Morgunblaðið - 17.03.2012, Side 4

4 FRÉTTIRInnlent
MORGUNBLAÐIÐ LAUGARDAGUR 17. MARS 2012
Íbúar höfuðborgarsvæðisins þurfa ekki að leita
langt til að komast í snertingu við náttúruna,
einn þeirra fékk sér göngutúr á Seltjarnarnes-
inu fyrr í vikunni. Þá var orðið nokkuð vorlegt
um að litast en hætt er við að snjórinn sé ekki
endanlega búinn að kveðja suðvesturhornið.
Vorið nálgast hröðum skrefum og hrekur snjóinn á brott
Morgunblaðið/Ómar
Hressandi göngutúr á Nesinu
Hólmfríður Gísladóttir
holmfridur@mbl.is
Guðbjartur Hannesson velferðar-
ráðherra segir unnið að því hörðum
höndum að skapa atvinnumöguleika
fyrir þá sem lengi hafa verið á at-
vinnuleysisskrá og eiga á hættu að
missa bótarétt sinn á næstu miss-
erum. Ráðast þurfi í fjárfestingar
til þess að efla íslenskt atvinnulíf en
framkvæmdamagn verði aldrei líkt
og það var fyrir hrun.
„Að sjálfsögðu þurfum við að
auka fjárfestingu en hún þarf að
vera jöfn og má alls ekki verða eins
og hún var fyrir hrun,“ segir Guð-
bjartur. „Við vitum að við fram-
kvæmdum hér sennilega tvöfalt upp
í fjórfalt það sem við hefðum þurft
á þessum tíma, skuldsettum okkur
gríðarlega, fluttum inn 18 þúsund
manns og erum enn að jafna okkur
eftir þetta.Við byggjum ekki aðra
Kárahnjúkavirkjun. Við vorum að
byggja á lántökum á þessum tíma,
sem við getum ekki endurtekið við
þessar aðstæður í dag,“ segir hann.
Guðbjartur segir lausnina hóflega
fjárfestingu og nefnir nýjan Land-
spítala, byggingu hjúkrunarheimila
og nýtt fangelsi sem dæmi um
framkvæmdir sem ráðist hafi verið
í eða eru á döfinni.
Eiga eftir að skila sér
Hann segir ýmislegt hafa tekið
lengri tíma en vonir stóðu til, t.d.
hafi endurskipulagning fyrirtækja
gengið hægt; að hreinsa af þeim
skuldir og koma þeim í sjálfstæðan
rekstur. Þá hafi ákveðnar hindranir
þvælst fyrir, s.s. gengið, verðbólgan
og annað sem hafi flæki alla áætl-
anagerð.
Guðbjartur segir að vinnumark-
aðstölur sem Hagstofan gaf út á
miðvikudag, sem virðast benda til
þess að þrátt fyrir að atvinnulaus-
um hafi fækkað hafi starfandi fólki
ekki fjölgað, megi að einhverju leyti
rekja til vinnumarkaðsaðgerða sem
miðuðu að því að koma fólki í nám.
„Við erum búin að vera með
ákveðin atvinnuúrræði í gangi og
erum núna að reyna að skapa þús-
und störf í samstarfi við borgina og
atvinnulífið. Og þær aðgerðir eiga
eftir að skila sér inn í tölurnar,“
segir hann einnig.
Vinnumálastofnun og sveitafélög-
in vinni nú að því að finna þeim 500
einstaklingum sem munu missa
bótaréttinn á árinu störf og þá hafi
sjónum einnig verið sérstaklega
beint að ungu fólki.
Guðbjartur segir vert að muna
að þrátt fyrir allt sé atvinnuleysi á
Íslandi mun minna en víða annars
staðar. Það breyti því þó ekki að
Íslendingar ætli að sjálfsögðu
ekki að sætta sig við at-
vinnuleysi.
Vill hóflega fjárfestingu
 Auka þarf fjárfestingar en fara skynsamlega í þær, segir velferðarráðherra
 Erum enn að jafna okkur eftir óhófið fyrir hrun  Unnið að atvinnuúrræðum
Helgi Bjarnason
helgi@mbl.is
Hugsanlegt er að hægt verði að auka
notkun Landeyjahafnar við ferju-
siglingar til Vestmannaeyja með því
að hafa Breiðafjarðarferjuna Baldur
í siglingum þegar höfnin er ófær fyr-
ir Herjólf.
Þrjú skipafélög, að minnsta kosti,
hafa kynnt hugmyndir sínar og
kannað aðstöðu í Vestmannaeyjum
vegna útboðs á rekstri Herjólfs. Auk
stóru skipafélaganna, Eimskips og
Samskips, hafa Sæferðir verið að at-
huga möguleika á tilboði.
Pétur Ágústsson framkvæmda-
stjóri bendir á að útboðið snúist um
að gera Herjólf út. Hann segir hugs-
anlegt að gera frávikstilboð þar sem
boðið er upp á varaskip. Þá myndi
Baldur sigla til Landeyjahafnar þeg-
ar ófært væri fyrir Herjólf. Ágæt
reynsla fékkst af notkun Baldurs á
þessari leið í haust en Pétur segir að
hvorugt skipið komist inn í höfnina í
slæmum veðrum. Með því að hafa
Baldur til taks mætti lengja þann
tíma sem Landeyjahöfn er notuð og
fækka ferðum til Þorlákshafnar.
Dýrt er að sigla til Þorlákshafnar,
ekki síst vegna mikilla hækkana á
eldsneytisverði.
Herjólfur á að geta sinnt sigling-
unum á sumrin og þá getur Baldur
verið í sínum hefðbundnu siglingum
á Breiðafirði. Pétur segir að ef svo
færi að skipið yrði notað í siglingum
til Vestmannaeyja yrði annað skip
fengið á Breiðafjörðinn.
Fleiri ferðir til Landeyja
með Baldur sem varaskip
 Þrjú félög undirbúa tilboð í rekstur Herjólfs
Ferja Baldur á Breiðafirði.
Flokksráð Sjálf-
stæðisflokksins
kemur saman á
fundi í Turninum
í Kópavogi
klukkan 8:30 í
dag. Um er að
ræða tímamóta-
fund en á honum
munu fara fram
tvennar kosn-
ingar í tengslum
við nýsamþykktar skipulagsreglur
flokksins, en þær tóku gildi á lands-
fundi flokksins síðasta haust.
„Í fyrsta lagi er verið að kjósa í
fyrsta sinn í embætti 2. varafor-
manns flokksins, sem varð til með
þessum nýju skipulagsreglum, og í
annan stað er einnig verið að kjósa
í allar málefnanefndir flokksins,“
segir Jónmundur Guðmarsson,
framkvæmdastjóri Sjálfstæðis-
flokksins, og bætir við að mál-
efnanefndirnar muni samkvæmt
nýju reglunum endurspegla fasta-
nefndir Alþingis. Að sögn Jón-
mundar hafa fjórir einstaklingar,
þau Kristján Þór Júlíusson, Jens
Garðar Helgason, Aldís Hafsteins-
dóttir og Geir Jón Þórisson, sér-
staklega gefið kost á sér í embætti
2. varaformanns, en tæknilega séð
eru þó allir fundarmenn í kjöri til
embættisins. „Þegar ég vék af
skrifstofunni áðan þá höfðu rétt um
300 manns skráð sig til þátttöku á
fundinum, þannig að það er býsna
góð mæting,“ sagði Jónmundur í
gær, aðspurður hvort hann ætti von
á góðri mætingu. skulih@mbl.is
Tvennar kosningar á
fundi flokksráðs
Sjálfstæðisflokks
Jónmundur Guð-
marsson.
Nýjustu tölur frá Vinnu-
málastofnun benda til þess að
þeim sem klára 48 mánaða
bótarétt sinn á árinu hafi fækk-
að um 160 einstaklinga frá ára-
mótum, úr 660 í 500.
Af þeim sem fóru af atvinnu-
leysisskrá í janúar eða febrúar
fengu flestir vinnu en næst-
stærsti hópurinn hvarf til náms.
Þá fluttu fáeinir til útlanda en
allnokkrir hættu að skrá sig án
skýringa.
Unnið er að því að
finna þeim 500 sem
enn eru atvinnulausir
störf hjá sveitarfélög-
unum og verða þeir
boðaðir í viðtöl á næst-
unni.
Fjórðungur
farinn af skrá
BÓTARÉTTURINN
Guðbjartur
Hannesson
Nýr reyktur
úrvals
rauðmagi