Morgunblaðið - 24.11.2011, Qupperneq 2

2 finnur.is 24. nóvember 2011
Við SELJUM eignir!
PANTAÐU FRÍTT SÖLUVERÐMAT!
HRINGDU NÚNA
820 8080
Reynir Logi Ólafsson hdli i l l
Fasteigna- og skipasali
Sylvía G. Walthers
Sölufulltrúi
sylvia@remax.is
Brynjólfur Þorkelsson
Sölufulltrúi
Ragnheiður Gröndal á sér stóran hóp
aðdáenda enda þrusuflinkur listamað-
ur. Tónlistarunnendur láta örugglega
ekki nýja plötu Ragnheiðar framhjá sér
fara en Astrocat Lullaby kom út fyrir
skömmu. Efnt verður til ærlegs útgáfu-
skralls á Norðurpólnum á Seltjarnarnesi 26.
nóvember, en svo verður líka hægt að hlusta
á Ragnheiði á Frostrósatónleikunum í byrjun des-
ember.
Finnur fór á trúnó við Ragnheiði og fékk að heyra
nokkur leyndarmál, eins og um þrífætta heimiliskött-
inn sem minnir á sjóræningja.
1. Ég sé illa og
þekki sjaldn-
ast fólk.
2. Ég er mjög
vandlát á kaffið
mitt og er alltaf að
þjaka afgreiðslufólk
með útskýringum
til að panta drykk sem
heitir víst „Flat White“
en fæst ekki á íslensk-
um kaffihúsum.
3. Ég elska
Beyoncé og
hlusta á hana
þegar ég fer út
að hlaupa.
4. Ég les mik-
ið af jóga-, búdda- og sjálfshjálparbók-
menntum sem koma mér að litlu
gagni.
5. Ég neyti engra matvæla ef farið
er að styttast í „best fyrir“-
dagsetninguna.
6. Ég á kött með þrjár lappir og
skakkt bit. Hann er eins og sjó-
ræningi.
7. Ég er mjög góð í að elda súpur
og gera girnileg salöt.
8. Ég elska Phil Collins.
9. Ég er jólaskröggur og hef óbeit á smákökubakstri, jóla-
skrauti og jólaundirbúningi.
10. Ég elska Þórberg Þórðarson.
11. Ég er mjög tapsár í spilum.
12. Ég vélrita mun hraðar en almennt
gengur og gerist.
13. Ég var einu sinni á framboðslista
fyrir Samfylkinguna.
14. Í partíum breiddi ég ávallt yf-
ir gamalt sjónvarpstæki foreldra
minna, sem þótti ekki boðlegur
gripur á heimilum Garðbæ-
inga. Sama gilti um kontra-
bassann í stofunni, sem
var tákngervingur fyrir
lummuskap.
15. Ég hef hringt
út fyrir Gallup
og selt snyrti-
vörur í Hag-
kaup.
ai@mbl.is
2
6
3
15
SÖNGKONAN
RAGNHEIÐUR
GRÖNDAL
15 HLUTIR SEM ÞÚ VISSIR EKKI UM MIG
Morgunblaðið/Einar Falur
Það hefur aldrei vafist fyrir Íslendingum að slá
tappann úr þegar maður hittir mann. Því fleiri
sem koma saman þeim mun meiri gleði og þar af
leiðir að landinn fer alla jafna á feiknalegum
kostum á svokölluðum útihátíðum. Nokkrum há-
punkti hvað þetta varðar var náð haustið 1995,
en þá var hin sögulega, ef ekki goðsagnakennda,
tónleikahátíð Uxi ’95 haldin við Kirkjubæj-
arklaustur. Fór miklum sögum af skefjalausu
svalli, áfengis- og eiturlyfjaneyslu viðstaddra og
siðavandir létu í ljósi miklar áhyggjur af æsku
landsins. Liam Howlett, aðalsprauta danssveit-
arinnar Prodigy, sagðist í sjónvarpsviðtali
trauðla hafa séð annað eins sukk, og kölluðu
Prodigy-liðar þó ekki allt ömmu sína þegar
djamm var annars vegar. Eins og sjá má á
myndinni var félagi hans, Keith Flint, í sínum
hefðbundna ham á tónleikum þeirra á Uxa.
Flestir komust þó klakklaust frá öllu saman.
Tímavélin notar ljósmyndir úr myndasafni mbl.is.
Ofsagaman á Uxa
Tímavélin
„Besta gjöfin verður auðvitað að koma heim og hitta
fjölskylduna. Síðustu daga hef ég verið á þvælingi í
Þýskalandi vegna ýmissa fjárfestingarverkefna sem
eru í deiglunni – en ég kem heim á afmælinu, sem er á
fimmtudag,“ segir Eyþór Arnalds, athafnamaður og
bæjarfulltrúi í Árborg. Hann hefur búið eystra frá
árinu 2006 og unir hag sínum vel þar. Kona hans er
Dagmar Una Ólafsdóttir jógakennari og eiga þau tvo
stráka sem eru tveggja og þriggja ára og bera þau
stór nöfn; Jón Starkaður og Þjóðrekur Hrafn.
„Mér hefur alltaf fallið best að hafa mörg járn í eld-
inum. Það er líka stundum sagt að eftir því sem ann-
ríkið er meira þeim mun rýmri tíma hafi maður ein-
faldlega sakir þess að þá er skipulagið betra. Sjálfum
finnst mér gott að taka fundi til dæmis vegna bæj-
armálanna í Árborg snemma á morgnana og snúa
mér svo að öðru sem bíður,“ segir Eyþór sem kveðst
aldrei hafa efnt til stórhátíðar á afmælisdegi sínum
enda sé best og ljúfast á þeim degi að vera með fjöl-
skyldunni og þeim sem honum séu kærastir.
Eyþór Arnalds er 47 ára í dag
Morgunblaðið/Hjálmar
Heimflug til Íslands
á afmælisdegi
Morgunblaðið Hádegismóum 2, 110
Reykjavík. Sími 5691100 Ritstjórar
Davíð Oddsson, Haraldur Johannes-
sen Umsjón Jón Agnar Ólason
jonagnar @mbl.is Bílar Sigurður Bogi
Sævarsson sigurdurbogi@ mbl.is
Blaðamenn Ásgeir Ingvarsson,
Finnur Thorlacius, Elín Albertsdóttir.
Auglýsingar finnur@mbl.is, sími
5691107 Prentun Landsprent ehf.
Bókin Yrsa Sigurðardóttir
hellti köldu vatni milli skinns
og hörunds hjá þorra þjóð-
arinnar með síðustu bók
sinni og nú er sú nýjasta,
Brakið, komin í verslanir.
Lestu ef þú þorir!
Maturinn Það er vart til betri
morgunverður en réttur og
sléttur
hafragraut-
ur. Mein-
hollur,
hægt að
bragðbæta
með hverju
sem vera skal og
kostar lítið.
Dægradvölin Það er töff að
tefla og allir geta haft gam-
an af hugaríþróttinni skák.
Metsölubókin í ár er líka um
skák og einvígi aldarinnar á
40 ára afmæli á næsta ári,
svo ekki er seinna vænna að
hefja taflið og æfa sig.
Platan Loksins er komin ný
jólaplata frá
systk-
inunum KK
og Ellen, en
heil sex ár
eru síðan
þau sendu
frá sér plötuna Jólin eru að
koma. Sú nýja nefnist ein-
faldlega Jólin og er einfald-
lega ómissandi.
Menningin Í tengslum við
útgáfu Listasögu Íslands
stendur yfir yfirlitssýningin
ÞÁ&NÚ í Listasafni Íslands
við Fríkirkjuveg. Framvinda
íslenskrar listar frá of-
anverðri 19. öld til dagsins í
dag, gjörið svo vel.
MEÐMÆLI
VIKUNNAR