Morgunblaðið - 12.03.2012, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 12. MARS 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sævar Már Gústavsson
saevar@mbl.is
Nýir aðilar hafa tekið við rekstri veitingastaðarins á
Hótel Borg og ætla þeir að breyta staðnum með það í
huga að færa hann eins nálægt því horfi sem hann var í
þegar hann var opnaður fyrst árið 1930. Garðar Kjart-
ansson er nýr eigandi staðarins og ásamt honum munu
Guðlaug Halldórsdóttir og Ragnheiður Guðfinna Guðna-
dóttir koma að rekstri staðarins. Guðlaug mun sjá um
alla innanhúshönnun og Ragnheiður mun sjá um mark-
aðssetningu. Veitingastaðurinn verður lokaður á meðan
breytingar standa yfir en nýju eigendurnir vonast til
þess að geta opnað staðinn aftur um næstu mánaðamót.
Sagan á að njóta sín
„Við munum breyta öllu og reyna gera staðinn eins og
hann var upprunalega. Meðal annars fundum við gamlan
silfurborðbúnað niðri í kjallara sem við munum notast
við. Saga hússins þarf að fá að njóta sín,“ segir Guðlaug
um þær breytingar sem ráðist verður í á staðnum. Þau
ætla einnig að reyna að koma ljósakrónunum sem voru
eitt sinn notaðar aftur í gagnið.
„Hugmyndin er að hafa veitingastað sem er opinn all-
an daginn og fram til tvö að nóttu til. Þetta á samt ekki
að vera einhver ballstaður. Fólk á að geta komið hingað,
borðað í rólegheitum, notið notalegrar kvöldstundar og
hlustað á þægilega tónlist,“ segir Garðar. Hann segir
einnig að unnið sé að glænýjum matseðli sem á að sögn
Garðars að höfða til allra.
Einnig er unnið að því að koma Gyllta salnum í upp-
runalegt horf með því að svipta hulunni af gömlum mál-
verkum sem leynast undir klæðningunni á veggjunum í
salnum að sögn Garðars en málverkin eru máluð beint á
veggina.
Fólk leitar til grunngildanna
Garðar segir að nú sé tækifærið til þess að draga fram
það gamla og góða og þá sögu sem því fylgir. „Aðal-
myndin á Óskarsverðlaunahátíðinni í ár hefði ekki átt
möguleika á þessum árangri árið 2007. Fólk er nú farið
að leita meira til grunngildanna og vill finna fyrir stöð-
ugleika og festu í samfélaginu. Okkar markmið er að
mæta þeirri þörf með þessum breytingum á staðnum,“
segir Garðar. Einnig segir Guðlaug að Íslendingar hafi
alltaf verið fljótir að henda út öllu sem kallast gamalt og
ekkert hugsað um gildi og sögu þess en það sé að breyt-
ast núna. „Það er ekki spurning að þetta er merkilegasta
veitingahús landsins. Því hefur aldrei verið lokað og hef-
ur alltaf skartað frægum veitingamönnum. Þetta hús er
bara allt fullt af sögu,“ segir Garðar.
Morgunblaðið/Árni Sæberg
Málverk Hér stendur Guðlaug Halldórsdóttir við eitt þeirra málverka sem leyndust undir veggklæðningunni í
Gyllta salnum á Hótel Borg. Veggklæðningin verður rifin til þess að málverkin sjáist og fái að njóta sín.
Veitingastaðurinn
leitar að upprunanum
 Sagan á að fá að njóta sín á Hótel Borg  Fullt af sögu
Morgunblaðið/Árni Sæberg
Silfur Garðar Kjartansson og Guðlaug Halldórsdóttir
með silfurborðbúnaðinn sem fannst.
Matís hefur hug á því að ráða fjóra
starfsmenn til að aðstoða fyrirtæki
við að auka verðmæti sjávarafla og
laxaafurða á Snæfellsnesi og sunn-
anverðum Vestfjörðum. Byrjað
verður með tímabundin verkefni í
sumar en að því stefnt, ef góður ár-
angur næst, að koma þarna upp var-
anlegum starfsstöðvum.
Atvinnufyrirtæki og sveitarfélög
á þessum svæðum áttu frumkvæðið
að því að Matís ákvað að hefja starf-
semi við Breiðafjörð og munu standa
að þessari starfsemi með fyrirtæk-
inu. „Við teljum mikilvægt að fá að
njóta þeirrar rannsóknar- og vís-
indastarfsemi sem fram fer á vegum
Matís. Ég er mjög ánægður með að
það skuli hafa tekist,“ segir Sturla
Böðvarsson, framkvæmdastjóri Þró-
unarfélags Snæfellinga, sem unnið
hefur að undirbúningi verkefnisins.
Haraldur Hallgrímsson, fagstjóri
viðskiptaþróunar hjá Matís, segir að
starfsemin muni mótast á næstu vik-
um og mánuðum. Það muni til dæm-
is ráða miklu hvernig starfsmenn fá-
ist til verkefnisins.
Stefnt er að því að tveir menn
komi til starfa á norðanverðu Snæ-
fellsnesi. Þar er horft til nýtingar á
sjávarfangi sem ekki nýtist eða er
illa nýtt í dag. Á sunnanverðum
Vestfjörðum er aðallega litið til auk-
ins fiskeldis og möguleika sem það
skapar. Þar er einnig áformað að
ráða tvo starfsmenn. Tekur Harald-
ur fram að önnur verkefni komi til
álita og geti farið eftir áhugasviði og
sérþekkingu væntanlegra starfs-
manna. Þá er hugsað til þess að nýta
þá þekkingu sem þegar er fyrir
hendi innan veggja Matís.
„Við horfum á þetta sem tíma-
bundið verkefni sem ræðst af því
hvernig til tekst. Árangurinn verður
metinn út frá því hvernig tekst til
með að auka verðmætin,“ segir Har-
aldur. helgi@mbl.is
Fjórir nýir starfs-
menn til að auka
verðmæti afurða
 Matís setur upp verkefni á Snæfells-
nesi og sunnanverðum Vestfjörðum
Morgunblaðið/Helgi Bjarnason
Sjávarkistan Reynt verður að auka
verðmæti afurða sjávar.
„Eftir 50 ár gæti helmingur húsa á
eyrinni verið í verulegri hættu,“ seg-
ir Þorsteinn Jóhannesson, verkfræð-
ingur á Verkfræðistofu Siglufjarðar,
sem rannsakað hefur áhrif hækkandi
sjávarborðs á eyrina á Siglufirði.
Í skýrslu Þorsteins um áhrif
hækkunar sjávarborðs á Siglufirði
og Ólafsfirði er komist að þeirri nið-
urstöðu að vegna hækkandi sjávar-
yfirborðs þurfi að að hækka grunn
húsa á eyrinni á Siglufirði á næstu
árum. Verði það ekki gert geti hækk-
un sjávar leitt til tíðra flóða í hús á
svæðinu og haft í för með sér miklar
skemmdir og til langs tíma valdið því
að hús verða ónýt.
Í skýrslunni kemur fram að vandi
Siglufjarðar í þessum efnum skapast
vegna þriggja þátta; bráðnunar
jökla, sigs á landgrunni Íslands og
sérstakra aðstæðna á eyrinni á
Siglufirði. Jarðvegur eyrarinnar er
lífrænt silt sem sígur undan auknu
álagi, en fram kemur að Siglufjörður
sígur um 3,5 mm á ári.
Í skýrslunni eru lagðar til tvær
leiðir til að verjast ágangi sjávar.
Önnur er að reisa varnargarð sunn-
an til á eyrinni. Í annan stað er lagt
til að allar nýjar byggingarlóðir á
eyrinni verði hækkaðar. Í skýrslunni
segir orðrétt: ,,Ef ekkert verður að
gert fara núverandi byggingar og
götur smám saman á kaf, og þyrfti
að hækka hús á grunni og hækka lóð-
ir og götur.“
Viðlagatrygging Íslands miðar við
að atburðir, s.s. sjávarflóð, teljist
ekki náttúruhamfarir ef endurkomu-
tími þeirra er styttri en 25-30 ár og
er tjónið þá ekki bætt. Þegar end-
urkomutími á tjóni styttist verður
ekki fjárhagslega ráðlegt að gera við
skemmdir, og húsið telst þá ónýtt.
Í hættu vegna hækkunar
 Nauðsynlegt að grípa til aðgerða til að sporna við flóðum á eyrinni á Siglufirði
 Varnargarður og hækkun byggingarlóða  Lífrænt silt sem lætur undan síga
Morgunblaðið/Einar Falur
Kostnaður við að hækka hús á
grunni er mismikill. Hækkun
timburhúsa er möguleg og hef-
ur verið framkvæmd í nokkrum
tilvikum í bænum, en hækkun
steinsteyptra húsa er varla
raunhæfur kostur með tilliti til
kostnaðar.
Í þessu samhengi er nefnt að
fyrir 100 ára viðmiðunartíma
þarf að hækka lóðir um 1-1,7
metra. Kostnaðurinn við slíka
hækkun fyrir 600 fermetra lóð
er 1,5-2,6 milljónir króna.
Dýrt að
hækka hús
KOSTNAÐUR VIÐ VARNIR
FELLUR Á HÚSEIGENDUR