Morgunblaðið - 29.12.2011, Síða 9
FRÉTTIR 9Innlent
MORGUNBLAÐIÐ FIMMTUDAGUR 29. DESEMBER 2011
Milljónaveltan
90 milljóna króna vinningur: Dregið er aðeins úr seldum miðum, bæði númer og bók-
staf. Tromp-miði margfaldar ekki vinningsupphæð en fimmfaldar vinningslíkur.
1 milljónar króna vinningar: Dregið er aðeins úr seldum miðum, bæði númer og bók-
staf. Tromp-miði margfaldar ekki vinningsupphæð en fimmfaldar vinningslíkur.
500 þùsund króna vinningar: Dregið er aðeins úr seldum miðum, bæði númer og bók-
staf. Tromp-miði margfaldar ekki vinningsupphæð en fimmfaldar vinningslíkur.
12. flokkur, 28. desember 2011
Kr. 90.000.000,-
5309 H
21199 B
23189 E
44607 G
44744 G
30890 H
Kr. 1.000.000,-
Kr. 500.000,-
2631 B
16039 G
18642 B
24848 E
38800 B
39882 F
41094 H
48481 B
54879 H
58651 F
TIL HAMINGJU VINNINGSHAFAR
Laugavegi 178 - Sími. 568 9955
Opið virka daga 11:00 - 18:00
Laugardag 10:00 - 13:00
www.tk.is
ERUM EINGÖNGU
Á LAUGAVEGI 178
6 glös í kassa verð frá 4.179 kr.
KAMPAVÍNSGLÖS
20% AFSLÁTTUR AF ÖLLUM
KAMPAVÍNSGLÖSUM (12 teg)
Ingólfur Bárðarson,
rafverktaki og fyrrver-
andi forseti bæjar-
stjórnar Njarðvíkur,
lést á Landspítalanum
við Hringbraut 27. des-
ember sl., 74 ára að
aldri. Ingólfur fæddist í
Njarðvík, sonur Bárðar
Olgeirssonar og Árnýj-
ar Eyrúnar Ragnhildar
Helgadóttur. Ingólfur
lærði rafvirkjun og
starfaði sem rafverk-
taki og rak sitt eigið
fyrirtæki, Rafverk-
stæði IB, fram á síð-
asta dag eða í 47 ár. Ingólfur átti
sæti í bæjarstjórn Njarðvíkur í 12 ár
og var þar af forseti bæjarstjórnar í
fjögur ár. Ingólfur starfaði mikið að
félagsmálum. Hann sat í stjórn Raf-
verktakafélags Suðurnesja, stjórn
Landssambands íslenskra rafverk-
taka, í rafveitunefnd Njarðvíkur, í
stjórn og sem stjórnarformaður
Hitaveitu Suðurnesja, í Lionsklúbbi
Njarðvíkur starfaði
hann í rúm 40 ár, í JC
Suðurnes og sem for-
seti um skeið, einn af
stofnendum Ung-
hjónaklúbbs og Nýja
hjónaklúbbsins. Ing-
ólfur sinnti ýmsum
trúnaðarstörfum fyrir
Sjálfstæðisflokkinn frá
16 ára aldri, einnig tók
hann þátt í kirkjustarfi
Ytri-Njarðvíkurkirkju
í 25 ár. Hann var í Frí-
múrarareglunni frá
1985.
Eftirlifandi eig-
inkona Ingólfs er Halldóra Jóna
Guðmundsdóttir, húsmóðir. Börn
þeirra eru Elín Jóhanna, gift Joe A.
Livingston, Arnar, giftur Önnu
Birnu Árnadóttur, Ragnhildur
Helga, gift Ólafi Birgissyni, Brynja,
gift Jóhanni B. Magnússyni, Guð-
mundur Þórir, giftur Karlottu Sig-
urbjörnsdóttur. Barnabörnin eru 14
og langafabörnin eru fjögur.
Andlát
Ingólfur Bárðarson
BAKSVIÐ
Skúli Hansen
skulih@mbl.is
„Tölfræði um ölvunarakstur er að
miklu leyti til háð frumkvæði lög-
reglu,“ segir Helgi Gunnlaugsson,
afbrotafræðingur og prófessor í fé-
lagsfræði við Háskóla Íslands, en í
nýlegri grein Gunnars Smára Egils-
sonar, formanns SÁÁ, segir að
hækkun áfengisverðs hafi fækkað
málum vegna ölvunar um 714 á tíu
mánaða tímabili eða um 41%.
Að sögn Helga er ekki hægt að
líta einungis á tölfræði yfir ölvunar-
akstur og tölfræði yfir áfengisverð
og -sölu og draga ályktanir út frá
því. Hann segir að meta þurfi fleiri
þætti þegar slíkt er skoðað. „Ef við
tökum ölvunaraksturinn þá má t.d.
nefna umferðareftirlitið, hefur það
eitthvað breyst? Það er ýmislegt
sem bendir til þess að niðurskurður
hjá lögreglunni hafi áhrif á það hvað
lögreglan leggur áherslu á, þannig
geta þeir kannski ekki verið með
eins marga lögreglumenn að fylgj-
ast með ölvunarakstri og áður fyrr.“
Helgi tekur þó jafnframt fram að
forvarnir og breytt samfélags-
umræða geti einnig haft áhrif hvað
þetta varðar.
Árásum fækkar á heimsvísu
Gunnar Smári bendir einnig á í
grein sinni að ofbeldisglæpum hafi
fækkað hér á landi með hækkun
áfengisverðs. Dýrt áfengi leiði því til
skárri heims. Að sögn Helga hefur
tíðni kærðra líkamsárása hér á
landi, þrátt fyrir sveiflur, heldur
minnkað á síðustu árum, en þróunin
sé í takt við þá þróun sem hefur ver-
ið bæði í Evrópu og í Bandaríkj-
unum. „Þessi þróun hefur staðið yfir
í nokkuð langan tíma, það er ekki
þannig að þessi skattastefna sem
verið hefur á síðustu tveimur til
þremur árum hafi allt í einu haft
mikil áhrif á þessa þróun.“
Hann bætir við að skoða þurfi
fleiri þætti í þessu samhengi en
breytingar á verðlagi áfengis. Helgi
tekur þó fram að áhugavert sé að
rannsaka tengsl áfengissölu við tíðni
afbrota á borð við ölvunarakstur og
líkamsárásir, enda séu þekkt tengsl
þar á milli. „Þessi almenna stefna
um hækkun áfengisverðs hefur áhrif
á venjulega borgara en maður setur
spurningarmerki við hópana sem
eru fíklar, eru þeir eitthvað að pæla
í því hvort það sé búið að hækka
verð á brennivíni um 5% eða ekki?“
Hann segir það almennt fara sam-
an, almenna skattahækk-
anastefnu á áfengi, líkt
og þá sem hefur verið
við lýði síðustu tvö til
þrjú árin, í bland við
minnkandi kaupmátt, og
gera það að verkum að í heild hafi
sala á þessum vörum minnkað hjá
ÁTVR. „Þannig að þetta hefur
áhrif en kannski mismikil á mis-
munandi hópa í samfélaginu.“
Verðhækkanir
aðeins einn þáttur
Niðurskurður skiptir meira máli en hátt verðlag á áfengi
Morgunblaðið/Júlíus
Ölvunarakstur Niðurskurður hjá lögreglunni, og sú forgangsröðun verkefna sem honum fylgir, hefur meiri áhrif á
tölfræði yfir ölvunarakstur en hækkanir á áfengisverði að mati Helga Gunnlaugssonar afbrotafræðings.
Heiðursverðlaun fyrir árið 2011 voru
í gær veitt úr Verðlaunasjóði Ásu
Guðmundsdóttur Wright. Er þetta í
43. skiptið sem veitt eru verðlaun úr
sjóðnum. Verðlaunahafinn að þessu
sinni er Kristján Kristjánsson, pró-
fessor við Menntavísindasvið Há-
skóla Íslands, en hann hlaut heið-
ursverðlaunin vegna rannsókna og
rita sinna á sviði heimspeki.
Kristján hlaut þriggja milljóna
króna styrk úr sjóðnum ásamt heið-
ursskjali og verðlaunapeningi með
lágmynd af Ásu á annarri hliðinni og
merki Vísindafélags Íslendinga á
hinni hliðinni. Hann segir það hafa
komið sér mjög á óvart að hann
skyldi hljóta verðlaunin, en hann
segist gjarnan hafa fylgst með af-
hendingu verðlaunanna í sjónvarp-
inu þegar hann var yngri. „Ég vil
þakka fjölskyldu minni fyrir að
standa við bakið á mér í gegnum ár-
in en svo vil ég einnig þakka stjórn
Verðlaunasjóðs Ásu Guðmunds-
dóttur Wright fyrir að hafa metið
störf mín að verðleikum.“
Kristján hyggst nýta verðlauna-
féð, alls 3 milljónir króna, til að fjár-
magna sex mánaða dvöl sína í Cam-
bridge í Bretlandi þar sem hann
hyggst skrifa sína næstu bók en hún
mun að hans sögn snúast um nýja
sálfræðistefnu sem kallast „jákvæð
sálfræði“. skulih@mbl.is
Kristján Kristjánsson
valinn vísindamaður ársins
Morgunblaðið/Sigurgeir S.
Vísindamaður ársins Sigrún Ása Sturludóttir, M.Sc, veitti Kristjáni Krist-
jánssyni verðlaunin við hátíðlega athöfn í Þjóðminjasafninu í gær.
Gunnar Smári Egilsson, formað-
ur SÁÁ, skrifaði nýlega grein
inni á vef samtakanna um þau
tengsl sem hann telur vera á
milli verðlagsbreytinga á áfengi
og tíðni afbrota á borð við ölv-
unarakstur og líkamsárásir.
Í grein Gunnars Smára kemur
meðal annars fram að ef litið er
til tölfræði yfir ölvunarakst-
ursbrot á fyrstu 10 mánuðum
áranna 2006-2008 og hún bor-
in saman við sömu tölfræði frá
fyrstu 10 mánuðum ársins 2011
sjái menn 41% fækkun slíkra
afbrota. „Samkvæmt þessu hef-
ur hækkun áfengisverðs fækkað
málum vegna ölvunar um 714 á
tíu mánaða tímabili eða um 41
prósent. […] Það þarf einnig að
áætla hversu stórt hlut-
fall drukkinna ökumanna
er handtekið. Ef það er
fjórðungur þá má segja að
hækkun áfengisverðs hefi
fækkað drukknum ökumönnum
í umferðinni um rúmlega níu á
hverjum degi ársins. Það er gott
til þess að vita.“
Segir tengsl
þarna á milli
FORMAÐUR SÁÁ
Um það bil eitt umferðarslys varð
á hverjum degi á höfuðborg-
arsvæðinu, samkvæmt bráða-
birgðatölum lögreglu höfuðborg-
arsvæðisins. Á tímabilinu 1. janúar
til 27. desember voru tilkynnt 358
umferðarslys, en í öllum tilvikum
var um að ræða atvik þar sem veg-
farendur þurftu á læknisaðstoð að
halda í kjölfarið.
Lögreglan ætlar að fara af stað
með tilraunaverkefni frá og með 1.
janúar nk. og freista þess að sýna
fram á orsakir og afleiðingar um-
ferðarslysa. Sendar verða út upp-
lýsingar um þau umferðarslys sem
lögregla kemur að tvisvar í viku.
Fram mun koma hvar, hvenær og
með hvaða hætti slysið varð, að
hverju rannsókn lögreglu beinist,
hversu margir slösuðust og eftir
atvikum alvarleiki meiðslanna.
Verkefnið mun standa yfir í einn
mánuð og tilkynningar sendar út á
þriðjudögum og föstudögum.
Eitt umferð-
arslys á dag
á þessu ári
AUGLÝSINGADEILD
netfang: augl@mbl.is eða sími 569 1111