Morgunblaðið - 28.07.2012, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 28. JÚLÍ 2012
Kristján H. Johannessen
khj@mbl.is
„Þetta er búinn að vera mjög fall-
egur mánuður hér á höfuðborgar-
svæðinu og það sem af er hefur hit-
inn í Reykjavík verið 1,9 gráðum
fyrir ofan meðallag,“ segir Trausti
Jónsson veðurfræðingur um veðrið í
júlímánuði.
Svipaða sögu er að segja af Norð-
urlandi og segir Trausti að á Akur-
eyri hafi hiti t.a.m. verið 0,9 gráðum
fyrir ofan meðallag. „Ennþá hlýrra
var á Suðurlandi eða 2,3 gráðum
fyrir ofan meðallag í Vestmanna-
eyjum,“ segir Trausti og bætir við
að úrkoma sé einnig alls staðar und-
ir meðallagi.
174 sólskinsstundir í Rvk
Samkvæmt mælingum er úrkoma
á höfuðborgarsvæðinu það sem af er
mánuði um 70 prósent af meðallagi
og í Vestmannaeyjum innan við 50
prósent.
Landsmenn hafa vafalaust margir
hverjir notið þess að spóka sig á sól-
ríkum dögum í sumar og segir
Trausti sólskinsstundirnar í höfuð-
borginni mælast 174 það sem af er
júlí og mun það vera 13 klukku-
stundum umfram meðaltal.
Góð spá fyrir helgina
Trausti bendir jafnframt á að
undanfarin ár hafi júlímánuður tal-
ist vera nokkuð góður þegar litið er
til hita á landinu í heild. „Það var
nærri því jafnhlýtt í fyrra og ennþá
hlýrra en í hitteðfyrra,“ segir
Trausti og bætir við að ívið hlýrra
hafi verið fyrir norðan í fyrrasumar
en í ár.
Veðurstofa Íslands spáir ljómandi
fínu veðri um helgina en búist er við
rólegri vestlægri átt á landinu í dag
og víða léttskýjað. Undir kvöld tek-
ur svo að þykkna upp á landinu vest-
anverðu.
Á morgun er spáð hægri suðvest-
lægri átt og þykknar upp vestantil
með súld eða rigningu norðvestan-
lands síðdegis. Hiti verður 10-22
stig, hlýjast á Norðausturlandi.
Júlímánuður sólríkur
Morgunblaðið/Styrmir Kári
Sól og sumar Veðrið hreinlega lék við baðgesti í Nauthólsvík þegar ljós-
myndara Morgunblaðsins bar að garði.
 Hiti í Reykjavík og á Akureyri mælist yfir meðallagi í júlí-
mánuði í ár  Úrkoma í Eyjum innan við 50% af meðallagi
Fyrir veðuráhugamenn jafnt sem aðra getur verið einkar fróðlegt að líta
inn á veðurbloggsíðu Sigurðar Þórs Guðjónssonar veðuráhugamanns,
en hann ritaði þar nýverið færslu sem fjallar um sólríkustu júlí-
mánuðina.
Tiltekur Sigurður Þór fyrst júlímánuð árið 1939 en hann er sá sólrík-
asti sem mælst hefur í Reykjavík með alls 308 klukkustundir af sól-
skini. „Er þetta eini júlí á nokkurri veðurstöð sem rofið hefur 300
stunda sólskinsmúrinn,“ ritar Sigurður Þór. Meðaltalið í Reykjavík árin
1961-1990 er 171 klukkustund af sólskini.
Tíu árum áður, eða í júlímánuði 1929, mældust 239 sólskinsstundir á
Akureyri og mun það vera sólríkasti mánuður sem þar hefur mælst en
meðaltalið árin 1961-1990 er 158 klukkustundir.
Júlí 1939 sá sólríkasti í Reykjavík
VEÐURBLOGG SIGURÐAR ÞÓRS GUÐJÓNSSONAR
SKIPAGÖTU 7 - 600 AKUREYRI
SÍMI: 462 4646
LAUGAVEGI 24 - 101 REYKJAVÍK
SÍMI: 552 0800
Söluumboð fyrir Ray-Ban á Íslandi í 30 ár
Helgi Bjarnason
helgi@mbl.is
Vinnumarkaðsrannsókn Hagstofu Ís-
lands sýnir að 10.100 einstaklingar
voru að jafnaði án vinnu og í atvinnu-
leit að meðaltali í júnímánuði. At-
vinnuleysi hafði aukist frá sama mán-
uði í fyrra. Er þetta mun meira
atvinnuleysi en kemur fram í tölum
Vinnumálastofnunar um skráð at-
vinnuleysi en samkvæmt þeim fer at-
vinnuleysi hratt minnkandi.
Rannsókn Hagstofunnar sýnir að
atvinnuleysi var 5,2% í júní að með-
altali, og hafði aukist um 0,6% frá júní
2011.
Skráð atvinnuleysi var minna í júní
samkvæmt yfirliti sem Vinnumála-
stofnun birti fyrr í mánuðinum. Þar
voru 8.704 taldir atvinnulausir að
meðaltali sem er um 4,8%. Fækkaði
atvinnulausum um 1.122 að meðaltali
frá maí, eða um 0,8%. Ef miðað er við
júní á síðasta ári, eins og Hagstofan
gerir, þá sýna tölur Vinnumálastofn-
unar að atvinnuleysið hefur minnkað
úr 6,7 í 4,8% á einu ári.
Ólíkar niðurstöður grundvallast á
mismunandi aðferðum. Vinnumála-
stofnun miðar við þá sem skrá sig at-
vinnulausa í mánuðinum. Þannig er
fjöldi atvinnuleysisdaga umreiknaður
í meðalfjölda einstaklinga. Hagstofan
byggir hins vegar á könnun á úrtaki
úr þjóðskrá. Þar teljast þeir atvinnu-
lausir sem voru án vinnu í viðmiðun-
arviku könnunarinnar, í eina klukku-
stund eða lengur.
Hagstofan tekur fram að þrátt fyr-
ir að atvinnuleysi sé hærra nú en á
sama tíma í fyrra sýni leitni árstíða-
leiðréttingar að enn dragi nokkuð úr
atvinnuleysi. Til hins sama benda töl-
ur þegar atvinnuleysi á fyrsta árs-
fjórðungi er borið saman við sama
tímabil á síðasta ári.
Langtímaatvinnuleysi minnkar
Hagstofan skilgreinir þá sem hafa
verið atvinnulausir í tólf mánuði eða
lengur sem langtímaatvinnulausa.
Vinnumarkaðskönnunin sýnir að á
öðrum ársfjórðungi höfðu 2.800 verið
atvinnulausir svo lengi eða rúmlega
21% atvinnulausra. Er það talsvert
minna en á öðrum ársfjórðungi síð-
asta árs, þegar 3.900 töldust atvinnu-
lausir til langs tíma.
10 þúsund manns
eru án atvinnu
 Könnun Hagstofu Íslands sýnir
meira atvinnuleysi en skráning VMST
Vinnumarkaðskönnun
» Í júní voru að jafnaði
192.500 manns á vinnumark-
aði. Af þeim voru 182.400
starfandi og 10.100 án vinnu og
í atvinnuleit.
» Á öðrum ársfjórðungi fjölg-
aði starfandi landsmönnum um
2.200 að meðaltali og atvinnu-
lausum fækkaði um 2.500 frá
öðrum ársfjórðungi 2011.
Morgunblaðið/RAX
Árleg Big Kahuna-átkeppni veitinga-
hússins Priksins í Bankastræti fór
fram í hádeginu í gær. Að þessu sinni
tóku tíu manns þátt í keppninni sem
fólst því að innbyrða „Big Kahuna“-
máltíð í kappi við aðra ásamt „fimm
dollara“ mjólkurhristingi.
Á matseðli priksins segir að Big
Kahuna-borgari sé „þrefaldur mófó
turnborgari m/skinku, osti, beikoni,
pepperoni, sósu, káli, lauk & tómöt-
um“.
Keppnin var afar hörð, ekki síst í
lokin, og máttu menn hafa sig alla við
að ljúka máltíðinni. Að lokum fór svo
að Atli Freyr Friðbjörnsson stóð uppi
sem sigurvegari og eftir keppnina
sagðist hann saddur og sæll.
Atli Freyr sagði það hafa verið
smápuð að hafa þetta allt ofan í sig og
sagði undirbúninginn fyrir svona
keppni felast helst í því að borða vel
dagana fyrir keppnina og vera með
magann tilbúinn.
Keppnin hefur verið haldin sex eða
sjö sinnum í heild og eru bæði dæmi
þess að keppendur mæti og reyni að
verja titilinn frá fyrra ári og eins að
keppendur komi ár eftir ár í von um
að vinna, en verðlaunin eru ekki af
verri endanum eða tíu Big Kahuna-
máltíðir á Prikinu. ipg@mbl.is
Morgunblaðið/Árni Sæberg
Tekið á því Þeir voru kappsfullir þessir á Prikinu í hádeginu í gær.
Var saddur og
sæll eftir sigurinn