Morgunblaðið - 28.01.2014, Blaðsíða 10
10 DAGLEGT LÍF
MORGUNBLAÐIÐ ÞRIÐJUDAGUR 28. JANÚAR 2014
Smiðjuvegi 4 (Græn gata), 200 Kópavogi, sími 578 3030, gsm 824 0240, laugin.is
Erum með allt fyrir
Góður endir
á góðum degi
Nuddpottar
Hreinsiefni
Síur
Viðgerðarþjónusta
Varahlutir
Malín Brand
malin@mbl.is
Tólf dýr skipa kínverskatímatalið og eru þau einsmisjöfn og þau eru mörg,með kostum og göllum.
Fyrst ber að nefna rottuna sem af
flestum er talin best. „Hún bjargar
sér alltaf,“ segir Unnur Guðjóns-
dóttir sem hefur síðan 1992 starf-
rækt Kínaklúbb Unnar og farið ófáar
ferðir til Kína.
Á eftir rottunni kemur vatna-
uxinn, þar næst tígurinn, kanínan,
drekinn, slangan, hesturinn, geitin,
apinn, haninn, hundurinn og lestina
rekur grísinn.
Drekinn og rottan best
Nýtt ár í Kína hefst við annað
nýtt tungl eftir vetrarsólstöður og nú
ber það upp á föstudaginn, þann 31.
janúar. Árin eru sem fyrr segir mis-
jafnlega góð og segir Unnur að í Kína
velti fólk þessu þónokkuð fyrir sér og
það sama á við um Unni sjálfa.
„Ég er dálítið heppin því ég er
nefnilega fædd á ári drekans og það
er mjög gott. Drekinn var dýr keis-
arans og drekinn er í reynd eina dýr-
ið í þessum tólf ára dýrahring sem
ekki er til í alvörunni,“ útskýrir Unn-
ur sem hefur mikið dálæti á kín-
verskri menningu og flestu því sem
kínverskt er.
Á þessu ári fer hún í þrítugustu
og fimmtu ferðina til Kína ásamt
hópi fólks gegnum Kínaklúbb Unnar.
Ár hestsins boðar gott
Hvað skyldi þá ár hestsins bera í
skauti sér? Árið sem þrítugasta og
fimmta ferðin verður farin.
„Ár hestsins er fjörlegt og líf-
Mikið lán að hafa
fæðst á ári drekans
Nýtt ár hefst samkvæmt kínverska almanakinu næsta föstudag. Þar með lýkur ári
slöngunnar og ár hestsins gengur í garð. Það er alla jafna talið boða gott enda er
hesturinn röskur og fer hratt yfir. Hópur fólks hér á landi fagnar þessum tímamót-
um og þar á meðal er fyrrverandi ballettmeistarinn og Kínaunnandinn Unnur
Guðjónsdóttir. Hún ætlar að efla tengslin við Kína enn frekar á ári hestsins.
Ljósmynd/Adrian Bradshaw/EPA
Skraut Earth Altar Park í Beijing hefur verið skreyttur með ýmsum hætti í
tilefni af nýju ári. Iðulega fer mikið fyrir hátíðarhöldum í kringum nýárið.
Morgunblaðið/Golli
Safn Unnur vonast til að geta opnað Kínasafnið heima hjá sér á þessu ári.
Eitt fyrirtæki á Íslandi hefur sérhæft
sig í hundasleðaferðum fyrir ferða-
menn. Það heitir Dog Sledding og á
vefsíðunni www.dogsledding.is má
skoða eitt og annað um þessa áhuga-
verðu nýjung í ferðamennsku hér á
landi.
Á síðunni kemur meðal annars
fram að fyrirtækið hafi verið stofnað
fyrir sextán árum síðan. Nafninu var
breytt árið 2007 og í dag er boðið
upp á ferðir bæði á sumrin og vet-
urna. Ferðirnar eru mislangar eða frá
klukkustund upp í sex klukkustundir.
Í mars árið 2011 tók fyrirtækið þátt
í keppni á hundasleðum í fyrsta
skipti og hefur áhuginn ekkert dvín-
að. Hundarnir eru fjörutíu og sjö tals-
ins og eru af nokkrum tegundum
sleðahunda og eru á ýmsum aldri.
Þeir elstu eru tíu ára.
Vefsíðan www.dogsledding.is
Keppni Dog Sledding hefur tekið virkan þátt í hundasleðakeppnum hér á landi.
Bjóða upp á hundasleðaferðir
Í kvöld klukkan 20 leikur Lúðrasveit
Reykjavíkur balkan- og latintónlist
ásamt fleiru í Norðurljósasal Hörpu.
Lúðrasveitin mun þar að auki
frumflytja tónverkið Beyglaðir
trompetar III, eftir einn af meðlimum
sveitarinnar, Daníel Sigurðsson. Á
dagskrá tónleikanna eru tónverk eftir
suður-ameríska tónskáldið Arturo
Márquez, svo eitthvað sé nefnt.
Lúðrasveit Reykjavíkur hefur verið
starfandi síðan 1922 og átt höfuð-
stöðvar í Hljómskálanum við Tjörn-
ina. Að þessu sinni munu um 50
manns halda uppi stuðinu undir
stjórn Lárusar Halldórs Grímssonar.
Endilega …
… hlýddu á lúðraþyt
Tónleikar Beyglaðir
trompetar í kvöld.
Ýmsar nýjungar eru í starfi Borgar-
bókasafnsins á þessu ári og er boðið
upp á margs konar afþreyingu fyrir
alla aldurshópa. Í febrúarmánuði
verður boðið upp á leshringi fyrir 9-
12 ára börn í þremur söfnum Borgar-
bókasafns.
Markmiðið er að skapa notalega
stemningu þar sem ákveðnar bækur
verða teknar fyrir, lesnar og ræddar
fram og til baka.
Í kynningu Borgarbókasafnsins á
leshringnum segir að hann sé tilval-
inn bæði fyrir þá sem lesa lítið en
langar til að spreyta sig og hina sem
lesa meira og vilja deila lestrar-
reynslu sinni með öðrum.
Leshringurinn verður alla þriðju-
daga í febrúar kl. 15-16 í aðalsafni,
Ársafni og Foldasafni.
Aðgangur er ókeypis og verður
þátttakendum boðið upp á hressingu.
Rétt er að minna á að skírteini barna
og unglinga fram að átján ára aldri
kosta ekki neitt.
Nánari upplýsingar um viðburði
bókasasafnsins er að finna á vefnum
www.borgarbokasafn.is.
Lesið í góðum félagsskap
Leshringir fyrir 9-12 ára börn í
Borgarbókasafni Reykjavíkur
Leshringur Gott getur verið að spjalla um bækurnar í góðum félagsskap.
Skannaðu kóðann
til að fara inn á
vefsíðuna.