Morgunblaðið - 28.10.2013, Side 2

2 FRÉTTIRInnlent
MORGUNBLAÐIÐ MÁNUDAGUR 28. OKTÓBER 2013
Suðurlandsbraut 20, Reykjavík | Sími 588 0200 |www.eirvik.is
Miele ryksugur
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Baldur Arnarson
baldura@mbl.is
Margir kaupendur og seljendur eru í
biðstöðu vegna boðaðra afskrifta
verðtryggðra íbúðalána. Þetta er
mat Úlfars Davíðssonar, löggilts
fasteignasala hjá Remax Borg.
„Seljendur jafnt sem kaupendur
eru í biðstöðu og bíða eftir útspili
ríkisstjórnarinnar. Það er mín upp-
lifun. Markaðurinn er viðkvæmur.
Óvissan er mikil. Því fylgir biðstaða,
sérstaklega nú þegar það styttist í
að efna eigi loforð um afskriftir.
Auðvitað hefur þetta meiri áhrif á
dæmigerðar fjölskyldur en hinar
efnameiri. Hugsanlega hefur þetta
góð áhrif á markaðinn. Hugsanlega
ekki. Hvað gerist ef ekkert verður
gert í skuldamálum? Væntingar
sumra eru óraunhæfar. Margir
halda að þeir muni fá ávísun í pósti.“
Meiri líkur á verðhækkun
Guðmundur Th. Jónsson, löggilt-
ur fasteignasali hjá Fasteignamark-
aðnum, telur meiri líkur en minni á
að niðurskriftir húsnæðislána muni
leiða til hækkunar fasteignaverðs.
Afskriftir muni enda koma hreyf-
ingu á markaðinn. Þá telur hann
skattaívilnanir til handa lántökum
sem fóru illa út úr verðbólguskotinu
misserin eftir efnahagshrunið ekki
munu hafa áhrif strax.
„Seljendur eru í flestum tilfellum
kaupendur í framhaldinu ef þeir fá
niðurfellingu. Það er grundvallar-
atriði að eyða óvissunni. Ef stjórn-
völd svíkja loforðið um afskriftir veit
fólk hvar það stendur og hættir að
bíða. Margir bíða á hliðarlínunni eft-
ir því hvað verður. Niðurfelling eyk-
ur eigin fé og gerir fólki kleift að
selja eignir sem eru yfirveðsettar,
þótt það hafi farið í gegnum 110%-
leiðina á sínum tíma. Sú leið var van-
hugsuð, enda eru lánin komin í
a.m.k. 120% [af höfuðstól]. Auðvitað
þarf þetta fólk að fá leiðréttingu
vegna verðbólguskots, ekkert síður
en fólk sem tók erlend lán og er jafn-
vel betur sett nú en þegar það tók
lánin. Ég tel hins vegar að ívilnanir í
gegnum skattkerfið muni hafa minni
áhrif, enda taka áhrifin af því langan
tíma að koma fram.“
Þá telur Guðmundur að margir
sem hafi beðið með að stækka við sig
muni gera það ef hluti íbúðalána
þeirra verður afskrifaður. Það muni
gera þeim kleift að færa sig upp í
dýrari eignir, sem muni fyrir vikið
seljast betur.
„Það hefur verið minna um sölu á
markaðnum í eignum frá 55 og að 90
milljónum. Ég held að afskriftir
muni ekki hafa eins mikil áhrif á sölu
allra dýrustu eignanna. Það er skrít-
ið með þennan markað að það er
eftirspurn eftir mjög dýrum eignum.
Þar er um að ræða fólk sem þarf
ekki á lánafyrirgreiðslu að halda.
Ég hef selt tvær eignir á tæpar
300 milljónir á undanförnu rúmlega
einu og hálfu ári. Eignir í þessum
verðflokki eru yfirleitt ekki auglýst-
ar, heldur er leitað að kaupendum
sem eru á höttunum eftir eignum í
þessum gæðaflokki.“
Morgunblaðið/Árni Sæberg
Óvissa Að mati fasteignasala bíða margir með fasteignaviðskipti vegna boðaðra skuldaniðurfellinga.
Beðið eftir afskriftum
á húsnæðisskuldum
 Fasteignasali segir óvissu um afskriftir takmarka framboð
Viðar Böðvarsson, varaformaður Félags fasteignasala, segir erfitt að
meta áhrif afskrifta á fasteignaverð.
„Ef ráðist verður í aðgerðir, sama hverjar þær verða, eykst framboð
eigna. Það er biðstaða hjá mörgum sem eiga mikið skuldsettar eignir og
vilja vita hvar þeir standa áður en þeir setja eignirnar í sölu. Það hefur að
mínu mati takmarkað framboð á markaðnum á síðustu mánuðum.
Hvaða áhrif aukið framboð af eignum hefur á fasteignaverð fer eftir
því hver eftirspurn verður. Fái margt fólk afskriftir og ákveði að selja mun
það þurfa að kaupa og það mun mynda eftirspurn. Svo er margt fólk að
leigja og vill kaupa. Þetta ræðst því mikið af því til hvaða aðgerða verður
gripið. Verða þeim sem eru að kaupa eign í fyrsta sinn auðvelduð kaupin?
Slíkar hliðarráðstafanir við afskriftir myndu auka eftirspurn og það hefði
áhrif á verðið.“
Erfitt að meta áhrif á verðið
VARAFORMAÐUR FÉLAGS FASTEIGNASALA
Viðar Guðjónsson
vidar@mbl.is
Í það minnsta fimm meðlimir úr vél-
hjólagenginu Devils Choice komust í
gegnum landamæraeftirlit lögregl-
unnar og sóttu gleðskap í félagsheim-
ili þess í Garðabæ í fyrrakvöld. Þessar
upplýsingar fengust frá Sigríði Björk
Guðjónsdóttur, lögreglustjóra á Suð-
urnesjum. Um var að ræða danska
gengismeðlimi en eins og fram hefur
komið stöðvaði lögreglan 11 norska
meðlimi Devils Choice sem hugðust
sækja gleðskapinn og sendi þá úr
landi. „Í einhverjum tilvikum var það
líka svo að þó að við stöðvuðum menn
í eftirlitinu þá gátum við ekki staðfest
að um væri að ræða meðlimi samtak-
anna. Svo eru einhverjir sem fóru í
gegn án þess að við tækjum eftir því
og í þessu tilviki mun svo vera. Við
vorum ekki að stoppa hvert einasta
flug og hvern einasta mann og vorum
ekki með virkt landamæraeftirlit all-
an tímann. Við erum einfaldlega ekki
með mannskap í það,“ segir Sigríður.
Hún bendir á að sumir sem taldir
voru tilheyra genginu hafi fengið að
„njóta vafans“. Hún segir að lögregl-
an á höfuðborgarsvæðinu hafi verið
látin vita af því að nokkrir meðlimir í
samtökunum hafi „komist í gegn“.
Ekki þótti þó tilefni til að hafa afskipti
af gleðskapnum. Hún segir að lög-
regluna gruni að gengið sé að reyna
að koma undir sig fótunum á Íslandi
líkt og það hefur gert erlendis.
Fimm danskir sluppu
í gegnum eftirlitið
 Sóttu gleðskap Devils Choice á laugardag  Nutu vafans
Devils Choice Vélhjólagengið hélt
gleðskap í félagshúsi sínu.
Í nokkurra ára gamalli skýrslu nefndar menntamálaráðuneytisins um stað-
setningu framhaldsskóla kemur m.a. fram að þörf sé á tveimur nýjum
framhaldsskólum í austurhluta höfuðborgarsvæðisins. Nú þegar hefur ver-
ið byggður framhaldsskóli við Brúarland í Mosfellsbæ sem tók til starfa ár-
ið 2009.
Kjartan Magnússon, borgarfulltrúi Sjálfstæðisflokksins, hefur lagt fram
tillögur í skóla- og frístundaráði Reykjavíkur um að skoðaðir verði mögu-
leikar á uppbyggingu framhaldsskóla í austurhluta borgarinnar.
Ármann Kr. Ólafsson, bæjarstjóri Kópavogs, hefur einnig talað fyrir því
að fá nýjan framhaldsskóla í Kópavog, sem hann segir hentugustu stað-
setninguna. „Kópavogsbær hefur stækkað gífurlega á skömmum tíma og
ungu fólki á framhaldsskólaaldri fjölgað í bæjarfélaginu. Þess vegna tel ég
augljóst að nýr framhaldsskóli rísi í Kópavogi en sá skóli getur að auki
þjónað hluta efri byggða Reykjavíkur og Garðabæjar,“ segir Ármann en
hann ætlar að funda með menntamálaráðherra um málið.
Togast á um nýjan framhaldsskóla
Hópur áhugamanna um byggingu
miðaldadómkirkju í Skálholti hefur
tilkynnt kirkjuráði að hann vilji
ekki halda verkefninu áfram í þeim
farvegi sem það er innan kirkj-
unnar.
Kirkjuráð samþykkti í júní sl. að
ganga til bindandi samninga um
verkefnið, með fyrirvara um fjár-
mögnun þess og samþykki kirkju-
þings og deiliskipulags. Að sögn
Guðjóns Arngrímssonar, sem er í
forsvari fyrir hópinn, hefur það ver-
ið grundvallarforsenda í undirbún-
ingi að verkið sé unnið í náinni
samvinnu og sátt við þjóðkirkjuna
og stjórn Skálholts.
„Kirkjuráð undir forystu biskups
hefur leitt þetta samstarf, en nú er
orðið ljóst að verkefnið er að valda
illdeilum og flokkadráttum meðal
stofnana þjóðkirkjunnar,“ segir
Guðjón. „Við höfum því sent kirkju-
ráði erindi þess efnis að við teljum
ekki rétt að halda samstarfinu
áfram.“
Hættir við mið-
aldadómkirkju
Stór Tölvumynd af kirkjunni.
ÁTVR hefur skrifað undir leigu-
samning um húsnæði fyrir nýja vín-
búð í Helluhrauni 16-18 í Hafn-
arfirði, þar sem Bónus er til húsa
og Húsasmiðjan var áður. Áformað
er að opna búðina í mars á næsta
ári og loka núverandi búð í versl-
unarmiðstöðinni Firði frá sama
tíma.
Sveinn Víkingur Árnason, fram-
kvæmdastjóri rekstrarsviðs ÁTVR,
segir vöruúrvalið verða stóraukið,
þetta verði fjórða vínbúðin með öllu
vöruúrvali ÁTVR. Hinar eru Heið-
rún, vínbúðin í Kringlunni og í
Skútuvogi. Húsnæðið verður mun
stærra en Hafnfirðingar eiga að
venjast í Firði, rúmgóður kælir
settur upp fyrir bjór og öll aðstaða
fyrir viðskiptavini betri.
ÁTVR rekur nú 48 útibú um allt
land. Að sögn Sveins Víkings hafa
engar ákvarðanir verið teknar um
nýjar verslanir eða að fækka þeim
sem fyrir eru. Auglýst hefur verið
eftir húsnæði í Garðabæ en Sveinn
segir ekkert ákveðið heldur um
hvort útibú verður opnað þar. Búð-
in í Hafnarfirði muni geta sinnt
stóru svæði.
Vínbúðin í Stekkjarbakka hefur
verið opnuð aftur eftir gagngerar
endurbætur og lagfæringar hafa
verið unnar í útibúinu í Grindavík.
Ný vínbúð í Hafnarfirði með allt úrvalið