hins vegar ekki eru líkindi til,
að verzlan þeirra tveggja fastakaupmanna,
sem höndlun hafa lángt út með Skaga-
firði austanverðum í Hofsós og Grafarós
(sem liggja fyrir sömu höfn), yrði að
óstöðugri fyrir það þvi margir fara opt,
eins og nú er úr Skagafjarðardölum með
vörur sínar til Akureyrar, og margir, sem
vestan til búa í firðinum til Skagastrand-
ar; þó bæði þessir og hinir eigi yfir lánga
og örðuga fjallvegi að sækja, kjósa þeir
þetta heldur en að sæta skemdum á vör-
um sínum í Héraðsvötnunum og fleiri
vötnum á kaupstaðarleiðinni, eða að verða
að kaupa sér ferjur og tefjast við að láta
ferja vörur sínar. Þingið fann einnig, að
það mætti fremur verða þeim Skagfirzku
fastakaupmönnum til hags en óhags ef sá
eini lausakaupmaður, sem vanur er að
koma á Hofsóshöfn, verzlaði heldur eða
með fram á Sauðárkróki. Þar eð þingið
varð á álíta bænarskrána á góðum rökum
bygða, féllst það. svo að segja í einu hljóði
(með 20 atkvæðum gegn 2), á það, að því
bæri að mæla með þvi við Yðar Hátign,
að sjóverzlun yrði leyfð á Sauðárkróki.
Fyrir því leyfir þingið sér í dýpstu auð-
mýkt að beiðast þess: Að Yðar Hátign
allramilidlegast mætti þóknast að veita
kaupmönnum leyfi til sjóverzlunar á
Sauðárkróki í Skagafjarðarsýslu í Norður-
amtinu.
Th. Sveinbjörnsson. H. Jónsson.
Til stuðnings bænarskrá Skagfirðinga
um verzlunarleyfi á Sauðárkróki, senda
15 bændur í Austur-Húnavatnssýslu Al-
þingi 1849 bænarskrá. sem lögð var fram
á 4. fundi Albingis, 5. júlí 1849 svohljóð-
andi:
„BÆNARSKRÁ HÚNVETNINGA.
Það hefur bæði verið fundinn og viður-
kenndur hagur fyrir land vort í mörgu
tilliti, að þeir staðir fjölgi, er lausakaup-
mönnum leyfist að verzla á við landsbúa.
þess vegna hafa ménn líka úr nokkrum
héruðum landsins sent Alþingi bænar-
skrár þessu efni viðvíkjandi, í þvi skyni,
að það frambæri ósk þeirra fyrir Hans
Hátign konunginum um fjölgun þessara
staða. þar sem bezt hefur þókt við eiga. —
Þess kyns bænarskrá var fram borin á Al-
þingi 1847 frá Skagafjarðarsýslu, um að
kaupmönnum og lausakaupmönnum yrði
leyfð verzlun á sjó í Sauðárkróki þar í
sýslu gjörði þingið góðan róm að henni
og beiddist ens sama í álitsskjali sínu til
Hans Hátignar konungsins, sem bænar-
skráin fór fram á.
En þareð vér vitum ekki til, að þessi
bæn sé heyrð, enn sem komið er, en þykj-
umst í sumu tilliti sjá viðlíka hagsmuni
fyrir oss að verzlun í Sauðárkróki, sem
vesturbyggjar í Skagafirði sjá að henni
fyrir sig, einkum með tilliti til þess, að
lausakaupmenn koma hvergi síður en á
Skagaströnd, því skipalegan þar er alræmd
og alkunn, sem einhvör hin hættulegasta,
þá leyfum vér oss hér með, undirskrifaðir
austurbyggjar í Húnavatnssýslu að óska:
Að Alþing allraþegnsamlegast ítreki þá
bæn sína við konunginn, að Hans Hátign
allramildilegast vildi veita öllum verzlun-
arleyfi til sjóverzlunar í Sauðárkróki í
Skagafjarðarsýslu.
Austurhluta Húnaþings í júnímán. 1849.“