Morgunblaðið - 28.01.2014, Blaðsíða 19

FRÉTTIR 19Viðskipti | Atvinnulíf
MORGUNBLAÐIÐ ÞRIÐJUDAGUR 28. JANÚAR 2014
Viðhaldsfríar
hurðir
Hentar mjög vel
íslenskri veðráttu
Viðhaldsfríir sólskálar og svalalokanir
Við höfum framleitt viðhaldsfría
glugga og hurðir í 29 ár
Nánari upplýsingar á www.solskalar.is
Yfir 40 litir í boði!
Smiðsbúð 10 • 210 Garðabær • Sími: 554 4300 • Fax: 564 1187
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 12-18 og laugardaga frá 11-16
Tískuvöruverslun fyrir konur á öllum aldri
HLÖKKUM TIL AÐ SJÁ ÞIG!
50%AFSLÁTTUR AFÖLLUM
VÖRUM Í BÚÐINNI
Helgi Vífill Júlíusson
helgivifill@mbl.is
Fjórtán fyrirtæki af þeim 32 sem
fengu styrk frá Tækniþróunarsjóði
árið 2005 hafa „náð mjög góðum ár-
angri“ og þrjú þeirra hafa fengið
viðurkenninguna Vaxtarsprotann
sem er veittur framúrskarandi
sprotafyrirtækjum í örum vexti.
Velta fyrirtækjanna hefur nærri
sexfaldast á sjö árum. Fór úr 20,6
milljörðum árið 2005 í 118,9 árið
2012. Fjöldi starfsmanna var 531 á
árinu 2005 en óx í 996 árið 2012
sem er nærri tvöföldun á sama
tíma.
Þetta kemur fram í greinargerð
frá starfshópi sem fjármálaráðherra
skipaði til að koma með tillögu að
því að einstaklingar sem fjárfesta í
nýsköpunarfyrirtækjum í vexti fái
skattaafslátt. Þar segir að í þessum
tölum felist ákveðnar vísbendingar
um að áhrif þess fjármagns sem
ráðstafað er til nýsköpunarfyrir-
tækja séu að mestu leyti jákvæð og
skili sér í fyrirtækjum sem skapi
störf. Fyrirtækin 32 fengu úthlut-
aða 201 milljón króna í styrki.
Meta áhrif skattaívilnana
Í greinargerðinni segir að til að
meta efnahagslegar forsendur
skattaívilnana vegna hlutabréfa-
kaupa megi styðjast við upplýsingar
um þann hóp nýsköpunarfyrirtækja
sem hlaut styrk úr Tækniþróun-
arsjóði á fyrsta heila starfsári hans
árið 2005 og sótti jafnframt um frá-
drátt frá álögðum tekjuskatti vegna
rannsóknar- og þróunarkostnaðar á
árunum 2011 og 2012 á grundvelli
laga nr. 152/2009 um stuðning við
nýsköpunarfyrirtæki.
„Þó framlag Tækniþróunarsjóðs
sé fyrst og fremst ætlað til að fjár-
magna þróun vöru og þjónustu hjá
nýsköpunarfyrirtækjum þá glíma
slík fyrirtæki við takmarkað að-
gengi að fjármögnun þegar þróun-
arstarfi sleppir. Áhrif stuðnings
Tækniþróunarsjóðs geta þannig
reynst vísbending um möguleg
áhrif aukinna fjárfestinga til ný-
sköpunarfyrirtækja gegnum skat-
taívilnanir vegna hlutabréfakaupa,“
segir í greinargerðinni.
Fjögur af 32 hætt rekstri
Af þeim 32 fyrirtækjum sem
fengu 201 milljón króna í styrki
hafa fjögur hætt rekstri og er því
líklegt að þær tólf milljónir króna
sem runnu til þeirra hafi tapast eða
um 6% fjárhæðarinnar.
Fimm fyrirtæki runnu inn í önn-
ur og er gert ráð fyrir að þekking
þeirra og afurðir hafi nýst þar.
Styrkir til þeirra námu 35 millj-
ónum króna. Átta fyrirtæki eru í
rekstri en hafa ekki sótt um frá-
drátt frá álögðum tekjuskatti vegna
rannsókna- og þróunarkostnaðar.
Styrkir til þeirra námu 45 millj-
ónum króna, segir í greinargerð-
inni.
14 fyrirtæki af 32
náðu góðum árangri
 32 fyrirtæki fengu styrk frá Tækniþróunarsjóði árið 2005
Morgunblaðið/Sverrir
Hjálpardekk Samkvæmt greinargerð njóta nýsköpunarfyrirtæki góðs af
styrkjum, eins konar hjálpardekkjum, frá Tækniþróunarsjóði.
Skattaafsláttur
» Samkvæmt tillögu starfs-
hóps sem fjármálaráðherra
skipaði fá einstaklingar sem
fjárfesta í nýsköpunarfyrir-
tækjum í vexti skattaafslátt.
» Markmið hennar er að
stuðla að vexti lítilla nýsköp-
unarfyrirtækja.
» Fram kemur í greinargerð-
inni að ætla megi að þessar
skattaívilnanir komi einkum að
gagni á vaxtarskeiði fyrirtækja
sem eru afsprengi rannsókna.
» Greiður aðgangur að fjár-
magni er nauðsynleg forsenda
vaxtar fyrir frumkvöðla og ný-
sköpunarfyrirtæki.
● Moody’s hefur
fært lánshæfis-
einkunn Sony niður
í ruslflokk. Moo-
dy’s segir að jap-
anski tæknirisinn
þurfi að vinna bet-
ur í að ná jafnvægi
í rekstrinum.
Sony var áður
með lánshæfinseinkunnina Baa3 en er
nú með einkunnina Ba1, sem kölluð er
ruslflokkur.
Moody’s segir í rökstuðningi sínum
að Sony hafi tekist að ná ákveðnum ár-
angri hvað varðar hagnað á ýmsum
sviðum rekstrarins en enn vanti upp á
að ná jafnvægi í heildarhagnaði sam-
steypunnar.
Moodýs setur lánshæfi
Sony niður í ruslflokk
● Netnotkun Íslendinga eykst lítillega á
milli ára, líkt og fyrri ár, og teljast nú
95% íbúa landsins til reglulegra netnot-
enda. Er það hæsta hlutfall sem mælist
í Evrópu, en meðaltal reglulegra netnot-
enda í löndum Evrópusambandsins er
72%, samkvæmt frétt á heimasíðu
Hagstofunnar í gær.
Tæplega helmingur netnotenda
tengist netinu á farsímum eða snjall-
símum og þar af taka 72% myndir á
síma sína til að hlaða beint inn á netið.
59% netnotenda taka öryggisafrit af
gögnum sínum, en af þeim sem það
gera nota 55% til þess geymslurými á
netinu, eða tölvuský. 12% þeirra ein-
staklinga sem nota tölvuský til að
geyma öryggisafrit af gögnum greiða
fyrir það.
Tölvu- og netnotkun
mælist mest á Íslandi
● Haukur Sörli Sigurvinsson hefur ver-
ið ráðinn forstöðumaður sölusviðs hjá
Vífilfelli á matvörumarkaði, Haukur er
með BS gráðu í Alþjóðamarkaðs-
fræðum frá Tæknihásk óla Íslands.
Haukur starfaði áður sem
framkvæmdastjóri markaðssviðs hjá
fjarskiptafyrirtækinu Tali, hann er þó
ekki alveg ókunnur Vífilfelli þar sem
hann starfaði áður hjá fyrirtækinu í
rúmlega 7 ár og síðast sem markaðs-
stjóri gosdrykkja.
Jón Haukur Baldvinsson hefur verið
ráðinn forstöðumaður söludeildar Vílfil-
fells á veitingasviði. Jón Haukur er með
BA gráðu í markaðs- og auglýsinga-
fræði frá London College of Communi-
cations. Jón Haukur hefur áður starfað
sem markaðsstjóri Icelandair á Íslandi
og sem sölustjóri félagsins í USA. Hann
hefur einnig starfað sem markaðsstjóri
BYKO og vörumarkaðsstjóri hjá Marel
Food Systems.
Nýir forstöðumenn hjá Vífilfelli
Haukur Sörli
Sigurvinsson
Jón Haukur
Baldvinsson