Sveitarstjórnarmál - 01.02.2004, Blaðsíða 14

Jónmundur Guðmarsson
bæjarstjóri ásamt ungmennaráði
Seltjarnarneskaupstaðar, talið frá
vinstri, Jón Sigurður Pétursson,
Hildur Björg Gunnarsdóttir
formaður og Edda Spilliaert.
Seltjarnarneskaupstaður
Sterk fjármálastjórn lykill að
eftirsóknarverðu bæjarfélagi
Jónmundur Guðmarsson bæjarstjóri segir að á Seltjarnarnesi skynji fólk strax skemmtilegan bæjar-
brag, samheldni og sérstöðu bæjarins á höfuðborgarsvæðinu auk þess sem tengslin við náttúruna séu
einstök í þéttbýli á landinu. Bæjarfélagið á 30 ára kaupstaðarafmæli í apríl.
Fjárhagsáætlun Seltjarnarneskaupstaðar
fyrir yfirstandandi ár gerir ráð fyrir að
rekstrarafgangur aukist um 12% á milli
ára. Álagningarprósenta útsvars hækkar
ekki og er 12,46%, sem er hin lægsta á
höfuðborgarsvæði n u. Álagn i ngarprósenta
fasteignagjalda er einnig óbreytt á milli
ára en þjónustugjöld hækka í takt við al-
menna verðlagsþróun. Ekkert holræsagjald
er lagt á Seltirninga og munu þeir einu,
eða nær einu, íbúar landsins sem losna
við að greiða þann skatt. I fjárhagsáætlun-
inni kemur fram að afgangur frá rekstri A-
hluta bæjarsjóðs og stofnana verði rúm
12% af tekjum. Þá gerir áætlunin ráð fyrir
að heildarskuldir bæjarsjóðs og fyrirtækja
bæjarins verði um 400 milljónir króna í
lok þessa árs eða um það bil 86 þúsund
krónur á hvern íbúa. Þetta er
mun betri staða en víða má
líta í fjárhagsáætlunum og
rekstraruppgjörum sveitarfé-
laga um þessar mundir, enda
Seltjarnarneskaupstaður lengi
verið þekktur fyrir sterka fjár-
málastjórn.
Jónmundur Guðmarsson bæjarstjóri
segir fjármál og rekstur lykil að eftirsókn-
arverðum bæjarfélögum. Mönnum verði
gjarnan fótaskortur fari þeir fram úr sér
með miklum lántökum og skuldsetningu
þótt þörf framfaramál kunni að búa að
baki, því alltaf komi að skuldadögum.
„Við höfum lengi fylgt þessari stefnu og
Sigurgeir Sigurðsson, forveri minn hértil
áratuga, er vissulega holdgervingur henn-
ar. Ég hef kappkostað að halda því merki
stöðugleika og ráðdeildar á lofti sem hann
reisti hér á Nesinu."
Framfarir án gönuhlaupa
Jónmundur kveðst hafa notið þess að hafa
starfað með Sigurgeiri sem bæjarfulltrúi í
eitt kjörtímabil áður en að hann tók við
bæjarstjórastarfinu af honum. „Ef til vill
erum við báðir íhaldsmenn í þeim skiln-
ingi að vilja framfarir en án þess að stofna
til gönuhlaupa. Ég held að stöðu bæjarfé-
lagsins sé best lýst á þann hátt að hér hef-
ur tekist að byggja upp eitt eftirsóknar-
verðasta bæjarfélag landsins á þremur ára-
tugum en við eigum 30 ára kaupstaðar-
afmæli nú í apríl. Við erum mjög sam-
keppnisfær í þeim skilningi að okkur hefur
tekist að byggja upp góða þjónustu við
íbúana án þess að þurfa að fþyngja þeim
um of f álögum og án þess að leggja um
of á herðar komandi kynslóða. Þetta höf-
um við gert með því að ástunda aðgæslu f
rekstrinum en að meginhluta nýtt þann
rekstrarafgang sem hefur skapast hverju
sinni til framkvæmda og bættrar þjónustu.
Ég segi stundum að Seltjarnarneskaupstað-
ur veiti íbúunum góða þjónustu á hag-
kvæmum skattkjörum."
Áhugaverð stefna í
álagningarmálum
Jónmundur segir fasteignaverð-
ið endurspegla áhuga fólks á
Seltjarnarneskaupstað betur en
flest annað. Á vefsíðu Fast-
eignamats ríkisins megi sjá að
fasteignaverð á Seltjarnarnesi
sé það hæsta á landinu sem
séu auðvitað góðar fréttir fyrir Seltirninga.
FJann segir nálægðina við náttúruna,
þjónustu bæjarfélagsins við íbúana og
„Ég segi stundum að Seltjarnarneskaupstaður veiti
íbúunum góða þjónustu á hagkvæmum skattkjör-
um," segir Jónmundur Guðmarsson.
14
tölvumiðlun H-Laun www.tm.is