Sveitarstjórnarmál - 01.02.2004, Blaðsíða 9

Hafnarfjarðarkaupstaður
Símenntun og háskólastarf við Lækinn
Þar sem börn lærðu áður lestur, skrift og reikning situr nú fólk á öllum aldri við margvíslegt fram-
haldsnám og símenntun og einnig nám til prófgráða á háskólastigi.
Gamli barnaskólinn við Lækinn í
Hafnarfirði hefur fengið nýtt hlut-
verk. Eftir að grunnskólastarfið var
flutt stóð eftir autt skólahús á einum
besta stað í Hafnarfjarðarkaupstað
þar sem Þorgeir Ibsen, skólastjóri til
margra ára, og fleira skólafólk
höfðu leitt margt ungviðið til
þroska. Fljótlega fundu bæjaryfir-
völd í Firðinum þessu veglega húsi
nýtt hlutverk sem hæfir tilvist þess
og sögu. Nú eiga Námsflokkar
Hafnarfjarðar - Miðstöð Símenntun-
ar sér þar samastað.
Að bæta úr brýnni þörf
Rekja má sögu Námsflokkanna
rúma þrjá áratugi aftur í tímann.
Þótt víðar hafi verið efnt til sam-
bærilegrar starfsemi, og þá einkum í
Reykjavík, má segja að starfsemi Náms-
flokka Hafnarfjarðar eigi vart hliðstæðu í
rekstri menntasetra á vegum sveitarfélaga
hér á landi. Námsflokkunum var meðal
annars ætlað að bæta úr brýnni þörf fólks
sem aðeins hafði lokið naumasta skyldu-
námi og vildi taka námsþáttinn upp að
nýju löngu áður en endur- og símenntun
varð almennt viðurkennd skólaferli.
Starfsmenntunarnámskeið
og tungumálakennsla
Meginmarkmið Námsflokkanna var
þannig fram til síðustu ára einkum bundið
við að bjóða almenningi tækifæri til þess
efla grunnmenntun sína og stuðla að auk-
inni þátttöku í námi auk þess að veita ým-
iss konar hagnýta fræðslu, sem alla tíð
hefur verið hluti af starfsemi þeirra. Einnig
hófst samstarf við verkalýðsfélög á síðasta
Einbeittir leikskólakennaranemar á lokaári náms við Háskólann á
Akureyri hlýða á fyrirlestur í höfuðstöðvum Námsflokka Hafnarfjarðar
- Miðstöðvar símenntunar. Fyrirlesturinn var fluttur samtímis fyrir
nemendur norðan heiða og sendur suður f gegnum fjarfundabúnað.
áratug liðinnar aldar um að Námsflokk-
arnir önnuðust ýmis starfskjaranámskeið
fyrir félagsmenn þeirra. Samkvæmt sér-
stökum samningi við Skólaskrifstofu Hafn-
arfjarðar annast Námsflokkarnir í dag
skipulagningu og framkvæmd símenntun-
ar kennara leik- og grunnskóla í bænum.
Háskólabær við Lækinn
Þróun Námsflokkanna hefur verið hröð á
undanförnum árum. A vormánuðum 2000
tók skólanefnd Hafnarfjarðarkaupstaðar
ákvörðun um að auka starfssvið þeirra á
þann hátt að þeir yrðu Miðstöð símennt-
unar í bæjarfélaginu og á árinu 2002
gerðu Hafnarfjarðarbær, Háskólinn á Ak-
ureyri og Námsflokkar Hafnarfjarðar -
Miðstöð símenntunar með sér samstarfs-
samning um að tryggja íbúum á höfuð-
borgarsvæðinu aðgang að fjarnámi á há-
skólastigi frá Háskólanum á Akureyri. Há-
skólinn annast skipulagningu
kennslunnar og ber faglega ábyrgð
á náminu. Námsflokkar Hafnar-
fjarðar - Miðstöð símenntunar
leggja til náms- og starfsaðstöðu fyr-
ir nemendur f höfuðstöðvum sínum
við Lækinn í Hafnarfirði, auk kynn-
ingar, miðlunar upplýsinga og
gagna til nemenda og hefur tækni-
lega umsjón vegna fjarkennslu og
prófahalds.
Um 150 háskólanemar
Að sögn Theodórs Hallssonar,
skólastjóra Námsflokka Hafnarfjarð-
ar - Miðstöðvar símenntunar, er á
yfirstandandi skólaári meðal annars
boðið upp á kennaranám til B.Ed.
gráðu í leikskólafræðum á 1.2. og
4. ári, einnig nám til B.S. gráðu í
auðlindadeild og rekstrar- og viðskipta-
deild auk sérskipulagðs náms í iðjuþjálf-
un. Þegar stundar hálft annað hundrað
manns fjarnám á vegum Háskólans á Ak-
ureyri við Námsflokka Hafnarfjarðar -
Miðstöð símenntunar og gert er ráð fyrir
að þeim fjölgi verulega á næstu misserum.
Theodór Hallsson skólastjóri segir Náms-
flokkana í stöðugri sókn, bæði sem sí-
menntunarmiðstöð og skólastofnun og
þörfin hafi sýnt mikilvægi þess að efla
þessa starfsemi sem mest.
Með fastmótaðri stefnumörkun, mikilli
aukningu námsframboðs, samstarfi við
Háskólann á Akureyri um fjarnám á há-
skólastigi í Hafnarfirði og staðsetningu
stofnunarinnar á grónum menntastað í
hjarta bæjarins er Ijóst að skóla- og bæjar-
yfirvöld í Hafnarfirði ætla ekki að láta
deigan síga að þessu leyti.

ECL stjórnstöðvar fyrir hitakerfi
Stjórnendur fyrirtækja!
Aukið vellíðan starfsfólks og lækkið rekstrarkostnað
hitakerfisins með ECL stjórnstöð á hitakerfið
Kynnið ykkur kosti og verð
ECL stjórnstöðvarinnar frá Danfoss w Danfoss hf
Þægindi - Öryggi - Sparnaður Skútuvogi 6 Sími 510 4100 www.danfoss.is
9