Morgunblaðið - 23.01.2013, Qupperneq 38

38 MENNING
MORGUNBLAÐIÐ MIÐVIKUDAGUR 23. JANÚAR 2013
Silja Björk Huldudóttir
silja@mbl.is
„Þetta kom mér skemmtilega á óvart, enda býst
maður aldrei við að vinna þó að maður taki þátt,“
segir Magnús Sigurðsson sem hlaut Ljóðstaf Jóns
úr Vör fyrir ljóð sitt Tunglsljós í árlegri ljóða-
samkeppni lista- og menningarráðs Kópavogs.
Verðlaunin voru afhent að kvöldi 21. janúar sl.
sem er fæðingardagur Jóns úr Vör. Magnús hlaut
peningaverðlaun að upphæð 500.000 kr. og Ljóð-
staf Jóns úr Vör, áletraðan með nafni sínu, til
varðveislu í eitt ár. Auk þess hlaut hann eign-
argrip sem Sigmar Maríusson gullsmiður hann-
aði. Samkeppnin var nú haldin í tólfta sinn en til-
gangur hennar er að efla og vekja áhuga á
íslenskri ljóðlist. Alls bárust um 400 ljóð í sam-
keppnina. Ljóðin voru send inn undir dulnefni.
Í rökstuðningi dómnefndar segir meðal annars
að ljóðið hafi galdrað fram andrúmsloft sem dragi
lesandann til sín aftur og aftur. „Ljóðið Tunglsljós
hefur yfir sér dularfullan blæ sem heillaði okkur,“
segir m.a. í rökstuðningnum sem lesa má í heild
sinni á vef Kópavogsbæjar (www.kopavogur.is).
Dómnefnd í ár skipuðu rithöfundarnir og ljóð-
skáldin Gerður Kristný og Sindri Freysson,
ásamt Gunnþórunni Guðmundsdóttur, bók-
menntafræðingi og dósent við Háskóla Íslands.
Sendir frá sér ljóðabók með vorinu
Í þakkarræðu sinni lagði Magnús áherslu á að
verðlaun væru ekki eingöngu hvatning þeim sem
þau hlytu, heldur heiðruðu þau minningu geng-
inna skálda. Sagði hann að ljóðlistin þarfnaðist
umræðu og að tómarúm væri sá veruleiki sem ís-
lensk ljóðlist byggi að mörgu leyti við við. „Sér-
stök bókmenntaþjóð getum við þó varla talist með
réttu, ef við skellum skollaeyrum við tungumáli
ljóðlistarinnar og tjáningarmöguleikum hennar.
Við færum einfaldlega á mis við of margt,“ sagði
Magnús.
Í samtali við Morgunblaðið segist Magnús ekki
óttast dauða ljóðsins. „Það er auðvitað margoft
búið að spá endalokum ljóðsins, en ljóðlistin mun
aldrei deyja. Hins vegar væri jákvætt ef hún næði
eyrum fleiri og fengi meira vægi í umræðunni.“
Aðspurður hvort hann hafi ungur byrjað að
yrkja svarar Magnús því neitandi. „Ég hef fyrst
og fremst gefið mig að ljóðaþýðingum, en fór svo
smám saman að yrkja sjálfur,“ segir Magnús, en
árið 2007 komu út þýðingar hans á ljóðabálki Ezra
Pounds, Söngvarnir frá Písa. Í framhaldinu sendi
hann ásamt Laía Argüelles Folch frá sér þýðingar
á ljóðum Ingibjargar Haraldsdóttur á spænsku og
skömmu fyrir síðustu jól kom út Steingerð
vængjapör með þýðingum hans á ljóðum norska
ljóðskáldsins Tors Ulven.
Að sögn Magnúsar stefnir hann að því að senda
frá sér frumsamda ljóðabók með vorinu, sem hlot-
ið hefur titilinn Tími kaldra mána og verður verð-
launaljóðið að finna í bókinni. Þetta verður þriðja
ljóðabók Magnúsar, en fyrri bækur hans eru Fiðr-
ildi, mynta og spörfuglar Lesbíu, Blindir fiskar
sem og smásagnasafnið Hálmstráin. Fyrir fyrst-
nefndu bókina hlaut Magnús Bókmenntaverðlaun
Tómasar Guðmundssonar árið 2008.
„Kom skemmtilega á óvart“
 Ljóðskáldið og þýðandinn Magnús Sigurðsson sem er verðlaunahafi Ljóðstafs
Jóns úr Vör í ár hlaut Bókmenntaverðlaun Tómasar Guðmundssonar árið 2008
Verðlaun Magnús Sigurðsson, ljóðskáld og þýðandi, fær Ljóðstaf Jóns úr Vör, áletraðan með nafni
sínu, til varðveislu í eitt ár. Jafnframt hlýtur hann peningaverðlaun og verðlaunagrip til eignar.
Í nýjasta tölublaði Katalog, tímarits
hins þekkta ljósmyndasafns
Brandts í Óðinsvéum í Danmörku,
er umfjöllun Maríu Karenar Sig-
urðsrdóttur, forstöðumanns Ljós-
myndasafns Reykjavíkur, um ís-
lenska samtímaljósmyndun. Í
síðasta tölublaði var fyrri hluti út-
tektar ritsins, með grein Jóns
Proppé listfræðings og verkum
nokkurra íslenskra ljósmyndara, en
með grein Maríu Karenar birtast
myndraðir eftir Orra Jónsson af
eyðibýlum, Spessa frá Foco-eyju við
Kanada, og Pétur Thomsen frá Ás-
fjallshverfinu í Hafnafirði. Í grein-
inni segir María Karen ljósmynda-
listina í miklum blóma hér á landi
en veltir líka fyrir sér hvort áhersla
á sögulegt mikilvægi verka frum-
kvöðla í ljósmyndun hér hafi yf-
irskyggt listrænt gildi þeirra.
Ljósmyndasafn Reykjavíkur
Austurbar 1957 Mynd Andrésar
Kolbeinssonar birtist með greininni.
Ljósmynd-
ir í Katalog
 Íslensk ljósmynd-
un í dönsku tímariti
Borgarnes í
myndum er við-
fangsefni nýrrar
sýningar sem
opnuð hefur ver-
ið í Safnahúsi
Borgarfjarðar.
Tilefni sýning-
arinnar er að
Borgarnes-
hreppur varð
fyrst til sem sér-
stakt sveitarfélag árið 1913. Á sýn-
ingunni má sjá málverk og ljós-
myndir eftir ýmsa höfunda þar sem
Borgarnes er myndefnið. Verkin
eru úr safnkosti listasafns, byggða-
safns og héraðsskjalasafns auk ljós-
mynda úr nútímanum. Uppsetningu
annaðist Þóra H. Þorkelsdóttir.
Sýningin stendur til 27. mars nk. og
er opin alla virka daga kl. 13-18.
Borgarnes í
myndum
Verk eftir Einar
Ingimundarson.
Skandinavíski
leikhópurinn
Sticks & Stones
verður í kvöld
með kynningu á
verki sem þau
eru að vinna að í
vinnustofu Leik-
félags Akureyr-
ar. Kynningin fer
fram í heita pott-
inum í Sundlaug
Akureyrar kl. 19.30 og eru allir
laugargestir velkomnir.
Í lok febrúar hyggst Sticks & Sto-
nes frumsýna verkið Punch í leik-
stjórn Tryggva Gunnarssonar í
Rými LA, en sýningin fer héðan í
leikferð til Noregs og Danmerkur.
„Punch er byggt á miðaldasögn-
inni um hjónakornin Punch og
Judy. Þrátt fyrir að hafa verið upp-
runalega ætluð börnum er sagan
blóði drifin og svo uppfull af ofbeldi
að jafnvel blóðugustu hasarmyndir
samtímans komast ekki í hálfkvisti
við illsku Punch,“ segir m.a. í til-
kynningu frá leikhópnum.
Kynning í
heitum potti
Tryggvi
Gunnarsson
köflum forvitnileg en í myndina
vantar meiri mannlega nánd og hlý-
leika. Plús svolítið meira af svarta
húmornum sem Frakkar kunna svo
vel að pipra með.
Bæjarstjórinn Simon Wolberg er
Ef marka má þær frönskukvikmyndir sem ég hefséð eru Frakkar ekkimikið fyrir að búa til
formúlumyndir. Þeir vilja frekar
láta áhorfandann halda að hann sé
t.d. mættur til að horfa á grínmynd
en skyndilega er skellt fram drama-
tísku eða sjokkerandi atriði. Einmitt
þetta er það sem gerir franska kvik-
myndagerð svo skemmtilega og um
leið vantar það í kvikmyndina um
Wolberg-fjölskylduna. Samtöl í
myndinni eru heimspekileg og á
vinsæll í sínu starfi en á erfitt með
að skapa sér vinsældir heima fyrir.
Hann elskar fjölskyldu sína en þau
virðast ekki skilja hvert annað. Sim-
on er mjög borgaralegur og vill ekki
að sonurinn verði bóhem líkt og
móðurbróðir hans sem kemur í
heimsókn og veldur nokkrum usla.
Áhorfandi fær það á tilfinninguna að
æska og uppruni Simons, sem er
gyðingur, hafi mótað réttlæt-
istilfinningu hans sem er gott og gilt
en eðlileg mannleg samskipti virðast
þó mæta afgangi. Það er mjög skrýt-
ið að fylgjast með Simon, sem í ljós
kemur að á ekki langt eftir ólifað,
reyna að klóra í bakkann. Hann vill
ekki segja fjölskyldu sinni þessar
fréttir þó svo að honum finnist að
fjölskyldumeðlimir eigi ekki að eiga
nein leyndarmál. Þannig þykir hon-
um eðlilegt að taka son sinn með sér
í heimsókn til fyrrverandi elskhuga
eiginkonu sinnar á þeim forsendum
að um opinbera heimsókn borg-
arstjóra sé að ræða. Vekur það atriði
helst viðbrögð manns í myndinni.
Famille Wolberg er skrýtin mynd
um undarleg mannleg samskipti
sem stórlega þarf að laga en mann-
lega nálgun og hlýju vantar til að
gera myndina áhugaverða og að ein-
hverju leyti skemmtilega. Því
Frökkum tekst jú alltaf að finna
húmor jafnvel í svartasta myrkri.
Sundurleit Simon elskar fjöskyldu sína en á erfitt með að sýna það.
Sorgarsaga Wolberg
Frönsk kvikmyndahátíð
í Háskólabíói
Wolberg fjölskyldan/La Famille
Wolberg bbnnn
Leikstjóri: Axelle Ropert. Aðalleikarar:
François Damiens,Valérie Benguigui og
Valentin Vigourt. Frakkland, 92 mínútur.
MARÍA ÓLAFSDÓTTIR
KVIKMYNDIR
Samhliða afhendingu Ljóðstafs Jóns úr Vör var
tilkynnt um úrslit í ljóðasamkeppni grunnskóla
Kópavogs. Í þremur efstu sætum urðu Ester
Hulda Ólafsdóttir, Hörðuvallaskóla, fyrir ljóð
sitt Tunglið. Lára Pálsdóttir, Lindaskóla, fyrir
ljóð sitt Árstíðirnar og Patrik Snær Krist-
jánsson, Hörðuvallaskóla, fyrir ljóð sitt Nóttin.
Auk þess voru verðlaunuð Ljóð eftir Ásdísi
Birtu í Hörðuvallaskóla, Ég er eins og ég er
eftir Evu Marín Steingrímsdóttur í Salaskóla,
Veröld eftir Friðnýju Karitas í Hörðuvalla-
skóla, Dansinn eftir Gertrudu Paceviciute í Álf-
hólsskóla, Jólaljóð eftir Guðmund Birni Björns-
son í Álfhólsskóla, Jólin koma eftir Hjört
Hilmar K. Benediktsson í Kópavogsskóla, Nótt
og dagur eftir Kolfinnu Ingólfsdóttur í Hörðu-
vallaskóla, Að semja ljóð eftir Ósk Hoi Ning
Chow Helgadóttur í Álfhólsskóla sem og Ást-
arljóð og Afsökunarljóð eftir Ýri G. Adolfs-
dóttur í Hörðuvallaskóla
Gleði Karen E. Halldórsdóttir, formaður lista- og menningarráðs, (lengst t.v.) og Ármann Kr. Ólafsson
bæjarstjóri (lengst t.h.) afhentu verðlaunin. Í fremri röð eru Ester Hulda, Lára og Patrik Snær.
Ljóðakeppni grunnskóla Kópavogs
Sólin er hnigin til viðar.
Hver á fætur öðrum
tínast námumennirnir
upp úr jörðinni.
Þeir krjúpa við árbakkann
í kvöldrökkrinu,
drekka úr skálum lófa sinna
og strjúka framan úr sér rykið.
Fölbleik andlit þeirra
eru 20.000 nýkviknuð tungl
á kolsvörtum himni.
Tunglsljós
in memoriam