Sveitarstjórnarmál - 01.10.1984, Qupperneq 50

NÁMSKEIÐ OG RÁÐSTEFNUR
Námskeið í uppbygg-
ingu og rekstrí skíða-
svæða 28. til 30.
nóvember
Víða um land hafa sveitarfélög
eitt eða fleiri saman komið sér upp
skíðasvæðum með nýtizkulegum
búnaði, lyftum, togbrautum og
snjótroðurum. Fræðslustofnun
sveitarfélaga efnir til námskeiðs
dagana 28.-30. nóvember, sem
ætlað er umsjónarmönnum slíkra
skíðasvæða. Kynntur verður rekstur
skíðasvæða, fjármál, skýrsluhald,
mannahald, öryggiskröfur og eftirlit
með tækjabúnaði með tilliti til ör-
yggis. Leiðbeint verður um fyrstu
viðbrögð við slysum í skíðalöndum
og um viðbúnað og varnir gegn
snjóflóðum. Fjallað verður um
skíðaskóla og útleigu á skíðabún-
aði og um lagningu göngubrauta.
Á öðrum degi námskeiðsins verð-
ur Bláfjallasvæðið skoðað og tækja-
búnaður þar, og Elín Pálmadóttir,
formaður Bláfjallanefndar, segir frá
samstarfi sveitarfélaga um Bláfjalla-
fólkvanginn. Á leiðinni úr Bláfjöllum
verður komið við í Flveradölum og í
skíðalöndunum við Kolviðarhól.
Stefán Kristjánsson, íþróttafulltrúi
Reykjavíkurborgar, hefur verið
Fræðslumiðstöðinni innanhandar
með undirbúning námskeiðsins.
Á námskeiðinu gefst þátttakend-
um kostur á að afla sér upplýsinga
um nýjustu tækin, sem á boðstólum
eru varðandi uppbyggingu og
rekstur skíðasvæða.
Námskeið um
launabókhald
Tölvuþjónusta sveitarfélaga efnir
til námskeiðs um launabókhald
sveitarfélaga á Wang-tölvur dag-
ana 3.-5. desember í húsakynnum
sambandsins að Háaleitisbraut 11,
4. hæð.
Námskeið í rekstri
smærri bókasafna
á Selfossi 7. og 8.
desember
í vor var í Fræðslumiðstöð sveit-
arfélaga haldið námskeið ætlað
forstöðumönnum almenningsbóka-
safna. Nú er ákveðið námskeið í
rekstri smærri bókasafna, og verður
það haldið í samstarfi við Samband
sunnlenzkra sveitarfélaga og
Bæjar- og héraðsbókasafnið á Sel-
fossi. Fer það fram í húsakynnum
þess dagana 7. og 8. desember.
Leiðbeint verður um hagnýta þætti I
rekstri bókasafna, s.s. um fjármál
og bókhald, lánþega- og útlánataln-
ingu, um uppstillingu og kynningu á
bókakosti safna og um plöstun og
viðgerðir bóka.
Á síðari hluta fyrri dags nám-
skeiðsins fara þátttakendur til Þor-
lákshafnar og skoða Egilsbúð,
bóka- og minjasafn Þorlákshafnar,
undir leiðsögn Gunnars Markús-
sonar, bókavarðar þar.
Aðalleiðbeinandi á námskeiðinu
verður Steingrímur Jónsson, yfir-
bókavörður á Selfossi.
Fjöldi þátttakenda á námskeiðun-
um í Fræðslumiðstöðinni er tak-
markaður vegna húsnæðisins að
Háaleitisbraut 11. Er því brýnt, að
þátttaka sé tilkynnt hið allra fyrsta.
Miðsvetrarfundur
orkuveitusamband-
anna 15. og 16.
nóvember
Miðsvetrarfundur Sambands ís-
lenzkra rafveitna og Sambands fs-
lenzkra hitaveitna verður haldinn að
Hótel Sögu í Reykjavík 15. og 16.
nóvember. Á dagskrá fundarins eru
þrjú sameiginleg erindi: Árni Kol-
beinsson, skrifstofustjóri í fjármála-
ráðuneytinu, ræðir tolla og skatt-
lagningu á efnum til veitna, Jón Vil-
hjálmsson, deildarstjóri f Orkustofn-
un, kynnir húshitunarspá 1984-
2015 og Jónas Elíasson, prófessor,
ræðir samnýtingu hitaorku og raf-
orku. Að öðru leyti er fundurinn tví-
skiptur. Fulltrúar hitaveitna ræða
starfsemi Jarðhitadeilar Orkustofn-
unar, sölufyrirkomulag hitaveitna,
reglugerðir og gjaldskrár þeirra.
Fulltrúum rafveitna er ætlað að
ræða hönnunarforsendur dreifikerf-
is raforku f þéttbýli, um aðferðir við
álagsspár í raforkukerfum og um
gjaldskrármál rafveitna.
Spástefna Stjórn-
unarfélagsins
28. nóvember
Stjórnunarfélag íslands, sem
sambandið á aðild að, hefur á síð-
ari árum haldið í nóvembermánuði
spástefnu, þar sem spáð er um þró-
un efnahagsmála á komandi ári og
fjallað um helztu breytingar í þjóðar-
búskapnum milli ára með hliðstæð-
um hætti og gert er á fjármálaráð-
stefnu sambandsins að því er snert-
ir búskap sveitarfélaganna.
[ ár verður spástefna Stjórnunar-
félagsins að Hótel Loftleiðum mið-
vikudaginn 28. nóvember og hefst
kl. 4 síðdegis.
Jón Sigurðsson, forstöðumaður
Þjóðhagsstofnunar, Þráinn Eggerts-
son, prófessor, og Jónas H. Haralz,
bankastjóri, ræða horfur í efna-
hagsmálum 1985, og fjármála-
stjórar íslenzka járnblendifélagsins
og Hampiðjunnar hf. og fram-
kvæmdastjóri fjárhagsdeildar SÍS
ræða almennar forsendur fjárhags-
áætlana fyrir árið 1985, og Ragnar
Halldórsson, forstjóri ÍSAL, dregur
síðan saman helztu niðurstöður
spástefnunnar.
Spástefna Stjórnunarfélagsins er
öllum opin, en tilkynna ber þátttöku
til skrifstofu félagsins í síma 82930.
240 SVEITARSTJÓRNARMÁL