Morgunblaðið - 07.04.2014, Síða 2

2 FRÉTTIRInnlent
MORGUNBLAÐIÐ MÁNUDAGUR 7. APRÍL 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Agnes Bragadóttir vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Með bjartari dögum og auknu sólskini fer sund-
laugarferðunum Íslendinga fjölgandi. Þessir
krakkar busluðu og skemmtu sér vel í vorveðr-
inu í Laugardalslauginni um helgina ásamt öðr-
um sundlaugargestum sem tóku batnandi veðri
fagnandi.
Þrátt fyrir sólarglætu um helgina er spáð
rigningu næstu daga í Reykjavík, en sólin mun
líklegast láta sjá sig á Norður- og Austurlandi.
Brugðið á leik í Laugardalslauginni
Morgunblaðið/Árni Sæberg
Batnandi veður gefur von um að vorið nálgist
Fjöldi félagsmanna í Landvernd hef-
ur fimmfaldast á tveimur árum. For-
maður samtakanna segir að unnið
hafi verið að fjölgun félagsmanna en
margir hafi einnig gengið til liðs við
þau í tengslum við verkefni sem þau
hafi unnið að. Þá hafi áhugi fólks á
umhverfismálum aukist mjög.
Félagsmenn í Landvernd eru nú
orðnir 2.500 en voru lengst af 500.
„Við fundum fyrir auknum stuðningi
strax eftir síðustu alþingiskosningar.
Fólki var brugðið við glannalegar yf-
irlýsingar ráðherra um virkjana-
framkvæmdir og fleira sem tengist
umhverfismálum. Það kom í ljós í
grænu göngunni og á útifundinum
við stjórnarráðið í maí,“ segir Guð-
mundur Hörður Guðmundsson, for-
maður Landverndar. Hann segir að
fjölgun félaga auki félagslegan styrk
samtakanna og fjárhagslegan.
Markið er sett hærra. Guðmundur
segir að áfram verði reynt að þróa
samtökin í áttina að starfi systur-
samtaka á Norðurlöndunum. Þar
séu félögin sjálfstæð og þurfi ekki að
byggja starfsemi sína á styrkjum frá
opinberum aðilum eða fyrirtækjum.
Langt er í land með að félagafjöldinn
sé sá sami, miðað við höfðatölu,
þyrfti að tvö- eða þrefaldast frá því
sem nú er.
Á aðalafundi Landverndar sem
haldinn var sl. laugardag var sam-
þykkt ályktun um að óska eftir við-
ræðum við önnur náttúruverndar-
félög, eins og Náttúruverndar-
samtök Íslands og Framtíðarlandið,
um markvisst samstarf eða samein-
ingu með það að markmiði að styrkja
náttúruverndarstarf. Andri Snær
Magnason rithöfundur er einn
þriggja nýrra manna í stjórn.
helgi@mbl.is
Félagafjöldi Landverndar
fimmfaldast á tveimur árum
Morgunblaðið/Ómar
Ályktun Landvernd varar við gjald-
töku á einstaka ferðamannastöðum.
 Vilja viðræður
um sameiningu
Mikill atgangur var hjá lögreglunni
á höfuðborgarsvæðinu um helgina
en fjórir ökumenn voru teknir úr
umferð aðfaranótt sunnudags vegna
aksturs undir áhrifum fíkniefna og
tveir fyrir ölvunarakstur. Þá gisti
rúmlega tvítugur karlmaður fanga-
geymslu þá sömu nótt eftir að hafa
slegið annan mann á Lækjartorgi.
Ekki er vitað um meiðsli þess sem
varð fyrir árásinni.
Lögreglan á Akureyri hafði einn-
ig í nógu að snúast en þrír gistu
fangaklefa aðfaranótt sunnudags.
Þá var einn fluttur með sjúkra-
bifreið á slysadeild eftir líkamsárás í
miðbæ Akureyrar . agf@mbl.is
Mikill erill hjá lög-
reglu um helgina
„Héðan í frá verður verkfall ekki
blásið af nema við skrifum undir
samning. Ég held að ég verði að
vera bjartsýnn og ætla að leyfa mér
það þangað til ég hef ástæðu til
annars,“ sagði Kristján Jóhanns-
son, formaður Félags flugmála-
starfsmanna ríkisins (FFS), í gær,
en félagið mun funda kl. 10 í dag
hjá ríkissáttasemjara með samn-
inganefnd Isavia. Náist samningar
ekki mun verða gripið til verkfalls-
aðgerða á morgun.
Kristján býst við því að nýjar til-
lögur frá Samtökum atvinnulífsins
verði ræddar í dag og að kröfugerð
FFS fái efnislega umræðu.
Isavia fundar í dag
Stefán Gunnar Sveinsson
sgs@mbl.is
Ríkisstjórnin vill gera gagngerar
breytingar á skattkerfinu, draga úr
beinum sköttum og treysta frekar á
neysluskatta. Þá eigi að fella niður
vörugjöld af öllu nema stóru vöru-
gjaldaflokkunum og einfalda kerfið
með hag fjölskyldunnar í huga. Þetta
var á meðal þess sem Bjarni Bene-
diktsson, fjármálaráðherra og for-
maður Sjálfstæðisflokksins, sagði í
ræðu sinni á flokksráðsfundi flokks-
ins, sem fór fram á laugardaginn.
Bjarni segir að fundurinn hafi
verið mjög góður. „Þarna var farið
yfir undirbúning kosninga á sveit-
arstjórnarstiginu. Við stilltum sam-
an strengi og gengum bjartsýnir út
í vorið,“ segir Bjarni.
Í máli Bjarna á laugardaginn
kom fram að verið væri að vinna að
frekari skattalækkunum, og að
menn hefðu ekki séð það síðasta í
þeim efnum. Spurður um nánari út-
færslu segir Bjarni að meðal ann-
ars sé verið að vinna að breyt-
ingum á virðisaukaskattskerfinu.
„Þar er hugsunin sú að fækka und-
anþágum, draga úr muninum á
milli þrepanna, og vinna samhliða
að því að afnema vörugjöld á mörg-
um flokkum, meðal annars á raf-
tækjum, byggingarvörum og öðru
slíku.“ Bjarni segir að málið sé í
forgangi og muni koma til skoðunar
við vinnslu fjárlagafrumvarps
næsta árs, en í ræðu Bjarna á laug-
ardaginn sagði hann það tímabært
að viðurkenna að til dæmis ýmis
heimilistæki væru ekki lúxusvarn-
ingur sem stjórnvöld þyrftu að
stýra aðgengi almennings að með
sköttum.
Snúið við frá fyrri stjórn
Bjarni segir að jafnframt því
verði tekjuskattskerfið til skoðunar
á öllu kjörtímabilinu, þegar sé búið
að lækka tekjuskatt og áfram verði
unnið að því að draga úr tekju-
sköttum og einfalda skattkerfið.
„Mín sýn er sú að í næsta áfanga
leitumst við við að fækka þrep-
unum, að minnsta kosti niður í tvö.
Tímasetningar á þessu verða tekn-
ar með hliðsjón af öðru sem er gert
í ríkisfjármálunum og eftir samtal
við aðila vinnumarkaðarins, en það
hefur ekki breyst, að það þarf að
vinda ofan af skattahækkunum
vinstristjórnarinnar.“
Unnið að afnámi vörugjalda
 Fjármálaráðherra fór yfir verkefni ríkisstjórnarinnar á flokksráðsfundi Sjálfstæðisflokksins  Stefnt
að gagngerum breytingum á skattkerfinu  Tekjuskattsþrepum fækkað í næsta áfanga breytinganna
Morgunblaðið/Árni Sæberg
Flokksráðið fundar Gerður var góður rómur að máli fjármálaráðherra.