Morgunblaðið - 03.02.2014, Blaðsíða 12

MORGUNBLAÐIÐ MÁNUDAGUR 3. FEBRÚAR 2014
BAKSVIÐ
Guðmundur Magnússon
gudmundur@mbl.is
Sjálfstæðisflokkurinn vinnur stór-
sigur og Vestmannaeyjalistinn geld-
ur afhroð í sveitarstjórnarkosning-
unum í Vestmannaeyjum
samkvæmt nýrri skoðanakönnun
Félagsvísindastofnunar Háskóla Ís-
lands fyrir Morgunblaðið.
Sjálfstæðisflokkurinn fær 62,2%
fylgi í könnuninni og bætir við sig
tveimur bæjarfulltrúum, fengi sex í
stað þeirra fjögurra sem hann hefur
nú.
Vestmannaeyjalistinn fær 19,5%
fylgi og einn mann kjörinn í stað
þriggja núna. Í kosningum árið 2010
fékk listinn 36% atkvæða.
Samkvæmt þessu væri Sjálfstæð-
isflokkurinn með sex fulltrúa í sjö
manna bæjarstjórn Vestmannaeyja.
Fleiri nefndir
Framsóknarflokkurinn mælist
með 6,5% fylgi. Það er sama fylgi og
Píratar fá.
Björt framtíð er nefnd af 4,3%
þátttakenda í könnuninni. Enginn
þessara lista fengi mann kjörinn.
1,1% þátttakenda sagðist vilja kjósa
einhvern annan lista.
Kynferði hefur ekki áhrif
Ekki er verulegur munur á fylgi
listanna í Vestmannaeyjum þegar
kynferði þátttakenda er skoðað. Þó
eru konur nokkru fleiri en karlar
meðal kjósenda bæði Sjálfstæðis-
flokksins og Vestmannaeyjalistans.
Aftur á móti eru það eingöngu karl-
ar sem segjast vilja kjósa Pírata. Er
það í samræmi við greiningu á
niðurstöðum annarra kannana að
undanförnu.
Ungir vilja ekki
Vestmannaeyjalistann
Sjálfstæðisflokkurinn hefur mest
fylgi í öllum aldurshópum, en mest
meðal elstu kjósendanna. Lítill
stuðningur er við Vestmanna-
eyjalistann meðal yngstu kjósend-
anna, 8% á aldrinum 18 til 29 ára
ætla að kjósa listann. 42% þeirra
ætla aftur á móti að kjósa Sjálf-
stæðisflokkinn. Meðal yngstu kjós-
endanna vilja 28% kjósa Pírata.
Lítill munur eftir tekjum
og menntun
Ekki er að sjá að menntun hafi
áhrif á afstöðu þátttakenda í könn-
uninni. Er nokkuð jöfn dreifing
fylgis við listana meðal fólks með
ólíka menntun að baki. Tekjur hafa
heldur ekki stór áhrif. Meiri stuðn-
ingur við Vestmannaeyjalistann er
þó meðal þeirra sem hafa tekjur á
bilinu 300 til 400 þúsund krónur á
mánuði en þeirra sem eru tekju-
lægri eða tekjuhærri.
Sveifla til Sjálfstæðisflokksins
Þegar athugað var hvað þátttak-
endur höfðu kosið í sveitarstjórn-
arkosningunum árið 2010 kom í ljós
að um 13% kjósenda Vestmanna-
eyjalistans þá ætla að kjósa Sjálf-
stæðisflokkinn núna. Um 14% kjós-
enda Framsóknarflokksins kjósa
Sjálfstæðisflokkinn núna.
Flestir sem ætla að kjósa Sam-
fylkinguna og Vinstri græn til þings
núna styðja Vestmannaeyjalistann.
Allur þorri kjósenda sem hyggjast
kjósa Sjálfstæðisflokkinn í þing-
kosningum styður framboðslista
flokksins í Vestmannaeyjum.
Svarhlutfall 63%
Könnun var gerð dagana 15. til
23. janúar. Spurt var: „Ef sveitar-
stjórnarkosningar væru haldnar á
morgun, hvaða flokk eða lista
myndir þú kjósa?“ Tvær leiðir voru
notaðar til að ná til kjósenda. Ann-
ars vegar var hringt í 450 manna til-
viljunarúrtak úr þjóðskrá meðal
fólks á aldrinum 18 ára og eldri.
Hins vegar var send netkönnun til
50 manna úrtaks úr netpanel Fé-
lagsvísindastofnunar. Alls fengust
svör frá 303 svarendum á aldrinum
18 til 89 ára. Var svarhlutfall 63%.
Vigtaður svarendafjöldi var hins
vegar 304.
Meirihlutinn með fjóra
Í sjö manna bæjarstjórn Vest-
mannaeyja sitja nú Elliði Vignisson
bæjarstjóri, Páley Borgþórsdóttir,
Páll Marvin Jónsson og Gunnlaugur
Grettisson fyrir Sjálfstæðisflokkinn.
Fulltrúar Vestmannaeyjalistans eru
Kristín Jóhannsdóttir, Jórunn Ein-
arsdóttir og Sigurlaug Björk Böðv-
arsdóttir. Samkvæmt þessu fer
Sjálfstæðisflokkurinn með meiri-
hluta í bæjarstjórninni.
Elliði vill leiða
Sjálfstæðisflokkinn
Enn hefur ekki verið gengið frá
neinum framboðslista í Vestmanna-
eyjum vegna kosninganna í vor. El-
liði Vignisson bæjarstjóri hefur lýst
áhuga á því að leiða áfram lista
sjálfstæðismanna. „Ég er bæjar-
búum óendanlega þakklátur fyrir
það traust sem mér hefur hingað til
verið sýnt bæði í kosningum og þá
ekki síður í starfi mínu sem bæj-
arstjóri. Ég er hrærður yfir þeim
stuðningi sem ég hef fundið og þá
ekki síst í þeim málum þar sem
samfélagið hefur tekið höndum
saman í að standa vörð um Vest-
mannaeyjar,“ skrifaði hann á
heimasíðu sína fyrir nokkrum dög-
um. Elliði sagði að með sameigin-
legu átaki hefði tekist að snúa stöðu
sem margir hefðu talið vonlausa í
sóknarfæri. „Í stað sveitarfélags
sem glímdi við viðvarandi íbúafækk-
un, neikvæðan fjárhagslegan rekst-
ur og stöðnun á mörgum sviðum
eigum við nú eitt öflugasta sveitar-
félag á landinu. Reksturinn er í
blóma, bæjarsjóður nánast skuld-
laus, íbúum fjölgar ár eftir ár og
mælingar sýna að Eyjamenn eru
meðal þeirra ánægðustu á landinu
öllu þegar spurt er um þjónustu
sveitarfélagsins,“ skrifaði bæja-
tjórinn.
Fylgi eftir því hvað var kosið síðast*
Fra
ms
ókn
arfl
.
Kýs nú:
Kaus þá:
Sjá
lfst
æð
isfl.
Ann
an
flok
k
eða
fram
b.
?
Björt framtíð Framsóknarflokkur Sjálfstæðisflokkur Vestmannaeyjalistinn Píratar
Flokkur ef kosið yrði á morgun til Alþingis
Myndi
kjósa í
sveitar-
stjórn:
Samkvæmt könnun Félagsvísindastofnunar HÍ fyrir Morgunblaðið 15.-23. janúar 2014. *Í sveitarstjórnakosningum 2010.
Fra
ms
ókn
arfl
.
Myndi
kjósa á
Alþingi:
Sjá
lfst
æð
isfl.
Bjö
rt f
ram
tíð
Vin
stri
-græ
n
Sam
fylk
ing
Ves
tma
nna
eyja
l.
46%
14%
13%
27%
2%
95%
3%
3%
11%
13%
72%
70%
12%
19%
4%
31%
52%
8%
4%
2%
95%
3%
11%
89%
25%
75%
20%
33%
47%
Ann
an
flok
k eð
a lis
ta
?
Bjö
rt f
ram
tíð
Fra
ms
ókn
arfl
.
Píra
tar
Sjá
lfst
æð
isfl.
Niðurstöður kosninga 2010 Fylgi skv. könnun 15.-23. jan.
Fjöldi bæjarfulltrúa,
væri gengið til kosninga nú.
Fjöldi bæjarfulltrúa,
eftir síðustu kosningar.
Svör alls: 303 Svarhlutfall: 63% Nefndu einhvern flokk: 185
Veit ekki: 46 Skila auðu/ógildu: 13 Ætla ekki að kjósa: 8 Vilja ekki svara: 52
Fylgi stjórnmálaflokka
samkvæmt könnun Félagsvísindastofnunar HÍ fyrir Morgunblaðið 15.-23. janúar 2014
vegna sveitarstjórnarkosninga 31. maí 2014
Ves
tma
nna
eyja
l.
62,2%
55,6%
19,5%
36,0%
6,5%8,4% 6,5% 4,3% 1,1%
64 13
Með sex af sjö bæjarfulltrúum
 Ný skoðanakönnun Félagsvísindastofnunar fyrir Morgunblaðið á fylgi flokka í Vestmannaeyjum
 Sjálfstæðisflokkurinn með 62,2% fylgi  Vestmannaeyjalistinn tapar tveimur bæjarfulltrúum
Ljósmynd/Ómar Garðarsson
Eyjar Bæjarstjórnin er skipuð sjö fulltrúum. Fjórir koma frá Sjálfstæðisflokknum, þrír karlar og ein kona. Allir fulltrúar Vestmannaeyjalistans eru konur.
SKOÐANAKÖNNUN
VESTMANNAEYJAR