Morgunblaðið - 15.10.2012, Qupperneq 12
12 FRÉTTIRInnlent
MORGUNBLAÐIÐ MÁNUDAGUR 15. OKTÓBER 2012
G l æ s i b æ | Á l f h e i m u m 7 4 | 1 0 4 R e y k j a v í k | Þ j ó n u s t a á l a n d s b y g g ð i n n i | S í m i 5 6 8 6 8 8 0 | w w w. h e y r n a r t æ k n i . i s
Njóttu þess að heyra betur
með ósýnilegu heyrnartæki!
Intigai eru fyrstu ósýnilegu heyrnartækin frá Oticon. Intigai eru sérsmíðuð og liggja svo djúpt
í eyrnagöngunum að enginn mun sjá þau eða átta sig á því að þú sért með heyrnartæki.
Intigai eru fullkomlega sjálfvirk og aðlaga sig að því hljóðumhverfi sem þú ert í hverju sinni.
Bókaðu tíma í fría heyrnarmælingu í síma 568 6880
og fáðu heyrnartæki til prufu í vikutímaStærð á Intigai í samanburði
við kaffibaunir
Verðlaunaafhending fór fram í lokahófi Nýsköp-
unarkeppni grunnskólanemenda á laugardaginn
en keppnin var haldin í 21. sinn um helgina. At-
höfnin fór fram í Háskólanum í Reykjavík en
fjörutíu þátttakendur víðsvegar að af landinu
tóku þátt í vinnusmiðju keppninnar. Fjórtán
þátttakendur fengu verðlaun og þar af voru tólf
hugmyndir. Samtals bárust í ár 1.100 hug-
myndir frá 32 grunnskólum.
Farandbikarinn í flokki stærri skóla, sem
veittur er fyrir hlutfallslega flestar hugmyndir í
keppninni, hlaut Hofsstaðaskóli í Garðabæ en
þetta er fjórða árið í röð sem skólinn hlýtur bik-
arinn. Farandbikarinn í flokki minni skóla hlaut
Brúarásskóli á Fljótsdalshéraði en þetta var í
fyrsta skipti sem sá bikar var veittur.
Fyrstu verðlaun í flokki um landbúnað hlaut
Kristinn Knörr Jóhannesson frá Grunnskól-
anum utan vatna; í flokki um tölvur og tölvuleiki
María Jóngerð Gunnlaugsdóttir frá Egilsstaða-
skóla; í flokki uppfinninga Óttar Egill Arn-
arsson frá Hofsstaðaskóla og í flokki útlits- og
formhönnunar Ægir Örn Kristjánsson, einnig
frá Hofsstaðaskóla. Guðrúnarbikarinn hlaut
María Jóngerð Gunnlaugsdóttir úr Egilsstaða-
skóla en bikarinn er veittur hugmyndasmið sem
er talinn hafa skarað fram úr fyrir hug-
myndaauðgi, dugnað, kurteisi og samviskusemi.
Fjórtán ungmenni verðlaunuð
Nýsköpunarkeppni grunnskólanemenda fór fram um helgina 1.100
hugmyndir María Jóngerð Gunnlaugsdóttir fékk Guðrúnarbikarinn
Morgunblaðið/Kristinn
Nýsköpunarkeppni Ólafur Ragnar Grímsson, forseti Íslands, og Katrín Jakobsdóttir, mennta- og
menningarmálaráðherra, ásamt verðlaunahöfum á laugardaginn.
„Aðgengi mætti vera miklu betra.
Blindir og sjónskertir þurfa skörp
litaskil til að sjá, skýrar merkingar og
leiðarlínur og kantar eru mjög góðir
fyrir blinda til að átta sig á umhverf-
inu,“ sagði Vala Jóna Garðarsdóttir,
umferliskennari hjá þjónustu- og
þekkingarmiðstöð fyrir blinda, sjón-
skerta og daufblinda einstaklinga.
Dagur hvíta stafsins er í dag. Af því
tilefni er haldin aðgengisráðstefna,
með sérstakri áherslu á aðgengi
blindra og sjónskertra að byggingum
og umferðarmannvirkjum í Blindra-
félaginu.
Vala Jóna heldur erindi ásamt
fjölda annarra.
Pollar á Laugaveginum
„Ég er ekki viss um að við stöndum
okkur nógu vel. Merkingum á göngu-
stígum er ábótavant. Það þyrfti að
vera ákveðin lína á þeim, sem myndi
hjálpa sjónskertum gríðarlega mik-
ið,“ segir Vala Jóna aðspurð hvernig
Íslendingar standi að vígi í aðgengi
fyrir blinda og sjónskerta.
Ýmsar hindranir verða á vegi þessa
hóps, til dæmis illa staðsett skilti og
grænir pollar [staurar] sem finnast
víða á Laugaveginum svo dæmi séu
tekin. Þá bendir Vala Jóna á að grái
liturinn og gler á byggingum valdi
sjónskertum vandræðum.
„Sjónskertir þurfa að sjá andstæð-
ur í umhverfinu til að eiga auðveldara
með að komast ferða sinna,“ segir
hún.
Færri kantsteinar og ýmiss konar
rennur sem hafa bætt aðgengi fatlaðs
fólks í hjólastólum hjálpi ekki blind-
um og sjónskertum. Þeir eigi erfiðara
með að greina umhverfið.
„Á Laugaveginum eiga blindir
mjög erfitt með að vita hvar þeir eru;
hvort þeir eru á bílastæði, gangstétt
eða götu, því engir kantar eru til stað-
ar,“ segir Vala Jóna.
Ný byggingarreglugerð
Í fyrirlestri sínum hyggst Vala
Jóna ræða nýja byggingarreglugerð.
Hún tekur mið af aðgengi blindra og
sjónskertra. „Reglugerðin lítur bara
vel út. Þar er tekið á þáttum eins og
mikilvægi litaskila, leiðarlína og sér-
stakra hellna til að auðvelda aðgengi,“
segir Vala Jóna.
„Fólk er orðið sýnilegra með hvíta
stafinn og þess vegna skiptir miklu
máli að aðgengi sé gott,“ segir Vala
Jóna sem fer um allan bæ og kennir
blindum og sjónskertum ýmsar leiðir
í umhverfinu með eða án hvíta stafs-
ins. thorunn@mbl.is
Aðgengi sjónskertra
mætti bæta til muna
Morgunblaðið/Ómar
Blindraganga Dagur B. Eggertsson
gengur Laugaveginn.
Aðgengisráðstefna blindra og sjónskertra haldin í dag
Guðni Einarsson
gudni@mbl.is
„Það má segja að þetta sé síðasta til-
raun til þess að láta reyna á hvort
einhver leið finnst til þess að lífeyr-
issjóðirnir geti verið með, a.m.k. að
einhverju lágmarki, í aðgerðum til að
lina þrautir þessa hóps,“ sagði Stein-
grímur J. Sigfússon, atvinnuvega- og
nýsköpunarráðherra, um lánsveðin.
Nýlega áttu þrír ráðherrar fund
með fulltrúum lífeyrissjóðanna
vegna vanda skuldara með lánsveð,
þ.e. veð sem þeir hafa fengið að láni,
oft hjá ættingjum. Steingrímur
kvaðst ekki geta farið efnislega út í
hvað fælist í hugmynd stjórnvalda
um „þrönga“ leið sem nefnd var á
fundinum með lífeyrissjóðunum.
Hann sagði að mikið hefði verið
reynt til þess að fá lífeyrissjóðina
með í samstilltar aðgerðir gagnvart
lánsveðshópnum. Niðurstaðan hefði
orðið sú að að reyna að halda úrslita-
fund og reyna til þrautar hvort ekki
væri hægt að finna leið til þess að líf-
eyrissjóðirnir gætu tekið einhvern
þátt í samstilltum
aðgerðum. Jafnt
þótt það yrði eitt-
hvað þrengri leið
en hin almenna
110% leið.
Steingrímur
sagði að fram-
haldið myndi ráð-
ast af því sam-
komulagi sem
næðist. Hann
nefndi að mögulega yrði horft að ein-
hverju leyti til þess hvernig reynt
hefði verið að leysa þau mál ábyrgð-
armanna á lánum. Einnig þyrfti að
hafa einhver viðmið um stöðu við-
komandi aðila. Þetta færi því í eitt-
hvað þrengri farveg vegna þess að
lífeyrissjóðirnir teldu sig ekki geta
eða mega vera með í því að taka á sig
kostnað af niðurfærslum lána ef veð-
in fyrir lánunum væru fullnægjandi
og skuldin innheimtanleg.
„Á þessu hefur strandað frá því í
vor og ýmsar hugmyndir sem hefur
verið velt upp hafa allar siglt strand-
leiðina,“ sagði Steingrímur.
Síðasta tilraun
til lausnar
Leita lausnar fyrir lánsveðshópinn
Steingrímur J.
Sigfússon
Ásdís Kristjáns-
dóttir, sem tók
þátt í Ironman-
þríþrautinni á
Havaí í Banda-
ríkjunum í gær,
segist ekki hafa
náð þeim mark-
miðum sem hún
hafði sett sér í
upphafi. Hún
fékk mikla
krampa í kálfa, en ákvað engu að síð-
ur að ljúka þrautinni og segist hafa
skemmt sér konunglega. Keppnin
felst í 3,86 kílómetra sundi, 180,25
kílómetra hjólreiðum og að lokum er
maraþonhlaup.
Ásdís kom í mark í Ironman-
þríþrautinni á 13 klukkutímum, 35
mínútum og 30 sekúndum.
Hún öðlaðist þátttökurétt á
heimsmeistaramótinu í keppni sem
haldin var á Flórída í fyrra.
Komst
í mark
í Ironman
Ásdís
Kristjánsdóttir