Morgunblaðið - 28.11.2011, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 28. NÓVEMBER 2011
Sölutölur frá smásölum vestanhafs
benda til þess að bandarískir neyt-
endur séu komnir í ágætiseyðslustuð
fyrir þessi jól. Föstudagurinn eftir
þakkargjörðahátíð hefur öðlast sess
sem mikill verslunar- og útsöludagur
og markar upphafið að jólavertíðinni.
Wall Street Journal hefur eftir
gögnum frá ShopperTrak að salan
hafi aukist um 7% í ár miðað við söl-
una í fyrra. Neytendur versluðu fyrir
11,4 milljarða dala, eða nærri 1 millj-
arði meira en fyrir ári.
Sala á netinu tók einnig kipp, fór
upp um 24,3% frá síðasta ári, að sögn
IBM sem mælir sölur hjá 500 stærstu
verslununum á netinu. Þetta er meiri
aukning en þau 15% sem spáð hafði
verið. Framundan er svo svokallaður
„Cyber Monday“ þar sem fjöldi neyt-
enda notar vinnutölvurnar sínar til að
versla á netinu og njóta þannig góðs
af tilboðunum sem bjóðast. Að sögn
Reuters nam salan síðasta Cyber-
mánudag yfir 1 milljarði dala.
Pústrar og piparúði
Meðal þess sem eigendur verslana
gerðu í ár til að efla söluna var að
opna á miðnætti frekar en eld-
snemma að morgni föstudagsins, og
vonuðust til þess að laða fólk þannig í
búðirnar strax að loknum veisluhöld-
um þakkargjörðadagsins.
Mikið bar á pústrum og alls kyns
leiðinlegum uppákomum á föstudag.
Þannig er lögreglan í Los Angeles að
skoða tilvik þar sem kona á að hafa
úðað piparúða á 20 aðra viðskiptavini
svo hún gæti örugglega náð sér í
ódýra leikjatölvu. Þó að eitthvað hafi
borið á ránum, skotárásum og stung-
um virðist blessunarlega að enginn
hafi látið lífið í hamaganginum þetta
árið. ai@mbl.is
Sala á „svarta föstudegi“
eykst um milljarð dala
Reuters
Þvaga Ólmir viðskiptavinir bíða eftir að komast inn í verslun Macy’s í New
York seint á fimmtudag. Svarti föstudagur var 7% stærri nú en í fyrra.
 Bandarískir
neytendur sýna lit
á risa-útsöludegi
Ásgeir Ingvarsson
ai@mbl.is
Siðasta áratug hafa fá tæki haft jafnmikil áhrif á
daglegt líf fólks og snjallsíminn. Oft er það fyrsta
sem eigendur snjallsíma gera á morgnana og síð-
asta sem þeir gera á kvöldin að skoða skilaboð og
fréttir í símanum, og síminn er eins og framleng-
ing af líkamanum allan liðlang-
an daginn.
Allt sem máli skiptir er kom-
ið í símann: afþreying, fróðleik-
ur og félagsskapur, og núna
líka það sem margir myndu
kalla mikilvægast af öllu: pen-
ingarnir okkar.
Sigurjón Ólafsson er deildar-
stjóri vef- og netbankamála hjá
Íslandsbanka og segir hann
neytendur leiða þróunina áfram
með eftirspurn eftir æ meiri
þjónustu í snjallsímanum. Bankinn tók í gagnið
nýtt snjallsímaforrit í sumar, og Sigurjón segir
snjallsímabanka vera meira en bara tæknibrellur:
„Við sjáum að snjallsímarnir eru að breyta notkun
fólks á netinu, og margar spár hljóða upp á að net-
umferð yfir snjallsíma og spjaldtölvur verði orðin
meiri en netumferð gegnum venjulegar tölvur árið
2014. Við sjáum líka að snjallsíminn er tæki sem
fólk skilur aldrei við sig, og það síðasta sem fólk
myndi gleyma að taka með sér úr húsi. Snjallsím-
inn er klárlega orðinn mikilvægari en seðlavesk-
ið.“
350% aukning milli ára
Raunar var það ekki síst há tíðni heimsókna á
vef bankans gegnum snjallsíma, sem varð til þess
að bankinn þróaði nýtt snjallsímaviðmót: „Við get-
um séð hvers konar vafra og tæki fólk notar þegar
það heimsækir vefsíðu bankans, og við sáum að
verulegur hluti heimsókna var úr snjallsímum. Að
nota hefðbundna vefsíðu í snjallsíma getur hins
vegar verið óþjált, og því mikil þjónustubót fyrir
viðskiptavininn að geta notað sérstakt snjallsíma-
viðmót,“ segir Sigurjón og bætir við að milli 2010
og 2011 hafi snjallsímaumferð á www.isb.is aukist
um 350%.
En er fólk virkilega að stunda bankaviðskipti
gegnum símann? Er bankastúss svo áríðandi að
það verði að vera hægt að greiða símreikninginn
hvar sem er, og skoða stöðuna á reikningunum á
förnum vegi? Sigurjón segir að það að hafa bank-
ann í símanum sé greinilega þægilegri kostur en
einkatölvan fyrir marga neytendur, og það góða
aðgengi sem síminn veitir getur líka bætt fjár-
hagslega yfirsýn. „Og viðmótið í símanum getur á
margan hátt verið aðgengilegra en viðmótið á net-
inu. Eðli málsins samkvæmt er snjallsímabankinn
einfaldari, og miðar að því að geta framkvæmt
þessar helstu aðgerðir, eins og að skoða stöðuna,
greiða reikninga og millifæra. Fyrir notandann
getur verið betri upplifun að nálgast bankann í
gegnum farsímann en í gegnum tölvuna heima.“
Þægindi og vöktun
Með því að hafa bankann í snjallsímanum er
hægt að skoða heimildina á reikningum í miðri
innkaupaferð, nota tímann betur og greiða reikn-
inga á leið til vinnu, eða jafnvel vakta heimilis-
útgjöldin. „Stefnan er að gera heimilisbókhald
bankans aðgengilegt í gegnum farsímaviðmótið í
byrjun næsta árs,“ segir Sigurjón en Íslandsbanki
hefur um nokkurt skeið boðið viðskiptavinum sín-
um upp á heimilisbókhaldið Meniga í gegnum net-
bankann. „Ef þessar upplýsingar eru komnar í
símann er mun auðveldara að vakta frá einu
augnabliki til annars, og með sjálfvirkum hætti,
hvernig gengur t.d. að mæta settum útgjalda-
markmiðum.“
En hvað með öryggið? Gengur ekki snjallsíma-
tæknin út á þægindi og einfaldleika, sem banka-
öryggi leyfir ekki? Sigurjón segir að vissulega
verði enn að hafa meðferðis litla lyklakippu-
stubbinn sem framkallar auðkenniskóða, eða kalla
eftir auðkennisnúmeri með SMS svo notandinn
geti skráð sig inn í heimabankann. Hins vegar
mun í framtíðinni vera þrepaskipt öryggiskerfi í
snjallsímabankanum, sem ætti að auðvelda að-
gengi til muna. „Það þarf þá ekki að uppfylla jafn-
strangar öryggiskröfur fyrir sumar aðgerðir, eins
og t.d. að skoða stöðuna eða millifæra á þekkta
viðtakendur.“
Dagar greiðslukorta taldir?
Loks segir Sigurjón því víða spáð að snjallsím-
inn muni innan tíðar ryðja burt seðlum og
greiðslukortum. „Verið er að þróa svokallaða
NFC-tækni (e. near field communication), þar
sem er þá hægt að vista á minniskorti símans
greiðsluupplýsingar. Símanum er svo rennt yfir
þar til gerðan posaskynjara við afgreiðslukassann
og sleginn inn pin-kóði til að ljúka greiðslunni,“
segir hann. „Margar rannsóknir benda til að þetta
fyrirkomulag geti þýtt að greiðslukort eins og við
þekkjum þau í dag muni heyra sögunni til.“
Bankinn er kominn í símann
 Mikill vöxtur í notkun netbanka um snjallsíma  Hefur sína kosti að geta kíkt á
heimabankann hvar sem er  Síminn gæti bráðum komið í stað greiðslukortsins
Sigurjón
Ólafsson
Morgunblaðið/Ernir
Undratæki Snjallsíminn er oft eins og samvaxinn eigandanum. „Fyrir notandann getur verið betri
upplifun að nálgast bankann í gegnum farsímann en í gegnum tölvuna heima,“ segir Sigurjón.
Hægt er að fara tvær leiðir til
að gera þjónustu aðgengilega í
snjallsíma. Annars vegar er
hægt að gera vefsíður sem eru
hannaðar með möguleika og
stærð snjallsímans í huga, og
hins vegar að þróa sérstök
snjallsímaforrit (e. apps).
Snjallsímaforritin hafa sína
kosti, geta t.d. gert alla virkni
hraðari, en Sigurjón segir hins
vegar ekki alveg vandalaust að
þróa þessi forrit. „Í tilviki for-
rita fyrir iPhone, þá þurfa þau
að fara í gegnum nálarauga
leyfisveitingakerfis Apple áður
en má taka þau í notkun.
Sömuleiðis þarf að afla vissra
leyfa til að gera forrit aðgengi-
leg á Androidmarkaðinum, og
sýna fram á að ákveðnir gæða-
staðlar séu uppfylltir.“
Forritunin sjálf er líka nokk-
uð frábrugðin hefðbundinni
vefforritun. „Snjallsímarnir
eru annar heimur sem kallar á
sérstaka nálgun og í okkar til-
felli fengum við til verksins
verktaka sem sérhæfa sig í að
gera snjallsímaforrit,“ útskýrir
Sigurjón. „Einn vandinn snýr
t.d. að því að snjallsímar eru
af ólíkum gerðum og stærðum,
og áskorun að búa til notenda-
viðmót sem passar þeim öll-
um. Eins nota ólíkir símar
ólíka staðla, og þó svo ekki
þurfi að endurhanna forritin
frá grunni fyrir hvern hugbún-
aðarstaðal, þá þarf samt að
leggja töluverða viðbótarvinnu
í að gera forrit aðgengilegt
t.d. bæði á iPhone og Andro-
id.“
„Snjallsím-
arnir eru ann-
ar heimur“
HÆGARA SAGT EN
GERT AÐ GERA „APP“