Sveitarstjórnarmál - 01.09.2004, Blaðsíða 14
Úr Nýheimum, mennta- og menningarsetri Hornfirðinga.
mikil vegna fjarlægðar frá öðrum stórum
þjónustukjörnum. Skaftfellingar verða þess
vegna að vera sjálfum sér nógir um flest.
Frekari sameiningarmöguleikar byggjast á
sameiningu við Skaftárhrepp í vestri eða
Djúpavogshrepp í austri. Þess má geta að í
sveitarfélaginu eru um 220 km af þjóðvegi
eitt, eða um 1/7 hluti hans. Með samein-
ingu til vesturs bættust um 100 km við og
annað eins til austurs. Þegar málið er
skoðað út frá vegalengdum virðist frekari
sameining vera nokkuð fjarlæg en ég vil
þó alls ekki útiloka neina möguleika í
þeim efnum."
Ferðaþjónustan í sókn
Sjávarútvegurinn á Höfn stendur á göml-
um grunni sem Albert segir hafa verið og
muni verða undirstöðuatvinnuvegur í
sveitarfélaginu. „Við höfum átt því láni að
fagna að hér hafa verið sterk sjávarútvegs-
fyrirtæki. í dag er Skinney-Þinganes öflug-
ast með fjölbreytta vinnslu og veiðar og
hefur verið að eflast. Sömuleiðis eru önn-
ur smærri fyrirtæki f rekstri, blómleg smá-
bátaútgerð og góður rekstur nokkurra ver-
tíðarbáta er enn til staðar. Það er því ekki
ástæða til annars en að vera
bjartsýnn hvað sjávarútveginn
varðar, þótt við eins og aðrir
getum alltaf átt von á breyting-
um og sveiflum í greininni.
Landbúnaðurinn hefur átt í
sömu varnarbaráttu og annars
staðar og þar eru mestir erfiðleikar hjá
sauðfjárbændum og í slátrun. Aftur á móti
virðast ýmsar aðrar greinar landbúnaðar-
ins ganga vel en þar eru menn að tækni-
væðast og störfum að fækka þó fram-
leiðslan aukist. Ýmsar þjónustugreinar og
iðnfyrirtæki dafna vel og mikil uppbygg-
ing hefur átt sér stað í ferðaþjónustunni og
þeim fjölgar sífellt sem hafa atvinnu af
henni allt árið. Það er Ijóst að Austur-
SkaftafelIssýsla á mikla möguleika á að
auka afrakstur í ferðaþjónustunni og þess
sjást víða merki á síðustu árum. Nærvera
Vatnajökuls með margar helstu nátt-
úruperlur landsins, svo sem Skaftafell, Jök-
ulsárlón, Lónsöræfi sem og jökulinn sjálf-
an, munu alla tíð gera héraðið eftirsóknar-
vert fyrir ferðamenn." Albert segir að því
miður hafi umræðan um ferðaþjónustuna
stundum verið á neikvæðum nótum. Rætt
sé um lélega afkomu og lág laun: „Ég full-
yrði að ástæða þess að þetta landshorn
hefur ekki lent f sömu niðursveiflu og
önnur landsbyggðarsvæði sé hversu ferða-
þjónustan hefur vaxið á sama tíma og
störfum hefur fækkað í hefðbundnum at-
vinnugreinum."
Eigum að geta haldið okkar hlut
Hverjir eru framtíðarmöguleikar Horna-
fjarðar og hver er framtíðarsýn Hornfirð-
„Það er Ijóst að Austur-Skaftafellssýsla á mikla
möguleika á að auka afrakstur í ferðaþjónustunni
og þess sjást víða merki á síðustu árum."
inga? Albert kveðst hafa mikla trú á
Hornafirði og Austur-Skaftafellsýslu sem
heild. Hafi þetta svæði ekki burði til þess
að lifa af, hvað megi þá segja um ýmis
önnur landssvæði? Hann segir að fylgst sé
af miklum áhuga með hugmyndinni um
stofnun Vatnajökulsþjóðgarðs og þau
áform njóti mikils velvilja af hálfu Horn-
firðinga: „Við viljum sjá þessum áformum
hrundið í framkvæmd sem fyrst."
Albert segir Hornafjörð vissulega áfanga-
stað á milli Austurlands og höfuðborgar-
svæðisins en með betra vegakerfi og styttri
aksturstíma fari þeir sem leið eiga um
fremur hjá garði. Það gildi þó einkum um
þá sem annast reglubundna flutninga á
milli landshluta eða þurfi að fara um
vegna starfa en síður um venjulega ferða-
menn. Albert segir einnig að á sama hátt
hafi þær miklu framkvæmdir, sem standa
yfir á Mið-Austurlandi, ekki mikil áhrif á
atvinnu- og mannlíf á Höfn. Til þess séu
vegalengdir of miklar. Þau áhrif, sem á
annað borð verða, séu engu að síður já-
kvæð og aukinn styrkur miðsvæðisins á
Austurlandi komi byggðunum í kring á
vissan hátt til góða. Hornfirðingar munu
skoða vandlega þann möguleika að sækja
vinnu í nýrri verksmiðju á Reyðarfirði eða
þjónusta starfsemina þar á annan hátt.
Hann segist hins vegar ekki sjá fyrir sér
neina uppsveiflu í anda þess sem sé að
gerast í Fjarðabyggð og á
Fljótsdalshéraði en mikilvægt
sé að renna sterkari og fjöl-
breyttari stoðum undir at-
vinnulífið í héraðinu. í þeim
efnum sé þó auðveldara um
að tala en í að komast. Albert
kveðst þess fullviss að í Austur-Skaftafells-
sýslu muni áfram verða öflugt atvinnulíf
og blómlegt mannlíf.
^ tölvumiðlun H-Laun www.tm.is
14