Sveitarstjórnarmál - 01.09.2004, Blaðsíða 11

/5IENSKA AUGtÝSINGASTOfAN ÍHf./SIA.IS -FLU 25618 08/2604
Austurland
Smári hlaut hvatningarverðlaunin
Var sívakandi og náði að hrífa Austfirðinga með framkomu, rökfestu, framsýni og eldmóði.
Smári Geirsson, formaður bæjarráðs
Fjarðabyggðar, hlaut hvatningarverðlaun
Þróunarfélags Austurlands 2004. Smári
hlaut verðlaunin fyrir mikið og óeigin-
gjarnt starf í þágu sveitarfélaga og samfé-
Iags á Austurlandi undanfarin ár þegar
hann m.a. kom fram sem fulltrúi þeirra í
formannstíð sinni hjá SSA.
í fréttatilkynningu Þróunarfélagsins í til-
efni af útnefningunni segir að mjög hafi
mætt á Smára f tengslum við baráttuna
fyrir uppbyggingu stóriðju á Reyðarfirði,
sem er ásamt virkjun við Kárahnjúka ein-
hver stærsta fjárfesting í einstöku verkefni
í íslandssögunni og ekki þurfi að fjölyrða
um að haft hafi og muni hafa mikil áhrif á
atvinnu- og mannlíf á Austurlandi. Á þess-
um tíma hafi Smári komið fram sem leið-
togi heimamanna og þurft í því sambandi
að gegna afar vandasömu hlutverki, er
m.a. fólst í að efla samstöðu Austfirðinga
og vinna með stjórnvöldum auk þess að
vera í forsvari gagnvart þeim erlendu aðil-
Smári Geirsson.
um sem hlut eiga að máli. í viðtali við
tímaritið Sveitarstjórnarmál á síðasta
hausti sagði Smári meðal annars að auk
mikillar samstöðu eystra hafi sameining
sveitarfélaganna, sem nú mynda Fjarða-
byggð, verið grundvallarforsenda þess að
hægt var að fá erlend fyrirtæki til þess að
leggja út í svo umfangsmikla fjárfestingu
og starfsemi sem bygging álversins við
Reyðarfjörð sé.
I frétt frá Þróunarfélaginu í tilefni út-
nefningarinnar segir m.a. að Smári hafi
stuðlað dyggilega að því að byggja upp
jákvæða ímynd Austurlands með því að
vera sívakandi yfir því að nýta aðstöðu
sína og tækifæri til þess að vekja athygli á
þeim miklu framförum, sem átt hafa sér
stað í austfirsku atvinnulífi, þjónustu sveit-
arfélaga og á ýmsum öðrum sviðum í
fjórðungnum. Hann hafi með framkomu
sinni, skýrri framsetningu, traustum rök-
um, framsýni og eldmóði náð að hrífa
Austfirðinga með sér hvort sem á móti
hafi blásið eða byr verið í seglum.
Aðeins fimm skref á Netinu og þú ferð á loft
flugfelag.is
Það getur ekki verið auðveldara. Þú bókar flugið á flugfelag.is þar sem þú
finnur ódýrustu fargjöldin og að auki frábær tilboð.
Njóttu dagins, taktu flugið og smelltu þér á flugfelag.is
FLUGFÉLAG ÍSLANDS