SunnudagsMogginn - 26.02.2012, Page 31

26. febrúar 2012 31
Jóhann Berg Guðmundsson þreyttifrumraun sína hjá AZ á síðastatímabili. Hann hefur leikið yfir 50leiki fyrir félagið og þanið út net-
möskvana átta sinnum fram að þessu.
Honum gengur ekki alveg jafn vel að fóta
sig í tungumálinu. „Ég skil allt en á auð-
veldara með að tjá mig á ensku,“ segir
hann. „Talaðu hollensku!“ hrópar einn
liðsfélaga hans stríðnislega. Jóhann lætur
sér hins vegar hvergi bregða: „Haltu þér
saman, ég er í viðtali!“
Frá blautu barnsbeini hefur Jóhann
verið elskur að knattspyrnu. Fljótlega
eftir að hann lærði að ganga var hann
kominn út á völl. „Ég var fjögurra ára
þegar ég gekk til liðs við Fylki í Árbæn-
um.“ Þar með voru örlög hans ráðin. Átta
ára lá leiðin í Breiðablik í Kópavoginum.
Æfði með Chelsea
Fimmtán ára gamall flutti Jóhann til
Englands með foreldrum sínum. Spark-
hæfileikarnir voru með í farteskinu og
fóru ekki framhjá neinum. Unglingurinn
var í nokkra mánuði hjá stórliði Chelsea
og hálft annað ár hjá Fulham. Þegar hann
var átján ára kom útsendari AZ auga á
hann. Jóhann flutti til Hollands og hóf
æfingar með varaliði AZ. Hann vissi allt
um þetta vinsæla félag frá Alkmaar þar
sem vinur hans Kolbeinn Sigþórsson
(sem var áður hjá AZ og nú hjá Ajax) hafði
upplýst hann. Alkmaar er látlaus sveita-
bær í norðvesturhluta Hollands með um
hundrað þúsund íbúa. Bærin er frægur
fyrir osta sína og dregur til sín ferðamenn
úr öllum heimshornum sem þrá að sjá
hvernig hollenskir ostar verða til.
Jóhanni líður vel hjá AZ. „Leikmenn-
irnir eru eins og ein stór fjölskylda.“
Hann kann líka að meta þjálfunina. „Við
æfum fimm sinnum og leikum að með-
altali tvo leiki á viku.“ Frítíma sinn notar
hann til að hvílast, leggur sig eða horfir á
kvikmynd heima hjá sér. Meiri líkur eru á
því að rekast á Jóhann á knattspyrnu-
vellinum en í eldhúsinu. „Ég fer venju-
lega út að borða með einhverjum liðs-
félaga.“ Ítalskur veitingastaður, La Terr-
azza, í strandbænum Bergen er í sérstöku
uppáhaldi enda framreiðir vertinn sér-
staklega Pasta Compollo alla Panna fyrir
leikmenn AZ. Að sögn vertsins er það
kjúklingaréttur með pasta og rjóma sem
enginn fær að njóta nema leikmenn AZ
Alkmaar. Jóhann snæðir líka reglulega í
höfuðborginni Amsterdam með félaga
sínum Kolbeini Sigþórssyni. „Við kynnt-
umst í leikskóla og höfum verið góðir
vinir síðan.“
Jóhann segir veðrið í Hollandi heldur
betra en á Íslandi og hann kann sér-
staklega að meta mikinn fjölda verslana.
„Vegna fólksfæðar er úrvalið minna
heima.“
Fær fjölskylduna í heimsókn
Heimþráin lætur sjaldan á sér kræla en
Jóhann viðurkennir þó að hann sakni
stundum fjölskyldu sinnar og vina. Ísland
er hins vegar bara í þriggja klukkustunda
flugfjarlægð og hann flýgur fram og til
baka fimm sinnum á ári. Þá kemur fjöl-
skyldan allt að sjö sinnum á ári til hans og
gistir í húsinu sem hann leigir í ostabæn-
um. „Þegar mamma er í heimsókn eldar
hún dýrindis íslenska rétti.“
Jóhann er einnig landsliðsmaður, hef-
ur varið heiður Íslands fjórtán sinnum.
„Komi til þess að við mætum Hollend-
ingum verður það ekkert vandamál fyrir
mig,“ segir hann en viðurkennir þó að
Hollendingar yrðu sigurstranglegra liðið.
„Þeir eru með eitt besta lið í heimi.“
Í Hollandi hefur Jóhann leikið gegn
ríkjandi landsmeisturum, Ajax. „Ég hef
hins vegar aldrei glímt við Kolbein vin
minn, hann var meiddur þegar leikurinn
fór fram.“
Um möguleika AZ á Hollandsmeist-
aratitlinum segir Jóhann: „Við deilum
efsta sætinu eins og staðan er núna.
Höldum við áfram á sömu braut eigum
við góða möguleika!“
Höfundur er hollenskur blaðamaður.
AZ er
ein stór
fjöl-
skylda
Eftir vaska framgöngu
hefur samningur Jó-
hanns Bergs Guð-
mundssonar við hol-
lenska knattspyrnu-
félagið AZ Alkmaar
verið framlengdur
fram á mitt ár 2014.
Félagið er mjög ánægt
með leikmanninn og
segir hann eiga bjarta
framtíð fyrir höndum.
Texti: Pieter Bliek
Myndir: Eggert Jóhannesson eggert@mbl.is
Jóhann Berg Guðmundsson í landsleik gegn Dönum á Laugardalsvellinum.
Æskuvinirnir Jóhann Berg
Guðmundsson og Kolbeinn
Sigþórsson fagna marki í
landsleik gegn Kýpur.