Morgunblaðið - 16.08.2013, Síða 46

46 MENNING
MORGUNBLAÐIÐ FÖSTUDAGUR 16. ÁGÚST 2013
Kvarnir/Brimrás/Pallar ehf | Akralind 8 | 201 Kópavogur | sími 564 6070
fax 564 6071 | kvarnir@kvarnir.is | www.kvarnir.is | www.pallar.is
AF BRIMRÁS
STIGUM OG TRÖPPUM
25%
AFSLÁTTUR
SÉRBLAÐ
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 19. ágúst.
Morgunblaðið gefur út glæsilegt
sérblað umHeilsu og lífsstíl
föstudaginn 23. ágúst
Í blaðinu Heilsa
og lífsstíll verður
kynnt fullt af þeim
möguleikum sem í boði
eru fyrir þá sem stefna
á heilsuátak og bættan
lífsstíl haustið 2013
Heilsa & lífsstíll
Vilhjálmur A. Kjartansson
vilhjalmur@mbl.is
Tónlistarhátíðin Berjadagar í Ólafs-
firði verður haldin í fimmtánda sinn í
ár og hefst hátíðin í kvöld og lýkur á
sunnudaginn.
Örn Magnússon
píanóleikari
stofnaði hátíðina
undir einkunn-
arorðunum „list-
sköpun og nátt-
úra“ og í ár verða
ný íslensk lög við
íslensk ljóð flutt á
hátíðinni. Ólöf
Sigursveins-
dóttir, sellókenn-
ari og listrænn stjórnandi hátíð-
arinnar, segir fimmtán ára afmæli
Berjadaga vera merkan áfanga fyrir
klassíska tónlistarhátíð á jafn ein-
angruðum stað og Ólafsfirði. „Það er
mjög einstakt að hér hafi haldist
klassísk tónlistarhátíð í öll þessi ár
enda hefur Ólafsfjörður verið mjög
einangraður staður. Í bænum eru
hins vegar góðir tónleikastaðir en
bæði kirkjan og menningarhúsið
Tjarnarborg bjóða upp á virkilega
góða aðstöðu fyrir klassíska tón-
leika.“
Leiklistarfélag Ólafsfjarðar stóð
fyrir endurbótum á Tjarnarborg í
vetur og þar er því að finna glæsi-
lega og fullbúna aðstöðu fyrir klass-
íska tónleika. „Þetta verður í fyrsta
sinn sem við spilum í fullbúnum tón-
leikasal Tjarnarborgar á Berjadög-
um sem er tilhlökkunarefni.“
Menning fyrir alla aldurshópa
Á Berjadögum er að finna eitt-
hvað fyrir alla aldurshópa en tón-
skáldið Hilmar Örn Hilmarsson mun
stýra tónsmíðanámskeiði fyrir börn
og unglinga. „Tónsetningarnám-
skeið Hilmars er í boði hátíðarinnar
en þar talar hann um hljóð, himin-
geiminn, tifstjörnur, fuglasöng,
galdrasöng og alls konar hljóð sem
hann tónsetur með börnunum. Hann
fer með þau í náttúruferð hljóðanna
eins og hann lýsir námskeiðinu,“
segir Ólöfu. Í tilefni af því að Berja-
dagar eru haldnir í fimmtánda sinn
segir Ólöf að bryddað verði upp á
þeirri nýjung að halda fjöl-
skylduhátíð þar sem allir eru vel-
komnir. „Þetta verða fjölskyldu-
tónleikar á Keramikverkstæðinu á
Burstabrekkueyri sem nefnast
Gengið inn um loðdýraskálann og
allir eru velkomnir á tónleikana sem
hefjast klukkan fimm í dag.“
Ólöf vonar að fjölskyldu-
tónleikarnir verði árlegur viðburður
og vaxi með hátíðinni sem nú þegar
hefur sett svip sinn á bæinn og
bæjarlífið á hverju ári.
Þriggja daga hátíð í náttúrunni
Ólafsfjörður og umhverfi bæjarins
bjóða upp á einstakt tækifæri til að
upplifa klassíska tónlist í stórbrot-
inni náttúru en tónleikagestir geta
notið tónlistarinnar, í kirkjunni eða
Tjarnarborg, og náttúru svæðisins
og bæjarlífsins milli tónleika.
Hátíðin stendur í þrjá daga og er
dagskráin ekki af verri endanum að
sögn Ólafar. „Jóhanna Halldórs-
dóttir barokksöngkona fléttar sam-
an heimi barokksins og nýjum hljóð-
heimi tölvunnar með hjálp Hilmars
Arnar Hilmarssonar tónskálds á
tónleikunum í Ólafsfjarðarkirkju í
kvöld og síðan syngja tenórarnir og
bræðurnir Hlöðver Sigurðsson og
Þorsteinn Freyr Sigurðsson í Tjarn-
arborg á sunnudaginn svo eitthvað
sé nefnt,“ segir Ólöf en nálgast má
dagskrána á heimasíðu hátíðarinnar,
http://www.berjadagar-artfest.com.
Klassískir tónar í fimmtán ár
 Tónlistarhátíðin Berjadagar í Ólafsfirði fagnar fimmtán ára afmæli sínu um helgina
 Lokatónleikar hátíðarinnar fara fram í Tjarnarborg, nýuppgerðu menningarhúsi bæjarins
Ljósmynd/Guðný Ágústdóttir
Ólafsfjörður Klassíska tónlistarhátíðin Berjadagar lífgar upp á bæinn á hverju ári og hefur gert það núna í fimmtán ár eða frá aldamótum.
Ólöf Sigur-
sveinsdóttir
Tónsmíðanámskeið Hilmar leiðbeindi börnum á Berjadögum í gær.
Ljósmynd/Gísli K.