Sveitarstjórnarmál - 01.10.1984, Qupperneq 44

SKIPULAGSMÁL
Sigurbjörn Hallsson, verkfræðingur:
Svæðisskipulag Eyjafjaröar
Sigurbjörn Hallsson, forstöðu-
maður Svæðisskipulags Eyjafjarð-
ar, var ráðinn í þá stöðu í október-
mánuði 1983. Sigurbjörn er fæddur
27. maí árið 1948 á Akureyri, sonur
hjónanna Aðalheiðar Gunnarsdótt-
ur og Halls Sigurbjörnssonar, skatt-
stjóra þar.
Sigurbjörn lauk stúdentsprófi frá
Menntaskólanum á Akureyri árið
1969, fyrrihlutaprófi í bygging-
arverkfræði frá Háskóla íslands árið
1972, prófi í byggingarverkfræði frá
Norges Tekniske Högskole árið
1974, prófi í byggingarlist frá Det
Kongelige Danske Kunstakademi
árið 1980 og stundaði síðan fram-
haldsnám I byggingarlist og borg-
arskipulagningu f Rómaborg árið
1982-1983.
Sigurbjörn starfaði sem ráðgef-
andi verkfræðingur á Akureyri árið
1975-1976 og stundaði verkfræði-
og arkitektastörf í Kaupmannahöfn
árin 1980-1982.
Aödragandi
Formlega var stofnað til sam-
starfs um skipulagsmál Akureyrar
og nágrennis 2. ágúst 1973, er und-
irritaðar voru í félagsmálaráðu-
neytinu reglur fyrir samstarfsnefnd-
ina. Fimm sveitarfélög stóðu að
samstarfsnefndinni. Voru það Akur-
eyri, Glæsibæjarhreppur, Hrafna-
gilshreppur, Svalbarðsstrandar-
hreppur og Öngulsstaðahreppur.
Skipulagsstjórn ríkisins skipaði for-
mann nefndarinnar.
Upp úr þessu samstarfi mótaðist
síðan samvinnunefnd um svæðis-
skipulag Eyjafjarðar með þátttöku
allflestra sveitarfélaganna á svæð-
inu. í samstarfsnefndinni eiga sæti
tveir fulltrúar frá hverju sveitarfélagi
auk fulltrúa frá Búnaðarsambandi
Eyjafjarðar. Skipulagsstjórn rikisins
skipar formann nefndarinnar. Mörk
skipulagssvæðisins eru skilgreind
sem sýslumörk Eyjafjarðarsýslu að
vestanverðu og hreppamörk Háls-
hrepps og Ljósavatnshrepps að
austanverðu.
Hlutverk nefndarinnar er að vinna
að samræmingu á skipulagi þess
svæðis, er hlutaðeigandi sveitarfé-
lög ná yfir.
Endurskoðun skipulags-
laganna
Samstarf um svæðisskipulag
Eyjafjarðar er að nokkru leyti byggt
á 3. gr. skipulagslaga nr. 19/1964,
þar sem gert er ráð fyrir, að unnt sé
að gera að einhverju leyti sameigin-
legt skipulag fyrir fleiri sveitarfélög.
Þá er einnig stuðzt við drög að nýrri
reglugerð um gerð skipulagsáætl-
ana, sem er endurskoðun á skipu-
lagsreglugerð nr. 217/1966. í
endurskoðuninni er gert ráð fyrir
fjórum mismunandi tegundum
skipulagsáætlana, þ.e. landsskipu-
lagi, svæðisskipulagi, aðalskipulagi
og deiliskipulagi.
Með þessari endurskoðun skipu-
lagsreglugerðarinnar er stigið mikil-
vægt skref í átt til endurskoðunar
gildandi skipulagslaga í þeim til-
gangi að laga þau að breyttum að-
stæðum og auknum kröfum um
samræmingu allrar áætlanagerðar.
Eins og kemur fram hér að ofan,
er gert ráð fyrir, að inn í reglu-
gerðina komi ákvæði um nýjar teg-
undir skipulagsáætlana, þ.e. lands-
skipulag og svæðisskipulag. Með
þessu eru lögð drög að því, að á
íslandi verði unnið að skipulagi á
þrem sviðum, þ.e. lands-, svæðis-
og aðalskipulagi. Slík skipu-
lagsvinnubrögð hafa verið viðhöfð
annars staðar á Norðurlöndum nú
um nokkurt skeið með góðum
árangri.
Landsskipulag er áætlun, sem
tekur til landsins alls og fjallar um
aðalatriði varðandi þróun byggðar
og atvinnuvega. Markmið með
landsskipulagi er að skapa heildar-
yfirlit, samræma byggðaþróun og
móta ramma fyrir svæðisskipulag.
Svæðisskipulag nær yfir fleiri en
eitt sveitarfélag, allt að heilu land-
svæði (landshluta). Markmið með
svæðisskipulagi er að móta sam-
ræmda heildarstefnu varðandi þró-
un byggðar og landnotkunar innan
skipulagssvæðisins og stuðla að
hagkvæmri þróun. Með svæðis-
skipulagi er mótaður rammi fyrir
aðalskipulag.
Eitt aðalatriði með gerð svæðis-
skipulags er gerð áætlunar um
landnotkun. Sem dæmi um land-
notkun má nefna: landnotkun
byggðar- og þéttbýlissvæða, land-
notkun landbúnaðarsvæða, land-
234 sveitarstjórnarmAl