Morgunblaðið - 29.12.2011, Blaðsíða 18

18
MORGUNBLAÐIÐ FIMMTUDAGUR 29. DESEMBER 2011
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Jóla- og ára-mótakveðjaSteingríms J.
Sigfússonar for-
manns Vinstri-
hreyfingarinnar –
græns framboðs á
fréttavef flokksins staðfestir að
forysta ríkisstjórnarinnar býr
við annan veruleika en aðrir
landsmenn. Samkvæmt grein
Steingríms er það útbreiddur
misskilningur að skattar hafi
almennt hækkað á Íslandi.
Þvert á móti hefur að sögn
Steingríms orðið sú ánægjulega
þróun með breyttum áherslum
á sviði skattheimtunnar að jöfn-
uður hefur aukist og flestir
greiða nú lægri skatta en áður.
„Skattagrátkórinn“ er að hans
sögn aðeins að verja hina tekju-
háu.
Málflutningurinn er svipaður
þegar kemur að atvinnuleysinu.
Þar hafa þeir landsmenn, sem
ekki eru svo lánsamir að vera í
forystu fyrir hinni góðu rík-
isstjórn sem er að leysa hvers
manns vanda, misskilið stöðuna
illilega. Hingað til hafa lands-
menn horft í kringum sig og
fylgst með vinum og vanda-
mönnum missa vinnuna eða
hrökklast úr landi í leit að
lífsviðurværi. Og þeir hafa að
auki skoðað hagtölur og talið
sig sjá að þúsundir
eða jafnvel tugir
þúsunda starfa hafi
glatast í tíð núver-
andi ríkisstjórnar á
sama tíma og hún
legðist gegn at-
vinnuuppbyggingu með öllum
tiltækum ráðum.
Nú má lesa í jóla- og ára-
mótakveðju fjármálaráðherra
að þetta er allt tómur misskiln-
ingur. Atvinnuvegir lands-
manna hafa ekki farið illa, þar
er þvert á móti mikill vöxtur.
Og störf hafa ekki glatast, öðru
nær. Frá því í fyrra hafa orðið
til 5.000 ný störf og að auki hef-
ur ríkisstjórnin gripið til ým-
issa úrræða. Þessi störf eru
vitanlega, þó að Steingrímur
hafi af lítillæti sínu ekki orð á
því, til viðbótar þeim þúsundum
starfa sem forsætisráðherra
hefur sagt að ríkisstjórnin hafi
margoft skapað með farsælum
aðgerðum í atvinnumálum.
Auðvitað er mikið lán fyrir
landsmenn að við stjórnvölinn
sé fólk sem sér það sem öðrum
sést yfir og skynjar það sem
aðrir fara á mis við. Og ef efna-
hagslegur veruleikinn skyldi
þrátt fyrir þetta gerast ágeng-
ur þarf almenningur ekki annað
en renna yfir kveðju formanns-
ins og þá verður allt gott á ný.
Leiðtogar lands-
stjórnarinnar sjá
það sem öðrum
mönnum er hulið}
Kveðja formannsins
Einvaldur Norð-ur-Kóreu,
elskaður og virtur
af mönnum og mál-
leysingjum, er bor-
inn til grafar þessa
dagana. Svo sem
vonlegt er flóa tár yfir alla
bakka og hefur RÚV-NK, sem
er elskuð og virt stofnun í land-
inu, sýnt fjölmargar myndir af
þeim ósköpum öllum. Meira að
segja þulur RÚV-NK hefur les-
ið skýringar með myndunum
með grátstafinn ofarlega í
kverkunum. Slíkt er til dæmis
ekki gert í okkar elskuðu og
virtu RÚV nema þegar afnota-
gjöldin fá ekki sanngjarna
hækkun, sem gerist aðeins ör-
sjaldan, sem betur fer.
Margvísleg undur hafa orðið
vegna ótímabærs andláts leið-
togans mikla, sem bar að þar
sem hann var staddur um borð í
járnbrautarlest í opinberum er-
indagjörðum. En leiðtoginn
elskaði og virti unni sér aldrei
hvíldar, að sögn eftirlifandi yf-
irvalda, og eru slík óþreytandi
yfirvöld aðeins þekkt á norð-
lægum slóðum. Andlátsorð hans
voru: „Ég dó í lest fyrir rest.“
(„Rest“ merkir „hina“ eða „al-
þýðuna“ í þessu samhengi.)
Fréttir hafa borist af fuglum
sem flykktust í greinar trjáa í
námunda við minnismerki um
föður hins látna
leiðtoga og mátti
merkja sára sorg í
tísti þeirra og
skrækjum. Fyrr-
verandi erlendum
sendimanni þóttu
þessi undur enn stórbrotnari
fyrir þá sök að í hans embætt-
istíð í Norður-Kóreu sáust fugl-
ar yfirleitt hvergi, því þeir sem
létu sjá sig voru jafnharðan étn-
ir af svöngum og nú að auki
sorgbitnum lýð hins elskaða og
virta leiðtoga.
Norður-Kórea er einstök um
margt. Það er kommúnistaríki
þar sem alþýðan ræður öllu,
eins og jafnan í slíkum ríkjum,
en í þessum hluta Kóreu hefur
alþýðan komið því þannig fyrir
að alræðisvald hennar flyst til
innan fjölskyldu Kims Il Sungs,
sem, að syni hans og sonarsyni
ólöstuðum, var langfremstur
meðal jafningja, stórbrotinn,
elskaður og virtur. Hefur þetta
konungstilbrigði við alræðis-
vald alþýðunnar gefist mjög vel
og hefur verið bent á að ríkis-
stjórn Kims Il Sungs, sonar
hans og sonarsonar, sé fyrsta
hreina vinstristjórnin sem verið
hafi í Norður-Kóreu, og allir
vita hve þýðingarmikið er að
slíkar stjórnir haldi velli sem
lengst, svo skínandi blásnauð-
um almenningi megi farnast vel.
Andlátsorð leiðtog-
ans: „Það skjald-
borgar sig“ voru
rangt eftir höfð}
Gott fordæmi
K
völdfréttir sjónvarpsstöðvanna í
gærkvöldi voru til marks um að
kreppunni hefur slotað og sam-
félagið er smám saman að kom-
ast í gegnum eftirköst hennar.
Fréttatími RÚV að því leyti að hann var svo til
laus við fréttir af kreppu og hvítflibbaglæpum
yfirleitt.
Á Stöð 2 var sagt frá 60% söluaukningu í
fólksbílum frá fyrra ári, en þó svo bílaleigur
hafi verið stórtækar í kaupunum, til að þjón-
usta erlenda ferðamenn, er ljóst að heimilin
eru að taka við sér líka. Bankastjóri Lands-
bankans sagði hann tilbúinn fyrir skráningu í
Kauphöll á næsta ári og bætist bankinn þá á
stuttan en stækkandi lista mikilvægra fyr-
irtækja sem eru að snúa aftur þangað. Áður
hefur verið sagt frá batnandi horfum með láns-
hæfismat ríkissjóðs og fleira mætti tína til. Blessist Ice-
save-málið á næsta ári verður það svo annað stórt skref í
skilnaðinum við kreppuna og sálarástandið sem henni
fylgdi.
Einnig var í fréttum Stöðvar 2 sagt frá nýjum ákærum
sem gefnar hafa verið út af embætti sérstaks saksóknara.
Reyndar í litlum skattamálum, en þegar hafa tvær ákær-
ur verið gefnar út vegna gjaldþrots Glitnis og saksóknari
segir fleiri ákærur væntanlegar í janúar. Það eru engin
gamanmál, en samt er gott að þau hreyfist áfram. Þótt
kreppunni sloti, á hagfræðilegan mælikvarða, hverfur
brennimark hennar ekki úr huga fólks fyrr en einhver
hefur hlotið makleg málagjöld. Þannig er það nú bara.
En málagjöldin þurfa þá líka að vera mak-
leg, en ekki bara til komin vegna þess að þjóð-
in heimti hefnd. Málsmeðferðin verður löng,
það verða sakfellingar og það verða sýknur,
frávísanir og áfrýjanir. Enn eigum við því eftir
að þreyja þorrann gegnum daga, vikur og
jafnvel mánuði ömurlegrar þjóðmálaumræðu
og froðufellandi netverja.
Á heildina litið gengur líka ansi hægt fyrir
„landið að rísa“ og er þar meðal annars um að
kenna öfugsnúinni atvinnustefnu stjórnvalda,
skuldakreppu og svartsýni í helstu við-
skiptalöndum okkar og gjaldeyrishöftunum
svo eitthvað sé nefnt.
En þótt ég reyni að bölsótast hér yfir því
sem mér kemur til hugar, reyni að muna eftir
því slæma líka, ekki bara því góða, breytir það
ekki því að kreppunni er að slota. Ég verð
bara að reyna að sætta mig við það.
Hann kemur aldrei, dagurinn sem margir hafa verið að
bíða eftir. Dagurinn þegar einhver ráðamaður birtist á
skjánum með skjaldarmerkið á bak við sig og tilkynnir að
Guð hafi bænheyrt Geir Haarde á sínum tíma. Hann hafi
blessað Ísland, hagvöxturinn sé 8% og lánshæfiseinkunn-
in AAA. Þess í stað vöknum við morgun einn og uppgötv-
um að staðan er bara nokkuð góð. Kreppan hefur læðst
burt án þess að við tækjum eftir því. Þannig mun þessi
kreppa hafa bæði læðst aftan að okkur á meðan við vorum
í maníukasti og læðst burt án þess að við tækjum eftir því,
þegar við vorum í þunglyndiskasti. Við látum þetta von-
andi ekki koma fyrir okkur aftur í bráð. onundur@mbl.is
Önundur Páll
Ragnarsson
Pistill
Sígandi lukka er best
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
FRÉTTASKÝRING
Ágúst Ingi Jónsson
aij@mbl.is
E
kki liggur fyrir hvenær
ráðherrahópur skilar
af sér áliti um breyt-
ingar á fiskveiðistjórn-
arkerfinu. Í hópnum
eru Guðbjartur Hannesson, velferð-
arráðherra, og Katrín Jakobsdóttir,
menntamálaráðherra, en þau hafa
m.a. kallað til samráðs þingmennina
Ólínu Þorvarðardóttur og Kristján
Möller, Samfylkingu, og Lilju Rafney
Magnúsdóttur og Björn Val Gíslason
frá VG.
Guðbjartur vildi ekki staðfesta
þessi nöfn í samtali við blaðið í gær,
en sagði að þingflokkar stjórnar-
flokkanna kæmu að málinu áður en
vinnu ráðherranna lyki. Hann sagði
að hópurinn hefði rætt við ýmsa, þar
á meðal við formann og varaformann
LÍÚ til að upplýsa þá um hvað væri
verið að gera og hvernig.
„Ráðherrahópurinn mun skila
forsendum fyrir nýju frumvarpi þar
sem dregnar verða fram þær megin-
línur sem við viljum hafa þar,“ sagði
Guðbjartur. „Í framhaldi af því taka
lögfræðingar og lagasmiðir við og
vinna að gerð frumvarps í samráði
við okkur og stefnt er að því að leggja
fram frumvarp á vorþingi. Við
vinnum meðal annars út frá stjórnar-
sáttmálanum, áliti sáttanefnd-
arinnar, sem ég leiddi á sínum tíma,
og það er einnig margt gott í þeim
drögum sem unnin voru í sjáv-
arútvegsráðuneytinu í haust. Það er
allt uppi á borðinu, en núna erum við
að glíma við forsendurnar og að
sætta þau sjónarmið sem við teljum
mikilvægt að sætta fyrir frumvarps-
smíðina,“ sagði Guðbjartur.
Tilbúnar að skrifa frumvarp
Þingmennirnir Björn Valur og
Kristján koma úr Norðausturkjör-
dæmi, en þær Ólína og Lilja Rafney
úr Norðvesturkjördæmi. Björn Valur
sat m.a. í sáttanefndinni og Lilja
Rafney og Ólína voru formaður og
varaformaður sjávarútvegs- og land-
búnaðarnefndar Alþingis.
Sem slíkar sendu þær sjávarút-
vegsráðherra í haust greinargerð um
heildstætt fiskveiðistjórnunarfrum-
varp ráðherra, ásamt tillögum um
þær breytingar sem gera þyrfti á
frumvarpinu áður en það yrði lagt
fram að nýju. Þær lýstu sig reiðu-
búnar til þess að skrifa frumvarpið
upp að nýju í umboði ráðherra og í
samráði við sérfræðinga.
Frumvarpið var harðlega gagn-
rýnt í byrjun síðasta sumars og það
var lagt til hliðar. Í haust kynnti ráð-
herra hins vegar á ríkisstjórnarfundi
vinnuskjal eða drög að breytingum á
núgildandi lögum um fiskveiðistjórn-
un. Í framhaldi af því var ráðherra-
hópurinn skipaður.
Ólína fjallar í bloggfærslu um
breytingar á kerfinu og segir m.a. að
eitt þeirra verkefna sem við blasi sé
„að búa svo um hnúta að gætt verði
jafnræðis við gerð og úthlutun nýt-
ingarsamninga (til 15 ára skv. frum-
varpi) og útleigðra aflaheimilda (til
eins árs, svokallaður leiguhluti).
Jafnframt þarf atvinnuréttur sjávar-
byggðanna til nýtingar sjávarauð-
lindarinnar að vera tryggður. Verði
áfram byggt á samningaleiðinni svo-
kölluðu er óhjákvæmilegt að opna
frekar á milli fyrirhugaðra nýting-
arsamninga og leiguhluta ríkisins
(tímabundinna aflaheim-
ilda).“
Jafnframt segir að
„farsælast væri að hverfa
með öllu frá hugmyndum
um byggða- og ívilnunar-
potta og þar með miðstýr-
ingarvaldi ráðherra
hverju sinni við
úthlutun
byggðakvóta.“
Unnið að forsendum
fyrir nýju frumvarpi
Morgunblaðið/Rax
Breytingar Óvissa er um framtíð fiskveiðistjórnarkerfisins, en ráðherra-
hópur vinnur að því leggja meginlínur fyrir lagasmiði og lögfræðinga.
„Til þess að efla nýliðun og auka
hráefnisframboð til fiskvinnslu á
minni stöðum tel ég rétt að stór-
efla strandveiðar og gefa þær
„frjálsar“ innan skilgreindra (og
strangra) marka,“ segir Ólína í
bloggfærslu. Veiðitímabilið þyrfti
að vera afmarkað við fimm daga í
viku í 4-6 mánuði. Aðeins bátar
minni en 15 brúttótonn með tvær
handfærarúllur fengju leyfi. Veið-
arnar yrðu bundnar skráðum eig-
anda, sem ekki gerði út aðra báta
á strandveiðitímanum.
Ólína telur að verði þessum
skilyrðum fylgt strangt eftir yrðu
aðrar takmarkanir óþarfar.
„Þessar umhverfisvænu, sjálf-
bæru veiðar
myndu skila
mörg hundruð
störfum og
stórauknum
gjaldeyris-
tekjum í þjóð-
arbúið,“
segir
Ólína.
Frjálsar
strandveiðar
NÝLIÐUN OG FRAMBOÐ
Guðbjartur
Hannesson
Ólína
Þorvarðardóttir