Morgunblaðið - 20.03.2014, Blaðsíða 36
36 MENNING
MORGUNBLAÐIÐ FIMMTUDAGUR 20. MARS 2014
Helgi Snær Sigurðsson
helgisnaer@mbl.is
„Þetta er í annað sinn sem við höld-
um þessa hátíð en það hefur aldrei
verið haldin kvikmyndahátíð fyrir
börn og unglinga á Íslandi áður,“
segir Hrönn Sveinsdóttir, fram-
kvæmdastjóri kvikmyndahússins
Bíó Paradís, um Alþjóðlega barna-
kvikmyndahátíð sem hefst þar í dag.
Hrönn segir mjög mikilvægt að
veita börnum og unglingum aðgengi
að kvikmyndum sem séu búnar til
víðs vegar um
heiminn og af
ýmsum og öðrum
toga en þær kvik-
myndir sem alla
jafna sé boðið
upp á í kvik-
myndahúsum
landsins. „Út um
allan heim er ver-
ið að framleiða
mjög metnaðar-
fullt og flott skap-
andi barnaefni sem kemur aldrei til
Íslands og við lítum á þetta sem okk-
ar hlutverk í kvikmyndafræðslu, að
veita aðgengi að þessu efni og gefa
tækifæri til fjölbreyttari upplifana á
hvíta tjaldinu en eru í boði venju-
lega. Þetta er afar mikilvægt í
fræðslu og menningarlegum skiln-
ingi, þarna erum við að kynna börnin
fyrir heimum annarra barna víðs
vegar um heim sem við sjáum aldr-
ei,“ segir Hrönn. Hún nefnir sem
dæmi franska heimildarmynd fyrir
börn sem sýnd verður á hátíðinni,
Sur le chemin de l’école, Á leið í skól-
ann, sem fjallar um börn í ólíkum
löndum sem eiga það sameiginlegt
að afar langt er fyrir þau að fara í
skóla. „Þetta eru myndir sem börn
og unglingar á Íslandi hefðu annars
ekki tækifæri á að sjá,“ segir Hrönn.
– Hvað var haft að leiðarljósi við
val á myndum á hátíðina?
„Við veljum myndirnar okkar inn
af þessum hátíðum sem eru haldnar
víðs vegar um heiminn, alþjóðlegum
barna- og unglingakvikmyndahátíð-
um. Margar myndanna hafa unnið til
verðlauna á þeim. Okkur finnst líka
mikilvægt að börn á Íslandi fái að
kynnast þessu fjölbreytta sjónar-
horni sem ég var að lýsa en þetta er
ekki bara fyrir börn og unglinga
heldur fyrir alla fjölskylduna. Við
viljum geta boðið upp á eitthvað sem
börn, unglingar og foreldrar hafa
gaman af að sjá saman í bíó, eitthvað
sem er aðeins öðruvísi.“
Klassík við lifandi undirleik
„Við höfum líka áhuga á því að
kynna fólk fyrir kvikmyndasögunni
og möguleikunum í heimi kvik-
myndanna. Við erum t.d. með sýn-
ingu á kvikmynd Harolds Lloyds,
Safety Last, klassík sem margir
hafa heyrt um en ekki séð í bíó. Við
ætlum að sýna hana við lifandi und-
irleik eins og var gert í gamla daga -
af því hún er náttúrlega þögul - og
það er jafnskemmtilegt fyrir börn og
fullorðna að upplifa það,“ segir
Hrönn. Pálmi Sigurhjartarson
píanóleikari mun sjá um undirleik á
sýningunni. Hrönn segir börn einnig
geta kynnt sér fyrstu tæknina í kvik-
myndagerð, camera obscura, í Bíó
Paradís, stigið inn í myrkvaðan klefa
og horft á fjögurra mínútna bíósýn-
ingu.
Opnunarhátíð Alþjóðlegrar
barnakvikmyndahátíðar hefst kl.
17.30 í dag og er hún öllum opin.
Gestum verður boðið upp á kara-
mellupopp, súkkulaðiköku og töfra-
brögð og Jón Gnarr borgarstjóri
mun setja hátíðina. Kl. 18 hefst sýn-
ing á opnunarmynd hátíðarinnar,
Antboy, sem segir af pilti sem stung-
inn er af maur og öðlast við það ofur-
hetjukrafta. Leiklesari fyrir aðal-
persónu myndarinnar, Ágúst Örn
Wigum, mun svara spurningum bíó-
gesta að sýningu lokinni.
Á morgun kl. 17 verður frumsýnd
önnur opnunarmynd hátíðarinnar,
Karsten og Petra blir bestevenner
eða Andri og Edda verða bestu vinir,
norsk kvikmynd ætluð börnum
þriggja ára og eldri. Slökkviliðs-
menn koma við sögu í myndinni og
hálftíma fyrir sýningu munu slökkvi-
liðsmenn af höfuðborgarsvæðinu
sýna börnum ýmsan búnað sem þeir
nota við störf sín. Fleiri viðburðir
verða í boði á hátíðinni, m.a. sérstök
sýning laugardaginn 23. mars á The
Goonies sem félagarnir Sveppi og
Villi munu talsetja í bíósal. Verður
það eflaust skondin talsetning.
Kvikmyndafræðsla og
innsýn í ólíka heima
Ljósmynd/Rolf Konow
Maurastrákur Stilla úr kvikmyndinni Antboy sem segir af ungum dreng
sem stunginn er af maur og öðlast við það ofurhetjukrafta.
Alþjóðleg barnakvikmyndahátíð hefst í Bíó Paradís í dag
Hrönn
Sveinsdóttir
Átta nýjar eða nýlegar kvik-
myndir verða sýndar á hátíðinni
auk eldri mynda og stuttmynda.
Antboy
Dönsk kvikmynd framleidd í
fyrra, ætluð fimm ára og eldri og
með íslenskri talsetningu. Í
henni segir af 12 ára gömlum
dreng, Palla, sem bitinn er af
maur og öðlast við það ofur-
hetjukrafta. Með hjálp vinar síns
lærir hann að beita þessum
kröftum og þarf að kljást við ill-
menni líkt og aðrar ofurhetjur.
Andri og Edda verða bestu vinir
Norsk kvikmynd frá 2013 ætluð
börnum yfir þriggja ára aldri og
með íslenskri talsetningu. Andri
byrjar á leikskóla, kynnist Eddu
og þau verða bestu vinir. Kúru-
dýrin þeirra, ljónsunginn og
fröken Kanína, verða einnig vin-
ir og þegar annað þeirra týnist á
slökkvistöðinni lenda Andri og
Edda í ýmsum ævintýrum.
Austanvindur
Þýsk kvikmynd frá 2013, ætluð
sjö ára og eldri með enskum
texta. Foreldrar unglingsstúlk-
unnar Miku senda hana í sveit yf-
ir sumarið, á hestabúgarð ömmu
sinnar. Mika reynist þar sú eina
sem ræður við villtan fola.
Dagur krákanna
Teiknimynd frá árinu 2012,
framleidd í Belgíu, Frakklandi,
Lúxemborg og Kanada. Myndin
er ætluð sjö ára og eldri, er með
íslenskum texta og segir af
dreng sem elst upp í skógi og
með föður sínum. Drengurinn
hefur hæfileika til að sjá og
fylgja leiðbeiningum anda sem
búa í skóginum. Þegar faðir hans
verður fyrir slysi neyðist dreng-
urinn til að leita út fyrir skóginn.
Þyngd fílanna
Kvikmynd frá 2013, framleidd í
Nýja-Sjálandi, Danmörku og Sví-
þjóð, ætluð 12 ára og eldri og
með ensku tali. Hún fjallar um
Adrian, viðkvæman og einmana
10 ára strák sem býr hjá ömmu
sinni og veikum frænda. Þegar
jafnaldra hans flytur í götuna
hefst merkilegur vinskapur
þeirra á milli.
Á leið í skólann
Frönsk heimildarmynd frá 2013,
ætluð sex ára og eldri og með ís-
lenskum texta. Í henni segir frá
börnum sem búa í ólíkum löndum
en eiga það sameiginlegt að
þurfa að fara langar vegalengdir
til að komast í skóla.
Klara og leyndarmál
bjarndýranna
Svissnesk kvikmynd frá 2012,
ætluð átta ára og eldri með ensk-
um texta. Clara er 13 ára og býr
við rætur svissnesku Alpanna
með móður sinni og stjúpföður.
Hún kemst að því að bölvun hvíl-
ir á staðnum og til að aflétta
henni þarf hún að koma á sáttum
milli manna og náttúru.
Sjálfstraust
Ensk mynd frá 2013 fyrir sjö ára
og eldri með íslenskum texta. Í
henni segir af dreng í Manchest-
er árið 1984 sem dreymir um að
keppa á stórmóti í fótbolta. Þá
kemur þjálfari Manchester Unit-
ed, Matt Busby, til sögunnar og
aðstoðar fótboltalið piltsins við
að komast alla leið.
Frekari upplýsingar um myndir
hátíðarinnar, sýningartíma, við-
burði o.fl. má finna á vef Bíós
Paradísar, bioparadis.is.
Sögur af vináttu, ævintýr-
um og ólíkum áskorunum
Fjölbreytt hátíðardagskrá
Vinir Stilla úr Karsten og Petra
blir bestevenner, eða Andri og
Edda verða bestu vinir.
Morgunblaðið gefur út
27. mars glæsilegt
sérblað um HönnunarMars
–– Meira fyrir lesendur
PÖNTUNARFRESTUR
AUGLÝSINGA:
fyrir kl. 12,
mánudaginn
24. mars.
NÁNARI
UPPLÝSINGAR
GEFUR:
Katrín Theódórsdóttir
Sími: 569 1105
kata@mbl.is
Hátíðin verður haldin
víðs vegar um Reykjavík
þar sem saman koma
íslenskir hönnuðir og
sýna fjölbreytt úrval
nýrrar íslenskrar hönn-
unar og arkitektúrs af
margvíslegu tagi.
HönnunarMars
DesignMarch
Reykjavík 27.-30.03.2014