Sveitarstjórnarmál - 01.03.2003, Blaðsíða 5
Forystugrein
Stækkun og efling sveitarfélaganna
í fylgigögnum með samþykktri þingsálykt-
un um stefnu í byggðamálum fyrir árin
2002-2005 kemur fram, að til að treysta
sjálfsforræði byggðarlaga, gera stjórnsýslu
þeirra markvissa, tryggja gæði þjónustu og
efla staðbundið lýðræði sé nauðsynlegt að
stækka sveitarfélögin. Þar er ennfremur
lagt til, að ríkisvaldið vinni að þessu
markmiði í samstarfi við Samband ís-
lenskra sveitarfélaga á næstu árum og rætt
um að hækka lágmarksíbúatölu sveitarfé-
laga í sveitarstjórnarlögum.
Á 62. fulltrúaráðsfundi sambandsins
vorið 2002 var fjallað um sveitarfélaga-
skipanina í landinu í tengslum við af-
greiðslu á stefnumörkun í byggðamálum.
Sveitarfélagaskipanin var einnig tekin til
umfjöllunará XII. landsþingi sambands-
ins haustið 2002 og ályktað um málið.
Samkvæmt þeirri stefnu sem mörkuð var á
framangreindum fundum á sambandið að
vinna að því á fyrri hluta núverandi kjör-
tímabils sveitarstjórna að sveitarfélögin
stækki með frjálsri sameiningu og við það
miðað að þau nái að minnsta kosti yfir
heildstæð atvinnu- og þjónustusvæði. Ná-
ist þetta markmið ekki er lagt til að sam-
bandið beiti sér fyrir því, í samvinnu við
ríkisvaldið, að leitað verði annarra leiða til
að það markmið náist fyrir lok kjörtíma-
bilsins 2006.
Stefnumörkun sambandsins um sveitar-
félagaskipanina og samþykkt ályktun Al-
þingis um sama mál eru efnislega sam-
hljóða. Víðtækur stuðningur við stækkun
og eflingu sveitarfélaganna er því greini-
lega til staðar í þjóðfélaginu.
Á síðasta áratug náðist verulegur árang-
ur í eflingu og stækkun sveitarfélaganna
með sameiningu þeirra. Á hinn bóginn er
Ijóst að þær sameiningar sem átt hafa sér
stað á síðustu árum hafa í mörgum tilvik-
um ekki verið nægilega víðtækar til að ná
því takmarki að mynda heildstæð atvinnu-
og þjónustusvæði eins og ályktað hefur
verið um á vettvangi sambandsins. Vegna
fjölda fámennra sveitarfélaga er sveitar-
stjórnarstigið á íslandi veikara en ella og
umfang þess minna en í öðrum norrænum
ríkjum, sem við miðum okkur gjarnan við
á mörgum sviðum. Til að öll sveitarfélög á
íslandi geti orðið öflugar stjórnsýsluein-
ingar sem veiti íbúum sínum góða þjón-
ustu og til að auka raunverulegt staðbund-
ið lýðræði er nauðsynlegt að þau eflist og
stækki.
Með tilliti til þess veruleika og með
hliðsjón af framangreindri stefnumörkun
Alþings og ályktana sambandsins er Ijóst
að sameining sveitarfélaga verður ofarlega
á baugi á næstu mánuðum og misserum.
Alþingiskosningar standa fyrir dyrum og
að þeim loknum þarf sambandið að taka
upp viðræður við nýja ríkisstjórn um nýja
aðgerðaáætlun í sameiningu sveitarfélaga.
Mörkuð stefna sambandsins um framhald
málsins er afar skýr, bæði varðandi mark-
mið og tímasetningu.
Stækkun og efling sveitarfélaganna
verður tekin til umfjöllunar á 63. fulltrúa-
ráðsfundi sambandsins sem boðað hefur
verið til 10. apríl. Þar verður væntanlega
lagt til enn frekara veganesti í þær mikil-
vægu viðræður sem framundan eru við
nýja ríkisstjórn um hvernig skynsamlegast
sé að ríki og sveitarfélög vinni sameigin-
lega að framgangi breytinga á sveitarfé-
lagaskipaninni í landinu með það að
markmiði að stækka og efla sveitarfélögin.
Þórður Skúlason
framkvæmdastjóri
SVEITARSTJÓRNARMÁL
Útgefandi: Samband íslenskra sveitarfélaga Auglýsingar: P. J. Markaðs- og augiýsingaþjónusta
Háaleitisbraut 11-13 • 108 Reykjavík. Símar: 566 8262 & 861 8262
Sími: 515 4900 • Bréfasími: 515 4903 Netfang: pj@pj.is
Netfane: samband@samband.is • Veffang: www.samband.is
Ritstjórar: Magnús Karel Hannesson (ábm.) Umbrot og prentun: Alprent, Glerárgötu 24, 600 Akureyri, sími 462 2844.
magnus@samband.is Dreifing: íslandspóstur
bragi v. bergmann
bragi@fremri.is Forsíðumyndin: Myndina tók Sigurður Jónsson byggingafulltrúi í
Ritstjórn: Fremri kynningarþjónusta Ölfusinu. Myndin er tekin í Þorlákshöfn og sér til Eyjafjallajökuls. Fjallað er um Sveitarfélagið Ölfus á bls. 16-19 í blaðinu.
Furuvöllum 13 600 Akureyri
Sími 461 3666 • Bréfasími: 461 3667 Tímaritið Sveitarstjórnarmál kemur út mánaðarlega, að undanskildum
Netfang: fremri@fremri.is júlí- og ágústmánuði, í 3.500 eintökum.
Áskriftarsíminn er 461 3666.
5