SunnudagsMogginn - 26.02.2012, Page 44

44 26. febrúar 2012
William Landay – Defending Jacob bbmnn
Í þessari metsölubók veltir höfundur upp spurn-
ingu sem virðist brenna á vörum hvítra mið-
stéttarforeldra vestan hafs í ljósi þess hversu oft
hún er borin upp: Hvað myndi ég gera ef barnið
mitt væri ákært fyrir morð? Sem betur fer er
þetta ekkert sem íslenskir foreldrar þurfa að
velta fyrir sér, eða það vona ég í það minnsta, en
í þessari bók snýst spurningin ekki bara um það
hvort barnið sé morðingi, heldur líka hvort það
sé hugsanlega siðblind ófreskja. Þetta er löng bók
og framvindan hæg, sérstaklega ef menn hafa ekki smekk fyrir
löngum ræðum, en það er skemmtilegur snúningur í lokin. Vér Ís-
lendingar getum svo velt því fyrir okkur að loknum lestrinum hvers
vegna Bandaríkjamönnum finnst það hið besta mál að börn séu
dregin fyrir dóm sem fullorðnir.
John Grisham - The Litigators bbmnn
Hér að ofan er getið um lögfræðihasarbók en
konungur slíkra bókmennta er John Grisham.
Með tímanum hefur hann orðið mildari, minna
um hrottaskap og hörku, en þess meira um gam-
ansemi og einnig þjóðfélagsgagnrýni. Svo er með
þessa bók, sem er 25. skáldsaga hans, sem 21 af
þeim má flokka sem lögfræðingahasar. The Li-
tigators segir frá ungum lögfræðingi sem gefst
upp á lífinu á risvaxinni lögmannsstofu. Örlögin
haga því svo að hann kemst í kynni við lögmenn
sem hafa í sig og á, naumlega þó, með því að eltast við sjúkrabíla en
sjá framundan skaðabótamál vegna blýeitrunar barns sem nagaði
gallað leikfang sem muni tryggja fjárhagslega afkomu stofunnar. Það
er ekki ýkja mikill hasar í bókinni, en kemur ekki að sök, hún er
þægileg aflestrar og mátulega spennandi.
Michael Morpurgo – War Horse bbbbm
Michael Morpurgo er gjarn á að glíma við efni
sem aðrir barnabókahöfundar láta eiga sig eins
og sést á þessari bók sem segir frá hörmungum
fyrri heimsstyrjaldarinnar, tilgangsleysinu og
grimmdinni sem einkenndi þá miklu slátrun þar
sem átta milljónir ungra evrópskra karlmanna
létu lífið í átökunum sjálfum og tugmilljónir
vegna hungursneyða og sjúkdóma sem fylgdu í
kjölfarið. Þetta er ekki ný bók, kom út 1982, en
varð henni lyftistöng að sett var upp vinsælt
leikrit eftir henni og síðan gerð kvikmynd. Morpurgo segir söguna
með því að fylgja eftir enskum hesti sem munstraður er í stríðið og
þarf að þola ýmislegt harðræði og sjúkdóma, ekki síður en menn-
irnir. Með því nær hann að segja hryllingssögu stríðsins og allra
stríða á einkar áhrifamikinn hátt.
Árni Matthíasson arnim@mbl.is
Erlendar bækur
Eymundsson
1. Catching Fire - Suzanne Coll-
ins
2. The Hunger Games - Suz-
anne Collins
3. Inheritance - Christopher Pa-
olini
4. Mockingjay - Suzanne Collins
5. Against All Enemies - Tom
Clancy
6. Private London - James Pat-
terson
7. Daughters in Law - Joanna
Trollope
8. Walk in the park - Jill Mansell
9. 10th Anniversary - James
Patterson
10. Clash of Kings - George R.R.
Martin
New York Times
1. Kill Shot - Vince Flynn
2. Catch Me - Lisa Gardner
3. Defending Jacob - William
Landay
4. The Help - Kathryn Stockett
5. Extremely Loud and Incre-
dibly Close - Jonathan Safran
Foer
6. Private: #1 Suspect - James
Patterson & Maxine Paetro
7. The Sweetest Thing - Barbara
Freethy
8. The Girl Who Played With Fire
- Stieg Larsson
9. The Girl With the Dragon
Tattoo - Stieg Larsson
10. The Girl Who Kicked the Hor-
net’s Nest - Stieg Larsson
Waterstone’s
1. Inheritance - Christopher Pa-
olini
2. Steve Jobs - Walter Isaacson
3. Cabin Fever - Jeff Kinney
4. Before I Go to Sleep - S. J.
Watson
5. The House of Silk - Anthony
Horowitz
6. Daughters-in-law - Joanna
Trollope
7. Death Comes to Pemberley -
P.D. James
8. Jamie’s Great Britain - Jamie
Oliver
9. Frozen Planet - Alastair Fot-
hergill & Vanessa Berlowitz
10. Gangsta Granny - David Walli-
ams
Bóksölulisti
Lesbókbækur
Í huga heimsbyggðarinnar er Nelson Mandelavammlaus frelsishetja. Annarri mynd ogmannlegri er brugðið upp af honum í bókinniYoung Mandela eftir David James Smith, sem
er blaðamaður á Sunday Times Magazine. Eins og
titill bókarinnar ber með sér er þar fjallað um hinn
unga Mandela fram að fangelsisvist hans árið 1964
og megináherslan er á einkalíf hans.
Strax sem ungur maður hafði Mandela áber-
andi mikla persónutöfra og gott sjálfstraust, auk
þess sem hann var umhyggjusamur í garð annarra.
Hann starfaði sem lögfræðingur um tíma en var
ekki tekjuhár því hann vildi ekki þiggja greiðslu frá
fátækum skjólstæðingum.
Mandela kvæntist fyrstu eiginkonu sinni Eve-
lyn árið 1944. Hann var 26 ára og hún var 23 ára.
„Hann er eini maðurinn sem ég hef elskað. Hann
var dásamlegur eiginmaður og dásamlegur faðir,“
var haft eftir Evelyn. Hún eignaðist þrjú börn með
Mandela, tvo syni og tvær dætur en önnur þeirra
lést níu mánaða gömul. Mandela var afar kven-
samur og Evelyn fór að gruna hann um framhjá-
hald og það réttilega. Hann átti fleiri en eina ást-
konu í þau fjórtán ára sem þau voru gift og
sennilega eitt barn og hugsanlega fleiri utan hjóna-
bands. Sagt er frá nokkrum ástkvenna hans í bók-
inni.
Þegar sem mest gekk á í hjónabandinu sakaði
Evelyn Mandela um ofbeldi, sagði hann hafa tekið
sig hálstaki, hrist sig, æpt á sig og lamið sig með
hnefa í augað. Hann neitaði þeim ásökunum.
Hjónin skildu árið 1958 og sama ár kvæntist Man-
dela annarri eiginkonu sinni, Winnie, sem var
mörgum árum yngri en hann. Þótt Evelyn segði
Mandela vera eina manninn sem hún elskaði sagði
hún einnig á seinni árum: „Hvernig getur maður
sem drýgir hór og yfirgefur konu sína og börn ver-
ið dýrlingur? Heimurinn dýrkar Nelson of mikið.
Hann er bara maður.“
Það er nokkur biturð ríkjandi í garð Mandela
frá dóttur hans og barnabörnum af fyrra hjóna-
bandi. Eitt barnabarn hans segir: „Mér finnst að
menn eins og hann sem fórna hagsmunum fjöl-
skyldu sinnar vegna baráttu fyrir bættum kjörum
annarra eigi ekki að eiga fjölskyldu því fjölskyldan
greiðir hátt gjald eins og við höfum gert í minni
fjölskyldu.“
Börn Mandela af fyrsta hjónabandi liðu fyrir
fjarveru föður síns. Dóttir hans, Makaziwe, er full
beiskju í garð föður síns og synirnir tveir eru látnir.
Thembi lést í bílslysi árið 1969, 23 ára. Hinn son-
urinn Makgatho, lést úr eyðni árið 2005. Þegar
hann lá á dánarbeði kom Mandela til hans. Vinur
Mandela var inni í sjúkrastofunni og tók í hönd
Mandela og lagði á hönd sonar hans svo þeir snert-
ust. Mandela dró höndina að sér. Þeir sem þekkja
Mandela segja að hann eigi í miklum erfiðleikum
með að sýna sínum nánustu ástúð með snertingu,
þótt hann snerti ókunnuga iðulega. Eitt barna-
barna hans segir að hann líti á það sem veikleika að
sýna tilfinningar sínar.
Stóra ástin í lífi hans var Winnie, eiginkona
númer tvö en með henni á hann tvær dætur Zindzi
og Zenani. Þótt Mandela og Winnie hafi verið gift í
rúma þrjá áratugi áður en þau skildu var tími
þeirra saman ekki langur. Hann var fjarverandi
langtímum saman vegna baráttu sinnar, fór í felur
og síðan tók við áratuga fangelsisvist. „Þjóðin var í
fyrsta sæti. Allt annað var í öðru sæti. En á þeim
skamma tíma sem við áttum saman var hann mjög
ástúðlegur,“ sagði Winnie.
Bókinni lýkur árið 1964 í réttarhöldum þar
sem Mandela var dæmdur í fangelsisvist sem stóð
alls í 27 ár.
Mandela með syninum Thembi sem hann átti í fyrsta hjónabandi. Thembi lést í bílslysi, 23 ára.
Gölluð hetja
Í nýlegri bók er sagt frá einkalífi hins kvensama Nelsons
Mandela og örlögum barna hans af fyrsta hjónabandi.
Kolbrún Bergþórsdóttir kolbrun@mbl.is