Sveitarstjórnarmál - 01.10.1984, Síða 13

SAMTALIÐ
Nýja skólahúsiö að Sólgörðum. Við hægri brún myndarinnar má sjá á grindverk við sundlaugina og á sundtaugarhúsið. Ljósmyndina tck
Hákon Torfason, lorstöðum. byggingardeildar menntamálaráðuneytisins, I ágúst 1984.
— Fljótamenn hafa löngum róið úr Haganesvík?
„Það hefur alltaf verið smábátaútgerð á sumrin og á
haustin frá Haganesvík, en þar hamlar hafnleysi útgerð.
Samvinnufélag Fljótamanna var stofnað á árinu 1919,
rak lengi verzlun í Haganesvík og byggði þar frystihús á
árunum 1957 og 1958. Það var sameinað Kaupfélagi
Skagfirðinga fyrir nokkrum árum, og það notar nú húsið
sem frystigeymslu. Nú er heldur engin verzlun í
Haganesvík, því kaupfélagið reisti útibú á Ketilási í
Holtshreppi árið 1978, og þangað sækja Fljótamenn nú
verzlun sína. í Haganesvík var á sínum tíma sláturhús,
og er húsið uppistandandi enn, þótt ekki sé það notað,
því þar var hætt að slátra fyrir rúmlega áratug.
Samvinnufélag Fljótamanna og Kaupfélag Austur-
Skagfirðinga á Hofsósi, sem einnig var sameinað
Kaupfélagi Skagfirðinga fyrir rúmum áratug, ráku
kjötvinnslu og kjötsölu á Siglufirði í fjölmörg ár, og þar
var markaður fyrir allar sláturafurðir, sem til féllu í
Fljótum. Á Siglufirði hefur á hinn bóginn aldrei verið
mjólkurvinnsla, og átti það sinn þátt í, að
mjólkurframleiðsla hefur löngum átt erfitt uppdráttar í
Fljótum. Ég hef haft atvinnu af rekstri vörubíls og
minnist margra ferða, t.d. á síldarárunum, með
kjötafurðir frá Haganesvík yfir Siglufjarðarskarð til
Siglufjarðar."
— Er ennþá verkaður hákarl í Fljótum?
„Til forna voru Fljótin kunn að hákarlaveiðum. Voru
það bændur og búalið, sem stunduðu þessar veiðar úr
Haganesvík og úr Hraunkróki, en bátarnir hafa trúlega
verið geymdir á Siglufirði. Ég man eftir að hafa heyrt
um eitt eftirminnilegt strand í Haganesvík. Ég held, að
þá hafi bátur alveg farið upp og molazt. t>á er að
minnast þess, er hákarlaskipið Maríanna fórst, því þá
urðu margar ekkjur samtímis í Fljótum.
Hákarlaútgerðin er þannig tengd slysasögum. Á síðari
árum hafa menn lagt þetta eina og eina lóð, en árangur
ekki orðið umtalsverður, að ég held. Þeir kunna þó
margir ágæta vel að verka hákarl."
— Nú liggja leiðir úr Fljótum til þriggja kaupstaða,
Sauðárkróks, Siglufjarðar og Ólafsfjarðar. Hvert sækja
Fljótamenn aðallega viðskipti og þjónustu?
„Mjólk er sótt í Fljótin a.m.k. tvisvar í viku yfir
veturinn og oftar yfir sumarið og flutt til vinnslu á
Sauðárkróki. Þar eru peningastofnanir héraðsins, og
þar eru úrvinnslufyrirtækin. Það gefur því augaleið, að
bændur verzla sennilega mest á Sauðárkróki, því allt er
þetta samtvinnað. Það er þó styttra að fara til
Siglufjarðar heldur en til Sauðárkróks, og sjálfsagt nota
menn sér eitthvað þá möguleika að verzla þar, og
þangað hafa menn löngum sótt ýmiss konar þjónustu.
Vegurinn um Lágheiði liggur fram Fljót og Stíflu og til
Ólafsfjarðar. Sú leið er þó aldrei rudd, eftir að hún
SVEITARSTJÓRNARMÁL 203