Morgunblaðið - 20.03.2014, Blaðsíða 21
21
MORGUNBLAÐIÐ FIMMTUDAGUR 20. MARS 2014
Hátt uppi Glerhýsi borgarinnar þarf að þrífa reglulega og til þess nota gluggaþvottamenn stórvirkar vinnuvélar svo þeir geti sinnt starfi sínu, rétt eins og þessi sem þreif Grófarhús nýlega.
Eggert
Eftir að þingmenn Fram-
sóknarflokksins í Reykjavík
lögðu fram þingsályktunar-
tillögu um að setja Sundabraut
aftur inn í samgönguáætlun
brást innanríkisráðherrann vel
við og varð við ósk þeirra. Mikil-
væg framkvæmd sem var tekin
af áætlun af fyrri ríkisstjórn
með samþykki borgaryfirvalda
er aftur komin á dagskrá. Rök-
rétt framhald er því að taka upp
aðalskipulagið, færa Sunda-
brautina framar í forgangsröðinni og taka til
baka þá ákvörðun að fjármagni frá ríkinu til
framkvæmda við stofnbrautir í Reykjavík
verði frestað.
Arðsamasta vegaframkvæmdin
Í 12 ára áætlun um vegaframkvæmdir í
landinu er áætlað að verja 240 milljörðum til
jarðganga, brúa og annarra vegaframkvæmda.
Mjög lítill hluti þeirrar upphæðar er ætlaður
til framkvæmda í Reykjavík svo
sem Sundabrautar þrátt fyrir að
hún komi til með að þjóna þorra
landsmanna. Í umferðarspám sem
gerðar voru í Aðalskipulagi
Reykjavíkur 2010-2030 um nýt-
ingu Sundabrautar kemur fram að
um hana muni fara 23.000 til
30.000 bílar á sólarhring árið 2030.
Til samanburðar fara um 5.000
bílar um Hvalfjarðargöng á sólar-
hring, innan við 1.000 bílar fara að
meðaltali um Héðinsfjarðargöng á
sólarhring og reiknað er með að
um 1.200 bílar muni fara um
Vaðlaheiðargöng á sólarhring þegar þau verða
opnuð.
Meginforsendan fyrir sameiningu
Reykjavíkur og Kjalarness
Sundabraut var ein af forsendum fyrir sam-
einingu Reykjavíkur og Kjalarness á sínum
tíma. Hún er þýðingarmikið öryggisatriði og
með tilkomu hennar léttir verulega á leiðinni í
gegnum Mosfellsbæ með öllum þeim hring-
torgum sem á þeirri leið eru. Út frá öryggis-
sjónarmiðum er mikilvægt að hægt sé að rýma
borgina skjótt og örugglega. Í heild styttir
Sundabraut leiðina um allt að 10 km auk þess
sem tímalengdin styttist verulega þar sem
leiðin verður greiðfærari. Með því að leggja
nýja stofnbraut frá Grafarvogi upp á Kjalar-
nes opnast fyrir mikið byggingarland. Þar
verður til áhugavert atvinnusvæði meðfram
brautinni, en bæði verð og framboð á atvinnu-
lóðum hefur lengi verið óviðunandi í Reykja-
vík. Sundabraut yfir Elliðavog styttir ferða-
tímann milli Grafarvogs og miðborgarinnar
enda hafa Grafarvogsbúar beðið eftir þessari
samgöngubót frá því hverfið byggðist. Í um-
ræðunni um þéttingu byggðar gleymist oft
hvernig hægt er að bæta samgöngur milli
hverfa og stytta leiðir innan borgarmarkanna.
Spennandi samvinnuverkefni
Sundabraut mun án vafa verða til þess að
búa til ný tækifæri í uppbyggingu borgar-
innar. Fjölmörg viðamikil rök mæla með því að
ráðist verði í framkvæmdina auk þess sem hún
er kjörið samvinnuverkefni. Við teljum það
koma vel til greina að Reykjavíkurborg, Faxa-
flóahafnir og ríkið leggi saman í þessa fram-
kvæmd, auk hugsanlega fleiri hagsmunaaðila
s.s. eins og öflugra fyrirtækja á Grundartanga.
Með því móti væri hægt að fjármagna hluta
framkvæmdarinnar. Sundabraut er búin að
vera eitt helsta baráttumál Reykvíkinga í sam-
göngumálum í tvo áratugi. Virkjum sam-
takamátt allra þeirra sem gera sér grein fyrir
mikilvægi þessa mannvirkis og látum Sunda-
braut vera eitt af táknum þess að tímabil erfið-
leika er liðið og við tekur tímabil framfara,
bjartsýni og velgengni.
Eftir Óskar Bergsson » Látum Sundabraut vera
eitt af táknum þess að
tímabil erfiðleika er liðið og
við tekur tímabil framfara,
bjartsýni og velgengni.
Óskar Bergsson
Höfundur er oddviti Framsóknarflokksins fyrir
borgarstjórnarkosningarnar.
Sundabraut aftur á dagskrá
Með samkomulagi Orkuveitu
Reykjavíkur, OR, og Sveitarfé-
lagsins Ölfuss, SÖ, dags. 28. apríl
2006 í tengslum við fyrsta áfanga
Hellisheiðarvirkjunar skuldbatt
sveitarfélagið sig til að veita
framkvæmdaleyfi og greiða
hratt og örugglega fyrir skipu-
lagsmálum í þágu virkjunarinnar
gegn greiðslum frá OR. Fráleitt
en satt. Í samkomulaginu var
kveðið í 4. gr. á um sérstaka ráð-
gjafarnefnd um uppgræðslu-
verkefni til að mæta raski af völdum virkj-
unarinnar og til almennra landbóta. Í kjölfarið
var stofnaður Uppgræðslusjóður Ölfuss með
samþykktum dags. 22. maí 2008 undirrituðum
af Kjartani Magnússyni f.h. OR og þáverandi
sveitarstjóra SÖ. Samkvæmt
samþykktunum skuldbatt OR
sig til að leggja alls 75.000.000
kr. til uppgræðslu og endur-
heimt votlendis innan sveitarfé-
lagsins. Í 6. gr. samþykktanna
segir að ákveði OR og SÖ að
leggja niður sjóðinn skuli ráð-
stafa eignum hans í samræmi við
tilgang og stefnu sjóðsins.
Á heimasíðu SÖ er nú upplýst
að Gagnaveita Reykjavíkur, ehf.
(GR) og SÖ hafi gert með sér
samning um lagningu ljósleiðara
og rekstur gagnaflutningskerfis
með meiru. Enn fremur segir að ákveðið hafi
verið „í samráði“ við OR að það fjármagn sem
liggur í Uppgræðslusjóði Ölfuss verði innleyst
og lagt í verkefnið.
Svo sannarlega er ég ekki á móti ljósleið-
aravæðingu. Ég tel ljósleiðara í dag vera hluta
af grunnstoðum hvers þjóðfélags, grunn-
stoðum sem eigi að vera á samfélagslegri
hendi ríkisins þar sem allir þegnar sitji við
sama borð, hvar sem þeir kjósa sér búsetu.
Það er hins vegar deginum ljósara að með því
að ráðstafa fé Uppgræðslusjóðs Ölfuss til
þessa verkefnis er þverbrotið gegn tilgangi og
stefnu sjóðsins samkvæmt samþykktum hans
frá árinu 2008 og samkomulagi OR og SÖ frá
árinu 2006, sbr. áður greinda 6. gr. sam-
þykkta sjóðsins og 4. gr. samkomulagsins
sömu aðila. Ráðstöfun fjármuna Upp-
græðslusjóðsins til ljósleiðaravæðingar er
bersýnilega ólögmæt og með ólíkindum að
þeim sé varið til einkahlutafélags, GR, sem
átti ekki aðild að samningum OR og SÖ, og án
þess að liggi fyrir formlegt samþykki samn-
ingsaðila.
Í þessu samhengi er ástæða til að minna á
að Landgræðsla ríkisins og fleiri aðilar hafa
undanfarna áratugi unnið kraftaverk við upp-
græðslu á söndum og sandbornum hraunum
umhverfis byggðina í Þorlákshöfn og komið í
veg fyrir óbærilegt sandfok. Má jafnvel halda
því fram að þetta kraftaverk hafi tryggt líf-
vænlega byggð á staðnum. Þar er þó enn mik-
ið verk að vinna. Að fórna Uppgræðslusjóði
Ölfuss er bæði lagalega og siðferðilega óá-
sættanlegt.
„Mútusamningur“ OR og SÖ frá árinu 2006,
í anda sambærilegra samninga Landsvirkj-
unar við sveitarfélög við Þjórsá, var óboðleg-
ur. Nú hefur SÖ gert illt verra.
Eftir Atla Gíslason » Að fórna Uppgræðslusjóði
Ölfuss er bæði lagalega og
siðferðilega óásættanlegt.
Atli Gíslason
Höfundur er hrl. og fyrrverandi alþingismaður.
Uppgræðslusjóði Ölfuss fórnað í blóra
við samninga og samþykktir