Morgunblaðið - 20.03.2014, Blaðsíða 12
BAKSVIÐ
Anna Lilja Þórisdóttir
annalilja@mbl.is
Kjaradeilu grunnskólakennara við
Samband íslenskra sveitarfélaga var
vísað til ríkissáttasemjara í fyrra-
dag. Samningar hafa verið lausir í
um tvö ár, viðræður hafa staðið yfir
með hléum undanfarna mánuði án
teljandi árangurs og formaður Fé-
lags grunnskólakennara segir kenn-
ara orðna óþolinmóða. Fyrsti fundur
undir stjórn ríkissáttasemjara verð-
ur haldinn í fyrramálið og á samn-
ingaborðinu eru umtalsverðar
hækkanir og verulegar breytingar á
vinnutíma.
„Við vísuðum þessu til ríkissátta-
semjara til að skerpa á viðræðun-
um,“ segir Ólafur Loftsson formaður
Félags grunnskólakennara.
Í viðtali við mbl.is í síðasta mánuði
sagði Ólafur að verið væri að ræða
25-30% launahækkun og að verið
væri að ræða samningsgerð til ársins
2017. Spurður hvort þessar hug-
myndir séu enn uppi á borðinu segir
hann svo vera. „Við erum ennþá að
ræða við sveitarfélögin um samning
til ársins 2017 þar sem launin okkar
yrðu sambærileg við laun annarra
háskólamenntaðra stétta. Það sem
við höfum verið að ræða undanfarið
er hvaða efnisatriði væru inni í slík-
um samningi. Það samtal er ennþá í
gangi, en það þarf að fara að klára
það.“
Ekki farin að huga að verkfalli
Sveitarfélögin hafa í gegnum tíð-
ina lagt áherslu á að breyta þurfi
vinnufyrirkomulagi grunnskóla-
kennara og að undanförnu hefur ver-
ið reynt, að sögn Ólafs, að finna á því
sameiginlegan flöt. „Þar erum við
stödd í viðræðunum núna. Vegna
þess hvernig skólinn hefur breyst á
undanförnum árum, höfum við lagt
áherslu á að kennarinn hafi svigrúm
til að sinna síbreytilegum nemenda-
hópi og sífellt fleiri verkefnum. Ef
það er hægt að tvinna þetta saman
við hugmyndir sveitarfélaganna um
breytt vinnutímafyrirkomulag, ætt-
um við að ná árangri.“
Kjarasamningar grunnskólakenn-
ara hafa verið lausir í tvö ár. „Mann-
skapurinn er farinn að ókyrrast og
þess vegna verðum við að fara að fá
svör við þessum spurningum.“ Setjið
þið ykkur einhver tímamörk varð-
andi það hvenær þið viljið vera búin
að ná samningum? „Núna er þetta í
höndum ríkissáttasemjara sem
ákveður hvernig spilast úr þessu. Ég
á frekar von á því að menn vilji vinna
þetta frekar hratt, auðvitað viljum
við semja sem fyrst og vegna þess
hvernig skólastarfið er skipulagt
væri nauðsynlegt að klára þetta fyrir
sumarleyfi. Það væri vond staða að
vera með þetta óklárað út í sumarið.“
Forystumenn framhaldsskóla-
kennara fóru að ræða verkfall fljót-
lega eftir að deilu þeirra við ríkið var
vísað til ríkissáttasemjara. Eru
grunnskólakennarar farnir að huga
að verkfalli? „Við erum ekkert farin
að ræða það eða velta því fyrir okkur
á þessum tímapunkti,“ segir Ólafur.
Við erum að að einbeita okkur að því
að klára samninga.“
Vilja taka niður girðingar
Inga Rún Ólafsdóttir, formaður
samninganefndar Sambands ís-
lenskra sveitarfélaga, staðfestir að
verið sé að skoða mögulegar leiðir til
verulegra hækkana á grunnlaunum
grunnskólakennara. „Við höfum ver-
ið að skoða leiðir að því markmiði
með því að gera breytingar á vinnu-
tímaákvæði kjarasamningsins,“ seg-
ir Inga Rún. Spurð að því í hverju
þessar breytingar felist segir hún að
aðalinntak þeirra sé að kennarar
skili vinnu sinni innan veggja skól-
ans, á dagvinnutíma og að núverandi
vinnufyrirkomulag grunnskólakenn-
ara, þar sem vinnutímanum sé skipt
niður eftir verkefnum, verði að
mestu afnumið. „Við myndum vilja
taka niður allar þessar girðingar og
færa vinnutímann í það horf sem er
almennt á vinnumarkaði.“
Hvers vegna leggið þið svona
mikla áherslu á þetta? „Það eru
breyttar kröfur í skólastarfi og nú-
verandi fyrirkomulag gerir erfiðara
um vik að uppfylla þær,“ segir Inga
Rún. Hún segir að nokkrir skólar á
landinu hafi um skeið unnið sam-
kvæmt þessu fyrirkomulagi, það hafi
reynst vel og að þar mælist starfs-
ánægja kennara einna mest.
Mannskapurinn er
farinn að ókyrrast
Grunnskólakennarar og sveitarfélög til ríkissáttasemjara á
morgun Ræða verulegar hækkanir og vinnutímabreytingar
Inga Rún
Ólafsdóttir
Ólafur
Loftsson
Morgunblaðið/Eggert
Í skólanum Kjarasamningar grunn-
skólakennara hafa verið lausir í um
tvö ár og hefur deilunni nú verið
vísað til ríkissáttasemjara.
12 FRÉTTIRInnlent
MORGUNBLAÐIÐ FIMMTUDAGUR 20. MARS 2014
„Þetta er áhugaverð skýrsla og
margt í henni sem ég tel til mikils
gagns í umræðu um menntamálin,
það eru til dæmis sláandi tölur um
kostnað við brottfall nemenda,“ seg-
ir Illugi Gunnarsson menntamála-
ráðherra um skýrslu Samtaka sveit-
arfélaga á höfuðborgarsvæðinu um
sameiginlega skólastefnu, sem kynnt
var í vikunni.
Í skýrslunni kemur m.a. fram að
kostnaður samfélagsins vegna brott-
falls nemenda úr framhaldsskólum
sé áætlaður um 52 milljarðar króna,
þar af 32 milljarðar á höfuðborgar-
svæðinu. Lögð er fram aðgerðaáætl-
un til að minnka brottfallið og kallað
eftir nánu samstarfi ríkis og sveitar-
félaga.
Í skýrslunni er sömuleiðis hvatt til
þess að þau sveitarfélög á höfuð-
borgarsvæðinu, sem áhuga hafa, fái
leyfi menntamálayfirvalda til að taka
yfir rekstur einstakra framhalds-
skóla. Það sé þá þróunarverkefni til
fimm ára. Menntamálaráðherra er
hins vegar efins um þessa yfirtöku.
„Það kann að virka ágætlega hjá
tilteknum sveitarfélögum sem hafa
til þess styrk, en verður erfiðara hjá
öðrum,“ segir Illugi og bendir á að
valmöguleikar nemenda verði ekki
þeir sömu, t.d. á að sækja nám út fyr-
ir sitt hérað, og fleira kæmi til.
„Hins vegar er full ástæða til að
fara í gegnum þessa umræðu og
ræða þetta við sveitarfélögin. Fyrstu
viðbrögð eru þau að það þarf að
sannfæra mig með gildum rökum um
að þetta gangi upp fyrir allt landið.
Ég tel það í raun ekki ganga að hafa
tvöfalt kerfi, að sumir skólar verði
reknir af ríkinu en aðrir af sveitar-
félögunum. En ég fagna allri um-
ræðu og þessi skýrsla sveitarfélag-
anna er mjög gott framtak,“ segir
Illugi. bjb@mbl.is
Meinbugir á yfir-
töku sveitarfélaga
Menntamálaráð-
herra segir kostnað
við brottfallið sláandi
Morgunblaðið/Skapti Hallgrímsson
Framhaldsskólar Langflestir fram-
haldsskólar eru reknir af ríkinu.
Viðar Guðjónsson
vidar@mbl.is
Fastanefnd Íslands hefur fundað
með flestum af þeim 166 ríkjum
sem eiga aðildarsamning að Al-
þjóðlega hafréttarsamningnum í
viðleitni sinni til þess að afla fram-
boði Tómasar H. Heiðar, til dómara
hjá Alþjóðlega hafréttardóm-
stólnum, fylgis. Fram kemur í fyr-
irspurn til utanríkisráðuneytisins
að allar sendiskrifstofur Íslands
hafi beitt sér fyrir framboðinu með
það að markmiði að ná eyrum 193
aðildarríkja Sameinuðu þjóðanna.
Dómarakjörið mun fara fram á að-
ildarríkjafundi hafréttarsamnings-
ins í New York í júní 2014. Fram-
boð Íslands er samnorrænt og
nýtur stuðnings hinna Norður-
landanna. Vesturlönd eiga aðeins
3-4 sæti af 21 í dóminum og er því
mikil samkeppni um þessar fáu
dómarastöður.
Mótframbjóðandi Tómasar heitir
Helmut Türk og er frá Austurríki.
Hann hefur verið dómari við Al-
þjóðlega hafréttardóminn frá 2005
en er nú tilnefndur til endurkjörs
af hálfu Möltu.
Kappsmál fyrir Ísland
Í svari við fyrirspurn til utanrík-
isráðuneytisins kemur fram að litið
er á framboðið sem afar mikilvægt
fyrir Ísland í ljósi mikilla hags-
muna þess í hafréttarmálum og að
það sé eðlilegt þegar litið er til
góðs orðspors Íslands á þessu sviði.
,,Hafréttarsamningur Sameinuðu
þjóðanna er sá samningur sem hef-
ur haft mest áhrif á efnahagslega
velferð á Íslandi og er það því
kappsmál fyrir Ísland að valinn
maður sé í hverju rúmi þegar kem-
ur að þeim stofnunum sem settar
voru á stofn samkvæmt samn-
ingnum,“ segir í svarinu. Enn-
fremur kemur fram að kostnaður
við framboðið liggi ekki fyrir, en
leitast sé við að gæta hófs við hann.
Íslendingar hafa áður átt fulltrúa
hjá dómstólnum, árin 1996-2002
þegar Guðmundur Eiríksson sinnti
starfinu.
Morgunblaðið/Kristinn
Alþjóðlegi hafréttardómstóllinn Tómas H. Heiðar hefur verið tilnefndur
til að taka sæti hjá Alþjóðlega hafréttardómstólnum í Hamborg.
Miklu til tjaldað
til við framboðið
Framboð Íslands
» Tómas H. Heiðar hefur verið
tilnefndur til sætis dómara við
Alþjóðlega hafréttardómstól-
inn í Hamborg.
» Miklu hefur verið til tjaldað
til að afla framboðinu fylgis
meðal aðildarríkja SÞ.
» Litið er á framboðið sem af-
ar mikilvægt fyrir Ísland í ljósi
mikilla hagsmuna þess í haf-
réttarmálum