Morgunblaðið - 18.09.2012, Qupperneq 28

28 DÆGRADVÖL
MORGUNBLAÐIÐ ÞRIÐJUDAGUR 18. SEPTEMBER 2012
Stjörnuspá
21. mars - 19. apríl 
Hrútur Margt verður til þess að færa þér
heppni og ákjósanlegar kringumstæður í dag.
Ef einhver svarar: Þú vilt ekki vita það, skaltu
taka viðkomandi á orðinu.
20. apríl - 20. maí 
Naut Þú munt rekast óvænt á mann sem
kennir þér ýmislegt um virðingu. Láttu hlut-
ina ganga smurt heima fyrir, ekki rugga bátn-
um of harkalega.
21. maí - 20. júní 
Tvíburar Þetta er góður dagur til viðskipta
en þið ættuð þó að gæta þess að ofmeta ekki
hæfni ykkar. Þú veist að þú átt það til að
teygja lopann.
21. júní - 22. júlí 
Krabbi Utanaðkomandi atburðir stuðla að
spennu á heimilinu og í samskiptum þínum.
Þú þarft að auka fjölbreytnina í lífi þínu.
23. júlí - 22. ágúst 
Ljón Einhverra hluta vegna tekst þér ekki að
einbeita þér að því sem máli skiptir. Ekki vera
með stæla – stattu við orð þín og gjörðir.
23. ágúst - 22. sept. 
Meyja Varastu að láta aðra ráðskast með líf
þitt þótt þeir þykist vita betur. Veltu mál-
unum fyrir þér og þegar niðurstaða er fengin
berð þú hana fram til sigurs.
23. sept. - 22. okt. 
Vog Þú ættir að skella þér í leikfimi. Kannski
að dagurinn verði einn sá besti í mánuðinum.
Aðeins með þrautseigju muntu ná því tak-
marki sem þú hefur sett þér.
23. okt. - 21. nóv.
Sporðdreki Þú ert sérlega sannfærandi í dag
og átt því auðvelt með að selja bæði hluti og
hugmyndir. Athugaðu stöðuna og vittu hvort
núverandi fyrirkomulag hentar þér ekki enn
um sinn.
22. nóv. - 21. des.

Bogmaður Þú kemst ekkert áfram á frekj-
unni heldur spillir hún bara fyrir þér. Hrintu
þeim í burtu sem vilja gleypa þig, því annars
áttu á hættu að allt fari í hund og kött.
22. des. - 19. janúar 
Steingeit Þú verður fyrir smávegis upp-
ljómun varðandi sjálfa/n þig eða eitthvað í
umhverfinu. Taktu fljótt í taumana ef einhver
fer út af sporinu.
20. jan. - 18. febr. 
Vatnsberi Þú ert skýrari í hausnum þessa
dagana en oftast gerist, svo nýttu þér það.
Bættu úr misfellunum til þess að lífið geti
haldið áfram snurðulaust. Haltu áfram á
beinu brautinni.
19. feb. - 20. mars

Fiskar Þú ættir að breyta út af vananum á
einhvern hátt í dag. Finndu út hvar þú stend-
ur tilfinningalega, andlega og líkamlega áður
en þú tekur næsta skref.
Sveinn Snorrason sendir Vísna-horninu skemmtilegt og fróð-
legt bréf:
„Mér finnst mér bera skylda til
þess að andmæla þeim tilgátum,
sem fram hafa komið í Vísnahorni
þínu og víðar um höfund vísunnar
um þrána eftir og þungann af Lofti.
Vísa þessi varð til að gefnu tilefni
á stríðsárunum norður á Akureyri.
Höfundur vísunnar var snilling-
urinn Hjörtur Gíslason, sem þá var
starfsmaður KEA, eins og raunar
bæði andlögin eða dramatis per-
sonae vísunnar. Loftur sigldi nokkr-
ar ferðir með Hvassafelli til
Fleetwood á stríðsárunum. Hann
kenndi mér þá að meta Fritz Kreis-
ler og Richard Tauber og færði mér
78 snúninga plötur með þeim snill-
ingum.
Þau Loftur gengu í hjónaband
skömmu eftir að vísan var ort. Stóð
þeirra hjónaband með farsæld með-
an bæði lifðu, meira en hálfa öld.
(Innan sviga sakar ekki að geta
þess, að sjálfur vann ég á skrifstofu
KEA hálft annað ár 1939-40 og síð-
an í sláturhúsi KEA hvert haust sjö
næstu sláturtíðir, meðan ég var í
MA. Loftur og kona hans voru mér
þá sannir vinir. Hjörtur kom dag-
lega á kontórinn meðan ég var þar
sendiherra. Geislaði þá oft af þeim,
Gísla Konráðssyni, Indriða Pálma-
syni og Hirti, svo unun var við að
vera og njóta.
Anný Hjartardóttir tjáði mér í
dag, að hún muni það frá fyrstu tíð
sem barn, að því hafi verið haldið
fram að pabbi hennar væri höf-
undur vísunnar og aldrei heyrði hún
hann andmæla því, sem ekki er von.)
Vísan var því upphaflega hugsuð
svona:
Þurfti Loft og þráði Loft,
þunga af Lofti bar hún.
Uppi á lofti, uppí loft
undir Lofti var hún.
Seinni tíma útfærsla gat því
breytzt í almenna hugleiðingu með
því að sleppa karlinum Lofti og
stóru L-i.“
Pétur Blöndal
pebl@mbl.is
Vísnahorn
Enn af Lofti og lofti
Í klípu
„ÞARNA SÉRÐU, ÞETTA ER VÍST EINA
LEIÐIN TIL AÐ TRYGGINGASTOFNUN
BORGI FYRIR ÞETTA.“
eftir Mike Baldwin eftir Jim Unger
„TAKTU EINN PRJÓN ÚR Á
FJÖGURRA TÍMA FRESTI.“
Hermann
Ferdinand
Hrólfur hræðilegi
Grettir
...þegar hann spyr hvað
þú sért að gera það sem
eftir er ævi þinnar.
HLAKKARÐU
TIL MATAR-
TÍMANS?
HVERNIG
VEISTU?
ÞETTA GÆTI NÁTTÚR-
LEGA BARA VERIÐ
VONDUR DRAUMUR ...
... OG VIÐ VÖKNUM HVAÐ
ÚR HVERJU!
Víkverji heyrði um árið sögu afbónda einum sem kom aðvífandi
á bensínstöð og bað bensíntittinn að
fylla tankinn. Rétti hann síðan út
peningaseðla fyrir áfyllinguna en í
því kom vindhviða sem feykti seðl-
unum um allt plan. Bensíntitturinn
byrjaði að tína saman seðlana og
bóndinn fylgdist með og sagði síðan:
„Það borgar sig ekki að treysta
veðurspánni!“
x x x
Þessi saga rifjaðist upp hjá Vík-verja eftir að hann ákvað að
skrá sig á golfmót á dögunum. Veð-
urspáin var þokkaleg, tiltölulega
hægur vindur og „lítils háttar rign-
ing“ eins og stóð í spánni daginn áð-
ur. Framan af móti var veðrið í ætt
við þessa spá en síðan urðu þáttaskil
á himnum. Þeir grétu sem aldrei
fyrr og bættu í vindinn svo um mun-
aði fyrir golfsveifluna. Á örskots-
stundu blotnaði Víkverji í gegn og sá
vart úr vindbörðum augunum. En
með þrjóskuna að vopni var hring-
urinn kláraður, ólíkt því sem margir
aðrir kylfingar gerðu, sem gáfust
upp þegar á móti blés. Skorið fer
hins vegar á reikning Veðurstof-
unnar, sem vann sér ekki inn prik
þennan daginn með vitlausri veð-
urspá. Það var þó huggun harmi
gegn að Víkverji fékk ágætis auka-
verðlaun á mótinu og gat glatt betri
helminginn við heimkomu eftir vot-
an og vindasaman dag.
x x x
Blessuð börnin láta oft einlæg um-mæli falla, sem þau átta sig eðli-
lega ekki sjálf á hvað geta verið
drepfyndin. Tímaskynið getur einn-
ig verið teygjanlegt hjá þeim en Vík-
verji heyrði á dögunum af forvitnum
ungum dreng sem átti samtal við
móður sína. Hann var að velta fyrir
sér hvenær hún hefði gerst kennari
og samtalið var eitthvað á þessa leið:
„Var ég þá fæddur?“
„Nei, nei.“
„En systir mín?“
„Nei, ekki heldur.“
„Voruð þið pabbi þá saman?
„Nei, reyndar ekki.“
Þá var drengnum öllum lokið:
„Var þetta löngu fyrir Krist, eða?“
víkverji@mbl.is
Víkverji
En Drottinn er hinn sanni Guð, hann
er lifandi Guð og eilífur konungur.
Jörðin skelfur fyrir heift hans og þjóð-
irnar standast ekki reiði hans.
(Jeremía 10:10)
www.gilbert.is
ELDFJALLAÚRIÐ
Frisland Goð
„Íslendingar“ er nýr efnisliður sem hefur hafið göngu sína í Morgunblaðinu. Þar er
meðal annars sagt frá merkum viðburðum í lífi fólks, svo sem hjónavígslum, barnsfæð-
ingum eða öðrum tímamótum.
Allir þeir sem senda blaðinumynd af nýjum borgara eðamynd af brúðhjónum fá fría áskrift
að Morgunblaðinu í einnmánuð.
Hægt er að sendamynd og texta af slóðinnimbl.is/islendingar eða á islendingar@mbl.is
Börn og brúðhjón