Morgunblaðið - 24.04.2012, Síða 2

Ingvar P. Guðbjörnsson
ipg@mbl.is
Sex útigangskindur fundust á Bisk-
upstungnaafrétti um helgina. Það
var ferðahópur sem rakst á kind-
urnar og fékk aðstoð úr byggð við að
smala þeim og koma til byggða.
„Nei, það var ekki verið að leita að
þeim. Það var frændfólk mitt í
skemmtiferð á fjórhjóli á framafrétt-
inum sem fann þær,“ sagði Magnús
Kristinsson, bóndi í Austurhlíð í
Biskupstungum.
„Þær fundust austan við Grjótá,
nálægt Bláfelli. Ég átti þarna þrjár
en þetta voru sex kindur. Það var
stök ær frá mér, sex vetra gömul,
sem ég vissi að mig vantaði og var
búið að leita töluvert að í haust,“
sagði Magnús. Lömbin frá henni
náðust í eftirsafni, en ærin tapaðist.
„Svo var tvævetla með hrútlambi,
sem mig vantaði bara en hún hafði
ekki sést.“
Magnús segir að báðar þessar ær
séu lembdar, en að þær beri ekki
fyrr en í maí.
Hinar þrjár kindurnar voru full-
orðin ær með tveimur veturgömlum
dætrum sínum.
„Þær höfðu komist af við
Fremstaver og fyrir
austan Bláfell. Þar er
svo snjólétt. Hvítá
rennur fyrir austan Blá-
fell og það er ekki alveg
nýtt að það komist af fé þar. Það
blæs af þarna á köflum. Auðvitað eru
þær búnar að missa mikið af hold-
um, en þær eru vel frískar,“ sagði
Magnús. Byrjað var að rakna um
horn á lömbunum og ullin farin að
losna sem eru merki um bata.
„Það er alveg makalaust hvað
þetta er seigt að bjarga sér,“ sagði
Magnús. Hann segir ekki algengt að
það komi útigangsfé á Bisk-
upstungnaafrétti, en segir það al-
gengara á afréttunum austan við.
„Þau ráku þær suður í Fremsta-
ver, þar er skáli, hesthús og gerði.
Ég er ansi hræddur um að þær hafi
haldið sig þar við á nóttinni,“ sagði
Magnús. Hann telur ærnar hafa ver-
ið í byrjun vetrar í Lambafelli fyrir
austan Bláfell, en þar á svæðinu er
leitótt og skýrir hvers vegna féð
fannst ekki í haust. Þá segir Magnús
að jörð á svæðinu sé víða orðin auð,
meðal annars mýri ekki svo langt frá
Fremstaveri þar sem kindurnar hafi
haft að bíta. Einnig séu á svæðinu
gamlar heyrúllur sem hafa verið
notaðar til uppgræðslu og ekki úti-
lokað að kindurnar hafi getað lifað
eitthvað á því.
Ljósmynd/Ágústa Þórisdóttir
Útigangsfé Hópurinn sem náði fénu um helgina samankominn við skálann í Fremstaveri. Útigangsféð sást við
Grjótá en var rekið að skálanum, handsamað þar og sett á kerru sem fjallkóngur Tungnamanna kom með.
Fundu útigangsfé á
Biskupstungnaafrétti
 Ferðahópur fann sex kindur á laugardaginn á fjöllum
Kjartan Kjartansson
kjartan@mbl.is
Þröstur Þórhallsson og Bragi Þor-
finnsson þurfa að tefla einvígi um
Íslandsmeistaratitilinn í skák. Þeir
enduðu efstir og jafnir með sjö og
hálfan vinning hvor á Íslands-
mótinu sem lauk í gær.
Hvorugur þeirra hefur hampað
Íslandsmeistaratitlinum áður en
þeir voru efstir og jafnir með sjö
vinninga fyrir síðustu umferð móts-
ins sem fór fram í gær. Þar gerðu
þeir báðir jafntefli, Bragi við Hen-
rik Danielsen en Þröstur við Guð-
mund Kjartansson. Þetta þýðir að
þeir þurfa að tefla fjórar skákir til
viðbótar í sérstöku einvígi. Það fer
að öllum líkindum fram upp úr
miðjum maí.
Gott fyrir skákina
Þetta verður í fyrsta skipti í 13 ár
sem tefla þarf einvígi um Íslands-
meistaratitilinn. Síðast gerðist það
árið 1999 en þá bar Hannes Hlífar
sigurorð af Helga Áss Grétarssyni.
„Þetta leggst bara mjög vel í mig.
Þetta verður skemmtilegt og
spennandi einvígi. Það gerist ekki
oft að það sé teflt svona einvígi upp
á titilinn. Það verður gaman að
taka þátt í því,“ segir Bragi.
Bæði Þröstur og Bragi eru að
tefla á öðrum mótum á næstunni og
því fer einvígið ekki fram fyrr en
eftir nokkrar vikur. Þröstur segir
gott að fá hlé fyrir einvígið því mik-
il orka sé búin að fara í skákina síð-
ustu ellefu daga sem Íslandsmótið
hefur staðið yfir. Honum líst engu
að síður vel á einvígið. „Ég held að
þetta sé mjög fínt fyrir skákina að
fá svona dramatík. Ekki síst með
einvígið í maí,“ segir hann.
Nýtt skákeinvígi í
uppsiglingu á milli
Braga og Þrastar
 Urðu jafnir á Íslandsmótinu í skák
 Þurfa að tefla einvígi um titilinn
Morgunblaðið/Ómar
Efstir Bragi (t.v.) og Þröstur (t.h.)
með verðlaunagripinn á mótinu.
Karlmaður á þrítugsaldri lést þeg-
ar bíll sem hann var farþegi í valt
austan við Kúðafljót til móts við
afleggjarann að Skaftártungum,
nærri Kirkjubæjarklaustri, rétt
fyrir kl. 11 í gærmorgun. Þyrla
Landhelgisgæslunnar, TF-GNÁ,
var kölluð út vegna slyssins.
Maðurinn var erlendur ferða-
maður en samferðafólk hans, karl
og kona, sem einnig eru á þrítugs-
aldri, slösuðust lítillega í slysinu.
Þau voru flutt á Landspítalann í
Fossvogi til aðhlynningar þar sem
þau fengu áfallahjálp.
Samkvæmt
upplýsingum
lögreglunnar
á Hvolsvelli
var fólkið
ekki tengt
fjöl-
skyldubönd-
um heldur
vinafólk.
Maðurinn
sem lést var
ekki í bílbelti.
Þetta er þriðja banaslysið í um-
ferðinni það sem af er þessu ári.
Erlendur ferðamaður
lést í umferðarslysi
 Tvennt að auki flutt á sjúkrahús
Útkall TF-GNÁ fór á
vettvang.
Sigurvegarar Söngkeppni fram-
haldsskólanna þurfa að koma sér
saman um skiptingu sigurlaunanna.
Um 40 manns eru í Karlakór Sjó-
mannaskólans úr Tækniskólanum
sem söng til sigurs í söngkeppninni
að þessu sinni.
Saga Film annaðist framkvæmd
úrslitakeppninnar fyrir Samband ís-
lenskra framhaldsskólanema. Hjá
Saga Film fengust þær upplýsingar
að verðlaun fyrir 1. sæti hefðu verið
210.000 kr. inneign hjá Iceland Ex-
press og einn Nokia Lumia-farsími.
Allir kórfélagarnir fá mánaðar-
áskrift hjá tonlist.is og síðast en ekki
síst mun Sena hljóðrita og gefa út
lag með kórnum.
Verkmenntaskólinn á Akureyri
varð í 2. sæti og fékk í verðlaun
70.000 kr. inneign hjá Iceland Ex-
press, einn Nokia Lumia-farsíma og
sex mánaða áskrift hjá tonlist.is.
Framhaldsskólinn á Húsavík
hlaut 3. sæti og fékk 70.000 kr. inn-
eign hjá Iceland Express, Nokia
Lumia-farsíma og þriggja mánaða
inneign hjá tonlist.is. gudni@mbl.is
Margir um sigurlaunin
 Ákveðin verðlaun fylgdu hverju þriggja efstu sætanna í
Söngkeppni framhaldsskóla án tillits til fjölda flytjenda
Ljósmynd/Jónatan Grétarsson
Sigurvegarar Karlakór Sjómanna-
skólans söng til sigurs.
„Við vorum nú bara í skemmtiferð, fjölskyldan,“ sagði Þórey Jónasdóttir,
Haukadal í Biskupstungum, en hún ásamt fjölskyldu sinni fann fjárhóp-
inn á Biskupstungnaafrétti á laugardaginn.
„Við höfðum það af að koma þeim niður í Fremstaver,“ sagði Þórey en
þau voru í akstri þegar kindurnar sáust við Grjótá.
„Við vorum með fjórhjól með okkur líka sem sonur minn var á og
það hjálpaði. En þær voru nú rólegar greyin og þetta voru allt vanir
smalar. Það munar því,“ sagði Þórey.
„Við rákum þær frá Grjótá og niður í Fremstaver. Þetta tók
svona hálftíma.“ Áður hafði Þórey hringt til byggða í bróður
sinn, Loft Jónasson, bónda á Myrkholti í Biskupstungum.
„Hann er fjallkóngur hjá okkur og kom með tvö í viðbót til að
hjálpa okkur. Þetta var alveg frábært,“ sagði Þórey.
Fjórhjólið hjálpaði við smölun
FJÖLSKYLDUSKEMMTIFERÐIN ENDAÐI SEM SMALAFERÐ
2 FRÉTTIRInnlent
MORGUNBLAÐIÐ ÞRIÐJUDAGUR 24. APRÍL 2012
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími: 569 1105
kata@mbl.is
Morgunblaðið
gefur út glæsilegt
sérblað um
Heimili og hönnun
föstudaginn
11. maí
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 7. maí.
Í blaðinu verða kynntir
geysimargir möguleikar og
sniðugar lausnir fyrir heimilin.
Skoðuð verða húsgögn í stofu,
hjónaherbergi, barnaherbergi og
innréttingar bæði í eldhús og bað.
Heimili & hönnun
SÉ
RB
LA
Ð
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.