Morgunblaðið - 18.04.2013, Blaðsíða 25

FRÉTTIR 25Erlent
MORGUNBLAÐIÐ FIMMTUDAGUR 18. APRÍL 2013
Bogi Þór Arason
bogi@mbl.is
Rússneski stjórnarandstæðingur-
inn Alexei Navalní kom fyrir rétt í
gær og kvaðst vera saklaus af
spillingarákæru sem hann segir að
sé runnin undan rifjum Vladímírs
Pútíns, forseta Rússlands, og
bandamanna hans.
Navalní, sem er 36 ára, er
þekktur fyrir bloggskrif þar sem
hann hefur gagnrýnt ráðamennina
í Kreml harkalega, sakað þá og
bandamenn þeirra úr röðum auð-
kýfinga um stórfellda spillingu.
Hann er þekktasti stjórnarand-
stöðuleiðtoginn sem dreginn hefur
verið fyrir rétt í Rússlandi frá
mótmælunum gegn Pútín fyrir
sextán mánuðum, fjölmennustu
götumótmælum í Moskvu frá því
að Sovétríkin leystust upp.
Barátta Navalní gegn spillingu
hefur ekki fengið neina umfjöllun í
rússneskum ríkisfjölmiðlum og
skoðanakönnun bendir til þess að
aðeins þriðjungur Rússa viti hver
hann er. Navalní er þó álitinn
hættulegasti pólitíski andstæðing-
ur Pútíns og fréttaskýrendur telja
að það myndi vera mikið áfall fyrir
stjórnarandstöðuna ef hann yrði
dæmdur í fangelsi.
Viss um sektardóm
Navalní segir að Pútín standi á
bak við spillingarákæruna sem
hafi verið spunnin upp til að yfir-
völdin þyrftu ekki að saksækja
hann fyrir þátttöku í pólitískum
mótmælum því slík saksókn hefði
vakið enn meiri athygli á baráttu
hans gegn spillingu í Kreml.
Ákæran snýst um samning um
viðskipti með timbur, sem héraðs-
stjórnin í Kírov í Norður-Rúss-
landi gerði árið 2009 þegar hann
var ráðgjafi hennar. Verði hann
fundinn sekur á hann yfir höfði
sér allt að tíu ár í fangelsi og
samkvæmt rússneskum lögum
myndi hann ekki mega sækjast
eftir pólitísku embætti, jafnvel
þótt dómurinn yrði skilorðsbund-
inn.
Navalní kveðst vera sannfærð-
ur um að hann verði dæmdur sek-
ur. Dómarinn í málinu, Sergei Blí-
nov, hefur aldrei kveðið upp
sýknudóm á síðustu tveimur og
hálfu ári, en á þeim tíma hefur
hann dæmt í 130 málum, að sögn
rússneska vikuritsins Novoje
Vremja.
Verjandi Navalní óskaði eftir því
að réttarhöldunum yrði frestað í
mánuð til að hann fengi meiri tíma
til að undirbúa málsvörnina en
dómarinn frestaði réttarhöldunum
um viku og þau hefjast á miðviku-
daginn kemur.
Erkióvinur Pútíns fyrir rétt
 Bloggarinn Alexei Navalní á tíu ára fangelsidóm yfir höfði sér  Álitinn hættu-
legasti andstæðingur Pútíns  Segir forsetann standa á bak við saksóknina
AFP
Pólitísk réttarhöld? Fjölmiðlamenn taka myndir af Alexei Navalní fyrir utan dómhúsið í borginni Kírov í gær.
„Eins og tímaferðalag“
» Andstæðingar Pútíns lýsa
saksókninni gegn Alexei Na-
valní sem pólitískum
sýndarréttarhöldum.
» Alexei Kúdrín, fyrrverandi
fjármálaráðherra Rússlands,
segir í bloggi um réttarhöldin
að þau séu „eins og tíma-
ferðalag“ til sovéttímans.
Réttarhöld hófust í gær yfir fimm
stjórnendum franska fyrirtækisins
PIP sem seldi konum um allan heim
gallaða brjóstapúða. Þeir eiga allt að
fimm ára fangelsisdóm yfir höfði sér
verði þeir fundnir sekir.
Þetta eru ein umfangsmestu
réttarhöld í sögu Frakklands og þau
fara fram í 700 sæta ráðstefnusal í
Marseille. Yfir 5.000 konur taka þátt
í málsókninni. Meðal hinna ákærðu
er stofnandi PIP-fyrirtækisins,
Jean-Claude Mas, sem er 73 ára.
Þeir eru ákærðir fyrir svik með því
að nota iðnaðarsílikon í brjóstapúða.
Talið er að um 300.000 konur í 65
löndum, m.a. Íslandi, hafi fengið
púðana. PIP-púðarnir eru tvisvar
sinnum líklegri en aðrir til að rofna.
Um 4.000 franskar konur hafa til-
kynnt leka PIP-púða í brjóstum sín-
um og 15.000 hafa látið fjarlægja þá.
AFP
Saksóttur Jean-Claude Mas, stofn-
andi PIP, fyrir rétti í Marseille gær.
Réttað
vegna PIP-
brjóstapúða
 Ein umfangsmestu
réttarhöld í sögu
Frakklands hafin
Kaupaukinn þinn
Í HYGEA KRINGLUNNI OG HYGEA SMÁRALIND
Þessi glæsilegi kaupauki* fylgir ef þú kaupir eina vöru
eða fleiri í Re-Nutriv línunni frá Estée Lauder í Hygea
Kringlunni og Hygea Smáralind dagana 18. – 24. apríl.
KAUPAUKI
Kaupaukinn inniheldur:
Pure Color Palette – 8 augnskugga og 3 varaliti í boxi
Sumptuous Extreme Mascara – svartan maskara
Pure Color Gloss – plum divine og pink innocent gloss
Pure Color Lipstick – litur pinkberry creme
Hydrating Creme Cleanser – andlitshreinsi, 30ml
Softening Lotion – andlitsvatn, 30ml
Ultimate Lift Age-Correcting Creme
– dag/næturkrem fyrir allar húðgerðir, 15ml
*meðan birgðir endast