SunnudagsMogginn - 26.02.2012, Qupperneq 4

4 26. febrúar 2012
Newt Gingrich, sem sækist eftir útnefn-
ingu sem forsetaframbjóðandi repúblik-
ana, hefur notað orðið veraldlegur þegar
hann talar um Barack Obama Bandaríkja-
forseta og gefur til kynna að hann sé ekki
trúaður. Rick Santorum, einn af keppi-
nautum Gingrich, sagði hann láta stjórn-
ast af „gerviguðfræði“, en kvaðst síðar
ekki efast um trú hans. Santorum kveðst
vera íhaldssamur katólikki.
Franklin Graham, prestur og sonur pre-
dikarans Billys Grahams, kvaðst á þriðju-
dag ekki vera viss um að Obama væri
sannkristinn.
„Hann hefur sagt að hann sé kristinn
maður,“ sagði Graham í sjónvarpsviðtali.
„Spurningin er, hvað er að vera kristinn
maður?“ Svo bætti hann við: „Ef hann
segist vera kristinn ætla ég ekki að segja
að hann sé það ekki.“
Graham var spurður hvort hann vildi
lýsa yfir að Obama væri ekki múslími. „Ég
get ekki sagt það afdráttarlaust vegna
þess að íslam hefur fengið frítt spil hjá
Obama.“
Graham vísaði til þess að íslamskir
flokkar hefðu rutt sér til rúms í arabíska
vorinu og sagði viðbrögð Bandaríkja-
manna við ofsóknum á hendur kristnum
minnihlutahópum í Mið-Austurlöndum og
Afríku væru máttlítil. Hann sæi ekki betur
en Obama hefði „meiri áhyggjur af músl-
ímum þessa heims“ en „kristnum mönn-
um, sem eru myrtir í íslömskum löndum“.
Obama hefur reyndar varið réttindi
trúarlegra minnihlutahópa og til dæmis
fordæmt ofbeldi á hendur kristnum kopt-
um í Egyptalandi, en hann hefur ekki vilj-
að neita hlutaðeigandi löndum um aðstoð
eins og Graham og fleiri vilja.
Dregið í efa að Obama sé kristinn?
Barack Obama forseti ávarpar stuðningsmenn á fjáröflunarfundi í Flórída á fimmtudag.
AP
Evrópa er móðir allra lasta ef markamá málflutning frambjóðenda í for-kosningum repúblikana sem nústanda yfir. Eitt sinn var sambandið
yfir Atlantshafið föst stærð í bandarískri póli-
tík, en nú er öldin önnur. George W. Bush fór
einfaldlega sínu fram í forsetatíð sinni og lagði
litla áherslu á samráð við Evrópu. Barack
Obama naut mun meiri vinsælda í Evrópu en
Bandaríkjunum í síðustu forsetakosningum, en
hans samskipti við álfuna eru þannig að fræði-
menn eru farnir að tala um að hið nána sam-
band yfir Atlantsála sé liðin tíð.
Michael T. Corgan, dósent í alþjóða-
samskiptum við Boston-háskóla, hélt í liðinni
viku fyrirlestur við Háskóla Íslands á vegum
Alþjóðamálastofnunar og Rannsóknarseturs
um smáríki undir heitinu „Eru Bandaríkin að
hlusta á Evrópu“, þar sem hann tók ýmis
dæmi um hvernig Evrópa birtist í pólitískri
umræðu í Bandaríkjunum. Corgan sagði að
frambjóðendum repúblikana væri mjög í mun
að sýna kjósendum sínum fram á að Obama
væri öðruvísi. Af augljósum ástæðum gætu
þeir ekki vísað til kynþáttar hans, en ein leiðin
væri að spyrða hann við Evrópu.
Mitt Romney, sem þykir sigurstranglegastur
í forkosningunum, reið á vaðið í ræðu í júní
2010. „Svör Evrópu eru ekki rétta lausnin á
vandamálum Bandaríkjanna,“ sagði Romney
og bætti við að efnahagsstefna Obama væri
„ógurlega evrópsk“.
Í kappræðu í janúar sagði Romney að Obama
hefði í hyggju að breyta Bandaríkjunum í
„evrópskt velferðarríki“. „Ég trúi ekki á Evr-
ópu, ég trúi á Bandaríkin,“ sagði frambjóð-
andinn og bætti við: „Ég tel að Evrópa virki
ekki í Evrópu. Ég veit að hún virkar ekki hér.“
Þegar Romney hélt sigurræðu sína eftir for-
kosningarnar í Flórída sagði hann að Obama
fengi „innblástur frá höfuðborgum Evrópu,
við horfum til borga og smábæja Bandaríkj-
anna“. Hann var ekki búinn: „Ég vil að þið
munið þegar Hvíta húsið endurspeglaði það
besta í okkur, ekki það versta, sem finna má í
Evrópu.“
Veraldlegur, evrópskur sósíalisti
Newt Gingrich hefur ekki látið sitt eftir
liggja. „Bandarísku þjóðinni finnst að hér séu
hópar fyrirmenna [sem vilja] þvinga okkur til
að hætta að vera bandarísk og taka upp eitt-
hvert annað kerfi,“ sagði hann í sigurræðu
sinni eftir forkosningarnar í Suður-Karólínu í
janúar og til að enginn efaðist um við hvað
væri átt bætti hann við að Obama væri „nátt-
úrulega veraldlegur, evrópskur sósíalisti“.
Í herbúðum Gingrich þykir ekki duga að
nota Evrópustimpilinn á Obama. Romney,
hans helsti keppinautur, sem dvaldi um hríð í
Frakklandi, fékk skeyti í auglýsingu stuðn-
ingsmanna Gingrich. „Rétt eins og John Kerry
talar hann líka frönsku,“ sagði þulurinn í aug-
lýsingunni þannig að áhorfendur hlutu að súpa
hveljur.
Corgan benti á að Gingrich kynni hér að
kasta grjóti úr glerhúsi. Doktorsritgerð hans í
sagnfræði hefði fjallað um menntastefnu Belga
í Kongó og þar vitnaði hann í franskar heim-
ildir.
Rick Santorum er afdráttarlaus um lesti
Evrópu. Evrópa hefur „hafnað kristindómi“,
sagði Santorum í viðtali í desember. Ekki nóg
með það, Santorum telur að Þjóðverjar,
Frakkar og fleiri „hati okkur vegna þess að við
hvikum ekki frá þeirri gömlu, fornu hugmynd
að kristindómur sé af hinu góða“.
Ron Paul, fjórði frambjóðandinn, sem eftir
er í slagnum um útnefningu repúblikana til
forsetaframboðs, sagði í janúar að hann vildi
að bandarískir hermenn yrðu kvaddir heim frá
Þýskalandi til að Bandaríkin hættu að nið-
urgreiða hið „sósíalíska Þýskaland“.
Stjórn Obama hefur lítið brugðist við þess-
um málflutningi um Evrópu eða tilraunum til
að tengja hana álfunni. Corgan bendir hins
vegar á að Evrópa sætir einnig gagnrýni í röð-
um demókrata og á vinstri væng umræðunnar.
Nóbelshagfræðingurinn Paul Krugman, sem
skrifar reglulegan dálk í The New York Times
segir að „Evrópubúar nái ekki neinum árangri
gegn of miklum skuldum – það gerum við“.
Barney Frank, fulltrúadeildarþingmaður
demókrata frá Massachusetts, var á sömu
slóðum og Ron Paul þegar hann sagði skuld-
bindingu Bandaríkjanna „til varna Evrópu al-
gerlega óskiljanlega nú þegar Evrópubúar eru
orðnir heilbrigðir, sterkir og enginn ógnar
þeim“.
Móðir
allra
lasta
Evrópa fær
útreið í
bandarískum
stjórnmálum
Frambjóðendur repúblikana, Ron Paul, Rick Santorum, Mitt Romney og New Gingrich, mættust í kappræðum á þriðjudag.
AP
Vikuspegill
Karl Blöndal kbl@mbl.is
„Þeir draga trú hans í
efa, þeir draga föð-
urlandsást hans í
efa, getur verið að
efasemdirnar snúist í
raun um kynþátt
hans?“ spurði Philip
Sherwell, blaðamað-
ur breska blaðsins
Daily Telegraph, í
grein þegar hann
fylgdist með kosn-
ingabaráttu Baracks
Obama og Johns
McCains í Bandaríkj-
unum fyrir fjórum ár-
um. Hann sagði að í
viðureign þeirra væri
fíll í herberginu – húð-
litur Obama. Er fíllinn
enn til staðar?
Fíll í her-
berginu