Morgunblaðið - 07.04.2014, Qupperneq 19

MINNINGAR 19
MORGUNBLAÐIÐ MÁNUDAGUR 7. APRÍL 2014
✝ Einar Þór Jó-hannsson fædd-
ist á Egilsstöðum
20. júlí 1995. Hann
lést 29. mars 2014.
Einar Þór var son-
ur Jóhanns Óla Ein-
arssonar, f. 10.
mars 1970, og
Ragnhildar Írisar
Einarsdóttur, f. 4.
júní 1976. Bræður
Einars eru Sævar
Elí Jóhannsson, f. 19. janúar
2002, og Ívar Logi Jóhannsson,
f. 15. desember 2007. Móðurafi
Einars Þórs er Einar Árnason, f.
1947, og móðuramma hans er
Sigríður Pálsdóttir, f. 1956. Föð-
urafi Einars Þórs
var Einar Björg-
vinsson, f. 1949, d.
1980. Föðuramma
Einars Þórs er
Ingibjörg Andr-
ésdóttir, f. 1948, og
eiginmaður hennar
er Árni Þór-
arinsson, f. 1948.
Einar Þór ólst
upp á Egilsstöðum
og stundaði nám
við Menntaskólann á Egils-
stöðum.
Útför Einars Þórs fer fram
frá Egilsstaðakirkju í dag, 7.
apríl 2014, og hefst athöfnin kl.
14.
Sofðu, engill, sofðu, við þökkum
auðmjúk þér
sem gafst okkur svo mikið í jarðvist
þinni hér.
Við eigum bara erfitt með að sætta
okkur við það
að þú sért tekin burtu og flutt á
annan stað.
Sofðu bara engill og lúrðu undir sæng
megi Drottinn geyma þig undir hlýjum
væng.
Við hittumst bara aftur þegar húmar
aftur að
og Drottinn vill fá fleiri á þennan
ljúfa stað.
(Þorbjörg Gísladóttir)
Blessuð sé minning þín, elsku
Einar Þór okkar.
Mamma, pabbi, Sævar
Elí og Ívar Logi.
Elsku hjartans vinur, það er
erfitt að skrifa nokkur orð um
ungan og fallegan dreng í blóma
lífsins sem tekinn er frá okkur
svona snemma. Þú sem áttir allt
lífið framundan, þú skilur eftir
stórt skarð í fjölskyldunni og
mikinn söknuð en Einar afi,
langömmur og langafar taka á
móti þér. Takk fyrir allar stund-
irnar sem við áttum saman, guð
veri með þér og gefi mömmu
þinni og pabba, Sævari Elí og Ív-
ari Loga styrk og kraft. Guð
blessi þig, elsku vinur, englarnir
vaka yfir þér.
Ingibjörg amma og Árni afi.
Elsku Einar Þór.
Við sitjum hér og getum ekki
trúað að þú sért farinn frá okk-
ur. Þú varst algjör gullmoli, ein-
lægur, hlýr, og alltaf flottur. Það
var gaman að fylgjast með þér,
þú varst svo nákvæmur og gerð-
ir allt vel sem þú tókst þér fyrir
hendur. Dagurinn sem við feng-
um þær fréttir að þú værir dáinn
mun aldrei gleymast. Það er svo
sárt að eiga ekki eftir að sjá þig
aftur, fá knús frá þér og fá ekki
oftar að sjá fallega brosið þitt.
Við eigum yndislegar minningar
um þig sem við munum alltaf
geyma.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni.
(Bubbi Morthens)
Hvíl í friði, elskan okkar.
Amma Sigríður og Einar afi.
Elsku Einar Þór minn, það er
svo erfitt að hugsa til þess að fá
ekki að sjá þig koma hlaupandi
inn heima hjá mömmu þinni og
pabba þegar ég kem austur til
ykkar. Þú varst alltaf svo falleg-
ur og flottur drengur með bros á
vör og gott hjarta. Þegar þú
fæddist var ég svo stolt af þess-
um litla dökkhærða snáða sem
bróðir minn hafði eignast. Dag-
inn sem þú varst skírður var Óli
svo stoltur af litla drengnum sín-
um og skírði þig í höfuðið á báð-
um öfunum þínum. Við Geir
kynntumst kvöldið fyrir skírnina
þína og alltaf þegar við rifjum
upp hvað við séum nú búin að
vera lengi saman ræðum við allt-
af um að það sé jafnlengi og Ein-
ar Þór sé gamall.
Það var svo gaman að fara
með þér til útlanda þegar þú
varst pínulítill og við mamma þín
útskrifuðumst úr menntaskóla.
Ferðin var yndisleg og svo gam-
an hjá okkur öllum í þessari ferð.
Þú varst svo fallegur með dökka
yfirbragðið þitt og þessi fallegu
augu, alltaf bræddirðu alla sem
hittu þig. Það var gaman að
koma í ferminguna þína og þeim
frændum þínum fannst þú svo
flottur og mikill töffari. Á leið
austur var Kristófer ákveðinn í
að fermast ekki en þegar hann
horfði á svarta mótor-
hjólahjálminn og mótorhjóla-
skóna sem þú fékkst í gjöf var
hann fljótur að skipta um skoð-
un, við foreldrarnir hlógum á
leiðinni heim að það hafi verið
nóg að sjá gjafirnar hjá stóra
frænda. Þú varst svo mikið nátt-
úrubarn, alltaf þegar maður kom
heim til þín varstu úti á snjó-
sleða, mótorhjóli, á skíðum, að
veiða eða að vitja um minka-
gildrurnar sem þú sýndir okkur
svo stoltur enda hafðir þú hann-
að þær sjálfur. Litlu bræðrum
þínum þeim Sævari og Ívari
þótti þú svo flottur og voru svo
ánægðir að eiga þig sem stóra
bróður sinn. Stundum voru þið
að þræta en það var nú oftast
rokið úr ykkur eftir smástund,
enda fannst þér stundum gaman
að stríða aðeins litlu bræðrun-
um. Ingibjörg amma þín var allt-
af svo stolt af þér en oft þegar ég
hringdi í hana sagði hún mér
með stolti að þú hefðir verið að
bóna bílinn hennar, borða hjá
þeim afa eða bara komið við og
athugað hvort hún ætti ekki eitt-
hvað gott að borða. Mér fannst
svo yndislegt hvað þú og pabbi
þinn voruð miklir vinir, þið gerð-
uð svo margt saman og áttuð öll
sömu áhugamálin. Þú varst líka
svo lánsamur að eiga flotta
mömmu sem var svo dugleg að
hjálpa þér við námið. Ég veit að
mamma þín og pabbi eru enda-
laust stolt af þér enda ekki ann-
að hægt, flotti drengur.
Að fá þessar fréttir um morg-
uninn var svo vont og svo óskilj-
anlegt. Enn hvarflar að mér að
þetta geti bara ekki verið rétt og
ég hljóti að fara að vakna af
þessum vonda draumi. En
kannski eigum við bara ákveðinn
tíma hér á jörðinni og kannski
áttum við bara að fá þessi átján
ár með þér. Ég veit að hann Ein-
ar heitinn afi þinn hefur tekið á
móti þér og knúsað þig, veit líka
að langömmur og langafar um-
vefja þig ást þar sem þú ert
núna. Elsku Óli minn og Íris,
Sævar Elí og Ívar Logi, mamma,
Árni, Einar og Sigga, þetta er
svo mikil sorg en við munum
hjálpast öll að við að halda áfram
og halda í minninguna um hann
Einar Þór okkar. Þín frænka,
Jónína.
Elsku hjartans Einar Þór
okkar. Orð fá því ekki lýst
hversu óbærilega sorglegt frá-
fall þitt er. Þetta er allt svo
óraunverulegt, þú þessi lífsglaði,
einlægi, góði strákur kvaddir
svona skyndilega.
Við höfum öll fylgst með þér
frá því áður en þú fæddist. Það
var mikill spenningur í fjölskyld-
unni þegar mamma þín sagði
okkur tíðindin. Þetta sumar
myndum við fá lítið frændsystk-
ini. Við þreifuðum á stækkandi
maga mömmu þinnar, fundum
þig sparka og biðum eftirvænt-
ingarfull eftir fæðingu þinni. Við
vorum fljót að fara niður á
sjúkrahús og heimsækja ykkur
þegar þú fæddist og um leið
varstu kominn í fangið til okkar
og við rifumst um að halda á þér.
Pínulítill, með dökka hárið og
fallegu grænbrúnu augun þín.
Við áttum frábærar stundir
saman, allar ferðirnar sem við
fórum til Kanarí standa sérstak-
lega upp úr. Alla dagana í fríinu
var leikið á ströndinni, byggðir
kastalar og buslað í sjónum. Á
kvöldin þegar við fórum út að
borða heillaðir þú alla í kringum
þig, þjónarnir settu upp alls
kyns skemmtiatriði, gáfu þér ís
og bjuggu um þig á veitingastöð-
unum þegar þú steinsofnaðir eft-
ir annasaman dag.
Þú varst með eindæmum
kurteis. Ömmurnar og afarnir
fengu alltaf innilegt faðmlag frá
þér og oftar en ekki við hin líka.
Þú varst alltaf svo fínn og vel til-
hafður. Þú varst einstaklega
vandvirkur og nákvæmur og
hugsaðir svo rosalega vel um
allt. Það var gaman að fylgjast
með þér eftir að þú eignaðist
fyrsta bílinn þinn. Alltaf var
hann eins og hann hefði aldrei
verið settur á götuna. Eins og
nýr og vel hirtur.
Það var alltaf mikið líf og fjör í
kringum þig, elsku Einar Þór.
Áhugamálin voru mörg og því
margt að gera. Frá því að þú
varst pínulítill fékkstu strax
áhuga á veiðum. Það var gaman
að heyra þig segja frá veiðiferð-
um þínum enda jókst áhuginn
frá ári til árs. Við dáumst að for-
eldrum þínum hversu dugleg
þau eru að snúast með ykkur
bræður í kringum áhugamálin.
Hvort sem það eru veiðiferðir,
mótorhjólaferðir, eða verið að
dytta að bílum eða tækjum.
Bræður þínir og litlu
frændsystkini þín höfðu gaman
af að fá að skottast í kringum þig
og litu mikið upp til þín. Þrátt
fyrir að þú hefðir þéttskipaða
dagskrá gafstu þér oft tíma til að
spjalla við þau um körfubolta og
leika við þau og eru þær stundir
ómetanlegar. Þú varst sérstak-
lega góður við bræður þína og
fannst þeim frábært að fá að fara
á fyrsta rúntinn með stóra bróð-
ur.
Minningarnar eru margar þó
að árin séu fá, hjartans Einar
okkar. Í hjarta okkar muntu
ávallt eiga sess og þegar við
munum hugsa um þig þá munum
við minnast þín með mikilli
hlýju.
Elsku Íris, Óli, Sævar og Ívar.
Megi Guð veita ykkur öllum
styrk á þessum sorgartímum.
Með tár í augum kveðjum við
þig í hinsta sinn með söknuð í
hjarta. Guð blessi minningu
þína, elsku frændi okkar.
Árni Páll, Birna Kristín,
Eyrún Björk og
fjölskyldur.
Vinur okkar og bekkjarfélagi
úr Egilsstaðaskóla, Einar Þór
Jóhannsson, er horfinn frá okk-
ur alltof snemma. Hann var
traustur vinur og einstaklega
góður piltur sem öllum líkaði vel
við, fallegur jafnt að utan sem
innan.
Einar Þór var skemmtilegur
strákur sem lífgaði upp á skóla-
veruna okkar og gerði hvern dag
að upplifun. Hann var glaðlegur
prakkari og húmoristi sem stöð-
ugt datt eitthvað skemmtilegt í
hug. Hann var fyndinn og fjör-
ugur og það var gaman að vera í
kringum hann. Alltaf var stutt í
hláturinn hjá Einari og ef ein-
hvers staðar var létt grín eða
góðlátleg stríðni var næstum
öruggt að hann var þar. Hug-
myndaflug Einars Þórs átti sér
engin takmörk þegar vinalegir
hrekkir voru annars vegar og
óborganleg uppátæki hans í
þeim tilgangi að fá okkur til að
hlæja eru ógleymanleg. Stríðni
Einars var aldrei meinfýsin,
hann var yndislegur strákur sem
gerði engum illt og var þannig
manneskja að engum gat líkað
illa við hann. Hann var þeim
kostum gæddur að koma eins
fram við alla, í hans huga var
enginn fremri öðrum.
Einar Þór var mjög duglegur,
fór ósjaldan í ræktina, sótti nám-
skeið, gekk á fjöll til veiða og
vann stundum á verkstæðinu hjá
pabba sínum. Hann hafði gaman
af útisporti eins og snjósleða-
ferðum og veiðum. Eftirminni-
legt er þegar hann missti af
keiluferð okkar í 10. bekkjar
ferðalaginu af því hann gleymdi
sér við kaup á blautbúningi sem
hann ætlaði að nota í stökkum
sumarsins í Eyvindarána.
Um leið og við þökkum vini
okkar Einari Þór ógleymanlega
og góða samfylgd sendum við
foreldrum hans, bræðrum og
öðrum ástvinum innilegar sam-
úðarkveðjur. Minningin um ein-
stakan vin og skemmtilegan
strák fær okkur til að brosa í
gegnum tárin. Einar Þór og fal-
lega brosið hans mun lifa með
okkur um alla framtíð.
F.h. útskriftarárgangs 2011
úr Egilsstaðaskóla,
Auðbjörg Hulda
Þórarinsdóttir og
Erla Gunnlaugsdóttir.
Einar Þór
Jóhannsson
HINSTA KVEÐJA
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
(höf. Ásmundur Eiríksson)
Unnar, Árni, Tjörvi,
Brynjar, Sara, Maron,
Eyþór, Egill og Móeiður.
Vilhjálmur Sigurðsson, eig-
inmaður minn, hefði orðið 82
ára í dag, en hann fæddist 7.
apríl 1932 í Straumi við Hafn-
arfjörð. Vilhjálmur lést á líkn-
ardeildinni á Ljósheimum á
Selfossi 2. janúar 2014.
Við Vilhjálmur vissum hvort
af öðru frá ellefu ára aldri og
fermdumst saman í Hafnar-
fjarðarkirkju vorið 1946. Við
hittumst ekki aftur fyrr en á
50 ára fermingarafmælinu, í
apríl 1996. Vilhjálmur bjó þá í
Hafnarfirði en ég í Hveragerði
og hann hafði fljótlega uppi á
mér þar í gegnum tengdadótt-
ur sína sem þar bjó. Við vorum
farin að búa saman í Hvera-
gerði 1999 og gengum í hjóna-
band 9. ágúst 2005.
Fram til 1995 bjó Vilhjálm-
ur í Miðjanesi í Reykhólasveit
og vann lengst af við akstur.
Hann keyrði m.a. fyrir Kaup-
félag Króksfjarðarness, fyrir
Landflutninga og Hagvagna
og hér fyrir austan fyrir
Mjólkurbú Flóamanna á Sel-
fossi og ESSO í Hveragerði.
Hann hætti að vinna 2007 eftir
að hafa gengist undir hjartaað-
gerð.
Okkar samband var gott.
Við áttum margt sameiginlegt,
höfðum gengið gegnum súrt
og sætt og áhugamálin voru
svipuð. Bæði áttum við hjóna-
band að baki og bæði áttum
við fjögur uppkomin börn. Við
vorum samheldin í því sem við
tókum okkur fyrir hendur og
ætluðum okkur að gera. Vil-
hjálmur keypti hús í Hvera-
gerði og þar nutum við þess að
rækta garðinn og láta okkur
líða vel. Vilhjálmur var áhuga-
samur um þjóðmál, hann
fylgdist vel með pólitíkinni og
var kátur og félagslyndur
Vilhjálmur
Sigurðsson
✝ Vilhjálmur Sig-urðsson fædd-
ist í Straumi í
Straumsvík 7. apríl
1932. Hann lést 2.
janúar 2014 á
hjúkrunarheim-
ilinu Ljósheimum á
Selfossi.
Vilhjálmur var
jarðsunginn frá
Garðakirkju á
Álftanesi 14. janúar
2014.
maður. Hann var
góður faðir, afi og
langafi og það var
ánægjuleg og
ógleymanleg stund
þegar við áttum
bæði stórafmæli í
hitteðfyrra, að fá
þessar fjölmennu
fjölskyldur okkar
heim í Heiðarbrún
af því tilefni.
Vilhjálmur
veiktist af krabbameini 1997.
Það lá niðri fram í apríl 2013
en ágerðist þar til yfir lauk.
Hann var aðeins fjórar vikur á
sjúkrahúsi á Selfossi, fékk að
koma heim daginn fyrir Þor-
láksmessu en svo hríðversnaði
honum og hann þurfti að fara
aftur á Selfoss á nýársdag. Við
áttum saman yndislega jólahá-
tíð og aðfangadagskvöld enda
þótt hann væri mikið veikur.
Vilhjálmur fékk góða hjúkrun
hér í Hveragerði og á Selfossi
og við áttum hér góða vini sem
studdu okkur og styðja mig
enn. Fyrir það vil ég þakka.
Vilhjálmur var mér einstak-
lega hlýr og góður. Saman tók-
umst við á við áföll og erf-
iðleika og börðumst saman í
veikindastríði beggja. Hann
studdi mig vel í mínum veik-
indum 2012 og ég gerði það
sem ég gat þegar hann var
orðinn fárveikur. Ég vil að
leiðarlokum þakka fyrir allt
sem Vilhjálmur gerði fyrir
mig, fyrir börnin mín og
barnabörnin. Hann var þeim
mjög kær.
Ég kveð hann með ljóðinu
„Gjöfin“ eftir Úlfar Ragnars-
son:
Ég veit ekki hvort þú hefur,
huga þinn við það fest.
Að fegursta gjöf sem þú gefur
er gjöfin sem varla sést.
Ástúð í andartaki,
augað sem glaðlega hlær,
hlýja í handartaki,
hjarta sem örar slær,
Allt sem þú hugsar í hljóði,
heiminum breytir til.
Gef þú úr sálarsjóði,
sakleysi, fegurð og yl.
Guð geymi Vilhjálm Sigurðs-
son.
Sunna Guðmundsdóttir.
✝
Elskuleg móðir okkar, tengdamóðir, amma
og langamma,
SIGRÍÐUR SVAVA RUNÓLFSDÓTTIR
frá Keflavík,
síðast Hörgshlíð 4,
Reykjavík,
verður jarðsungin frá Fossvogskirkju
þriðjudaginn 8. apríl kl. 13.00.
Jarðsett verður í Gufuneskirkjugarði.
Þeim sem vilja minnast hennar er bent á líknarfélög.
Runólfur Skaftason,
Þórunn Skaftadóttir,
Inga Skaftadóttir, Birgir V. Sigurðsson,
Gunnhildur Skaftadóttir, Guðmundur Magnússon,
Friðfinnur Skaftason, Sigríður H. Ingibjörnsdóttir,
Einar Skaftason, Lydía Jónsdóttir,
Páll Skaftason, Hrund Þórarinsdóttir,
barnabörn og barnabarnabörn.
Ástkær bróðir okkar, mágur og frændi,
JAKOB BREKKMANN EINARSSON,
fyrrverandi kennari,
Brekku,
Hofsósi,
lést á Heilbrigðisstofnuninni Sauðárkróki
miðvikudaginn 2. apríl síðastliðinn.
Útför hans fer fram frá Hofsóskirkju
laugardaginn 12. apríl kl. 14.
Aðstandendur og fjölskyldur þeirra.
Ástkær móðir okkar, tengdamóðir, amma
og langamma,
MARGRÉT HELENA MAGNÚSDÓTTIR,
Sauðármýri 3, Sauðárkróki,
lést fimmtudaginn 3. apríl á
Heilbrigðisstofnuninni Sauðárkróki.
Útförin fer fram frá Sauðárkrókskirkju
þriðjudaginn 15. apríl kl. 14.00.
Ingibjörg Sigfúsdóttir Gísli Pétursson
Magnús Sigfússon Lára Gréta Haraldsdóttir
Sjöfn Sigfúsdóttir
Sigfús Sigfússon Jóney Kristjánsdóttir
Helena Sigfúsdóttir Hermann Óli Finnsson
og fjölskyldur.