Morgunblaðið - 21.02.2012, Blaðsíða 10

10 DAGLEGT LÍF
MORGUNBLAÐIÐ ÞRIÐJUDAGUR 21. FEBRÚAR 2012
Rúnar Pálmason
runarp@mbl.is
Þótt tiltölulega fáir Íslend-ingar kannist við Gunn-Ritu Dahle Flesjå þá erhún einn þekktasti fjalla-
hjólreiðamaður í heimi. Hún hefur
keppt sem atvinnumaður í tæplega
18 ár og sópað að sér verðlaunum,
m.a. ólympíugulli í Aþenu 2004 og
mörgum heims- og Evrópumeistara-
titlum. Hún er 38 ára gömul, búin að
koma sér í fantagott form eftir
barnsburð árið 2009, og ætlar að
næla sér í ólympíugull í London í
sumar.
Morgunblaðið ræddi við hana
þegar Merida-fjallahjólaliðið árið
2012, sem hún tilheyrir, var kynnt á
Mallorca fyrr í febrúar. Tilefni ferð-
arinnar var að Ellingsen ætlar í vor
að hefja sölu á Merida-fjallahjólum.
Byrjaði á snarbrattri hlíð
Í Noregi, eins og víðast í Evr-
ópu, eru fjallahjólreiðar stundaðar
sem skipulögð keppnisíþrótt. Gunn-
Rita sagðist þó litlar spurnir hafa
haft af íþróttinni framan af aldri en
lagði stund á ýmsar íþróttir, m.a. á
langhlaup. Sumarið 1995, þegar hún
var 22 ára, hitti hún þjálfara hjá
fjallahjólaklúbbi sem fékk hana á
æfingu og eftir það varð ekki aftur
snúið. „Ég var bara í hlaupaskóm,
ekki einu sinni í alvöruhjólaskóm og
smellupedölum, en ég komst samt
upp á topp. Ég hélt að ég myndi
örugglega deyja á leiðinni niður,
hlíðin var svo brött! En á leiðinni
niður kolféll ég fyrir þessari íþrótt.
Að hjóla niður var það skemmtileg-
asta sem ég hafði gert lengi, hraðinn
var svo mikill og adrenalínið hrein-
lega flæddi um æðarnar,“ sagði hún-
.Síðan þá hefur hún unnið sér inn
heilt bikarsafn. Gunn-Rita kvaðst
ánægð með keppnistímabilið 2011 og
er bjartsýn fyrir 2012 en greinilegt
var að hún varð fyrir sárum von-
brigðum með 2010. Ástæðan fyrir
slökum árangri 2010 var sú að henni
gekk illa að ná fyrra formi eftir að
hún eignaðist drenginn sinn, Björn-
ar, í mars 2009, með Kenneth, eigin-
manni sínum og þjálfara.
„Það var erfitt að ná fyrra
keppnisformi aftur, ég verð að játa
það,“ sagði Gunn-Rita. „Áður en við
urðum foreldrar hélt ég að það yrði
auðveldara að tvinna saman for-
eldrahlutverkið og atvinnumennsku
í íþróttum.“ Það voru þó ekki líkam-
leg eftirköst fæðingarinnar sem
þvældust fyrir heldur að nú gátu
dagarnir ekki snúist um æfingar ein-
göngu. Áður hafði hver dagur verið
þaulskipulagður, jafnvel marga
mánuði fram í tímann, og fullkomn-
Ævintýri og ham-
ingja á fjallahjólum
Norðmaðurinn Gunn-Rita Dahle Flesjå er einn þekktasti fjallahjólreiðamaður í
heimi. Hún segir algjört jafnrétti ríkja í fjallahjólreiðum. Konur hjóla sömu
brautir og karlar og verðlaunafé er jafnhátt í kvennaflokki og í karlaflokki. Hún
hvetur alla til að prófa – fjallahjól eigi að nota til að upplifa ævintýri og ham-
ingju, en ekki bara til að fara á milli A og B.
Hraði Gunn-Rita á fullri ferð á heimsbikarmótinu í Nove Mesto í Slóvakíu í
fyrra. Hún lenti í 4. sæti í keppninni og hafnaði í 6. sæti í heimsbikarmótinu.
Meistari Gunn-Rita er í norska landsliðinu og er margfaldur Noregsmeist-
ari. Hún vann titilinn í fyrsta sinn 1995, sama ár og hún byrjaði að æfa.
Hún Steph Davis er ótrúleg kona sem
stundar það að klifra upp á hæstu
tinda með fallhlífina sína á bakinu og
þegar upp er komið lætur hún sig
gossa niður (base jumps) fljúgandi í
fallhlífinni. Hún er sérstaklega hrifin
af því að klifra upp það sem kallað er
Desert Towers en það eru háar strýtur
í eyðimörkinni. Hún kann því vel að
takast á við stór verkefni og eins og
nafn heimasíðu hennar gefur til kynna
(highinfatuation) þá er hún haldin
hamslausri hrifningu þegar hæð er
annars vegar. Hún segist ævinlega
svara því til þegar hún er spurð hvers
vegna hún klifri: Af því ég elska það.
Að klifra segir hún vera svo miklu
meira en að klifra og má lesa um það á
síðunni hennar. Þeir sem vilja fræðast
um klifur og fallhlífarstökk geta sent
henni fyrirspurnir og svörin og ráðin
eru öllum aðgengileg sem fara inn á
síðuna. Fróðlegt og skemmtilegt.
Vefsíðan www.highinfatuation.com
Klifurkona Steph veit fátt skemmtilegra en að klifra og stökkva fram af brún.
Klifurkötturinn Steph Davis
Næsta föstudag 24. febrúar verður
haldið málþing undir yfirskriftinni
Tækifæri í hjólaferðamennsku á Ís-
landi.
Á málþinginu verður fjallað um þau
tækifæri sem fólgin eru í hjólaferða-
mennsku, hver staðan er á Íslandi í
dag og hvað þarf að gera til að geta
nýtt þessi tækifæri. Málþingið er liður
í verkefninu Hjólaleiðir á Íslandi sem
er samstarfsverkefni fjölmargra aðila,
um að skilgreina landsnet hjólaleiða á
Íslandi og fleira því tengt.
Málþingið verður í Sal Eflu verk-
fræðistofu, Höfðabakka 9, Reykjavík,
og hefst kl. 10.30 og stendur til 15.30.
Hægt er að skrá sig til hádegis á
fimmtudag 23. febrúar.
Dagskrána má sjá á vefsíðu land-
samtaka hjólreiðamanna www.lhm.is
Endilega …
… kynnist hjólaferðamennsku
Morgunblaðið/Eggert
Gaman Að ferðast á reiðhjóli er frá-
bær ferðamáti sem fólk ætti að prófa.
Skannaðu kóðann
til að fara inn á
vefsíðuna.
Á laugardag fóru fram fjórðu árlegu Crossfit-leik-
arnir. Mótið er fyrsta af fjórum í EAS-þrekmóta-
röðinni 2012, þar sem keppt er um þrek, snerpu,
þol og styrk. Metþátttaka var á mótinu sem fór
fram í Kaplakrika og voru skráningar alls 460 í
öllum flokkum. Mikil stemning var og má sjá
hér á myndunum sýnishorn af átökunum.
Keppendur komu hvaðanæva, alls frá 16
stöðvum víðsvegar um land, frá Akureyri,
Vestmannaeyjum, Reykjanesbæ, Akranesi,
Ólafsvík og höfuðborgarsvæðinu. Helstu úr-
slit:
Einstaklingsflokkur kvenna, opinn flokk-
ur: 1. Kristín Tanja Davíðsdóttir (Crossfit
BC/Bootcamp)
2. Ragnheiður Sara Sigmundsdóttir (Lífs-
stíll)
3. Hjördís Ósk Óskarsdóttir (Crossfit BC/
Bootcamp)
Einstaklingsflokkur karla, opinn flokkur:
Sveinbjörn Sveinbjörnsson (Boot Camp)
2. Árni Freyr Bjarnason (Crossfit Sport)
3. Jónas Stefánsson (Crossfit Hafnarfjörður)
Parakeppni: 1. Annie Mist & Frederik Ægi-
dius (Crossfit Reykjavík)
2. Jónas Stefánsson & Harpa Melsted (Crossfit
Hafnarfjörður)
3. Helga Guðmundsdóttir & Jakob Daníel Magn-
ússon (Crossfit Hafnarfjörður).
Þrek, snerpa, þol og styrkur
Crossfit-leikarnir í Kaplakrika
Ljósmynd/Ágúst Sigurjónsson /xz.is
Ljósmynd/Ágúst Sigurjónsson /xz.is
Ljósmynd/Ágúst Sigurjónsson /xz.is
Ljósmynd/
Ágúst Sigurjónsson / xz.is